Zapósłancy unije „zběžkuja“

Dienstag, 19. Januar 2016
Artikel bewerten
(0 Stimmen)

Prěni minister žada sej wot zwjazkoweje kanclerki změnu kursa

Berlin (dpa/K/SN). Kritikarjo a podpěraćeljo kursa zwjazkoweje kanclerki Angele Merkel w frakciji unije nastupajo ćěkancow su so nětko tež do pisomneho boja dali. Něhdźe 50 zapósłancow CDU a CSU z 310 podpisa hač do wčerawšeho wječora list, kritizowacy dotalne postupowanje kanclerki. Iniciatorojo spisa běchu wšak sej hišće wjele wjace podpěraćelow lubili. Mnozy zapósłancy su najskerje njedźiwajcy wšeje transparency woneje akcije wočakowali, zo jim list wosobinsce předpołoža. Spodźiwanje wšak zbudźa, zo je rjad zapósłancow CSU zboka wostał. Přiwšěm hódnoća mnozy kritikarjo kanclerki akciju jako „hoberski wuspěch“. Wažni zapósłancy CSU, kaž nutřkopolitiski rěčnik frakcije unije Stephan Mayer, frakciski justiciar Hans-Peter Uhl a předsyda srjedźostawskich čłonow CSU Hans Michelbach, su podpisali.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND