Nowe pólske knježerstwo nawodu wažneje institucije wotsadźiło
Waršawa. Postupowanje noweho pólskeho knježerstwa w zwisku z wosobinskimi změnami na čole wažnych institucijow je dźeń a skurilniše.
Minjeny pjatk rano w 1.30 hodź. dojědźe społnomócnjeny noweho zakitowanskeho ministra Antonija Macierewicza z někotrymi zastojnikami wojerskeje policije do noweho Waršawskeho centruma NATO za wotwobaranje wojerskeje spionaže. Hłowny zaměr nócneje akcije bě, wotsadźić nawodu institucije Krzysztofa Duszu – tón wšak w tym času ani w domje njebě. Stražu, kotraž tam nócnu słužbu wukonješe, při tej składnosći tohorunja hnydom pušćichu.