Choćebuz (SN/MkWj). Parlamentariska přirada Załožby za serbski lud je so dźensa w Choćebuzu zešła. Po nawodom Marka Šimana zapósłanca CDU w Sakskim krajnym semje wuradźowachu zastupnicy Zwjazkoweho sejma kaž tež krajneju sejmow Sakskeje a Braniborskeje wo aktualnych problemach w zwisku z financowanjom serbskich insitucijow. Tak podaštaj předsyda Rady załožby za serbski lud Jan Budar a direktor Marko Suchy rozprawu wo połoženju. Nimo toho słyšachu wobdźělnicy rozprawy wo dźěławosći Serbskeho muzeja w Choćebuzu, tamnišeje wotnožki Serbskeho instituta a Šule za delnjoserbsku rěč a kulturu.