W Lipsku wulke škody načinili

Dienstag, 12. Januar 2016
Artikel bewerten
(0 Stimmen)
Rozbite wokna, wurubjene wobchody, spowalane wotpadkowe kontejnery a spalene awta – to je bilanca wčerawšich namócnosćow w Lipšćanskim měšćanskim dźělu Connewitz. Po měrniwej demonstraciji přiwisnikow a přećiwnikow antiislamskeho hibanja  Legida randalěrowaše tam 250 prawicarskich ekstremistow. Policija je wulki dźěl z nich zajała.  Foto: dpa/Peter Endig Rozbite wokna, wurubjene wobchody, spowalane wotpadkowe kontejnery a spalene awta – to je bilanca wčerawšich namócnosćow w Lipšćanskim měšćanskim dźělu Connewitz. Po měrniwej demonstraciji přiwisnikow a přećiwnikow antiislamskeho hibanja Legida randalěrowaše tam 250 prawicarskich ekstremistow. Policija je wulki dźěl z nich zajała. Foto: dpa/Peter Endig

Dulig ma hibanja zamołwite za zhrubjenje towaršnosće

Lipsk (dpa/K/SN). Prawicarscy ekstremisća su na prěnjej róčnicy hibanja Pegidy w Lipsku wulke krawale načinili. Ně- hdźe 250 hooliganow je w měšćanskim dźělu Connewitz randalěrowało, znatym swojeje lěwo-awtonomneje sceny dla. Zawostajili­ su spalene awta, mnohe rozbite wukładne wokna, wurubjene wobchody, spowalane wotpadkowe kontejnery a dalše zapusćenja. Při swojim namócnym wustupowanju su tež rakety pušćeli a barikady twarić započeli. Policija rěči wo 250 zakuklencach, prawdźepodobnych hooliganach kopańcy z Lipska a Halle. Zo bychu situaciju pod kontrolu dóstali, wobkružichu zastojnicy krawalnikow a registrowachu wot 211 podhladnych personalije. Zwěsćenych bu 57 chłostanskich deliktow, kaž naškaranje ćežkeho njeměra, zranjenje zakonja wo zhromadźowanju abo zranjenje zakonja wo brónjach a rozbuchlinach.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND