Žadaja sej ludowe rozsudy na zwjazkowej runinje

Donnerstag, 12. November 2015
Artikel bewerten
(0 Stimmen)

Ze sepju žadanjow wobroći so wulki dźěl měšćanostow w Budyskim wokrjesu w lisće, „zasadnym wozjewjenju“, na zwjazkowu kanclerku Angelu Merkel­ (CDU). Su pak tež kritiske hłosy, wosebje z rjadow wyšich měšćanostow.

W Budyskim wokrjesu su dotal w 15 z 59 komunow něhdźe 2 040 ćěkancow zaměstnili. Po Zakonju wo přiwzaću ćěkancow w Sakskej su wokrjesy a bjezwokrjesne města jako delni zarjad přisłušne, azyl pytacych zaměstnić a tak zakoń spjelnić. Zakoń gmejny zawjazuje, sobu skutkować a kmane ležownosće a twarjenja za wužiwanje­ přewostajić abo pomjenować. „Dalokož je trjeba, maja zarjadowanje nuzowych kwartěrow znjesć“, rěka w zakonju.

Ze sto do Němskeje přichadźacych ludźi dyrbi Sakska 5,1 zaměstnić. W sakskim měritku přichadźa 7,6 ćěkancow ze sto do Budyskeho wokrjesa. Prud ćěkancow pak měri so njepřestajnje na Němsku. Hłownje dóstawaja so woni přez němsko-awstrisku hranicu do kraja, daloko preč wot Łužicy. Kak pak bychu tudyši zamołwići reagowali, bychu-li ćěkancy po tysacach přez Čěsku w Załomju abo Sebnitzu do Němskeje přišli?

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND