Zesylnja policajsku wzajomnosć

Donnerstag, 16. April 2015
Artikel bewerten
(0 Stimmen)

Drježdźany/Berlin (dpa/SN/K). Kriminalita njeznaje hranicy, a tak matej z drogu crystal abo z padustwom awtow Němska kaž Čěska swoje njemałe starosće. Kri­minaliće wobarać, za to policija wobeju krajow hižo hromadźe dźěła. Z nowym zrěčenjom nima so jenož na tym polu wzajomnosć hišće zesylnić.

Nowe němsko-čěske policajske zrě­če­nje móža kónc apryla podpisać. Tomu je zwjazkowe knježerstwo wčera přihłosowało. „Nowe zrěčenje rozšěri móžnosće zhromadneho dźěła policije a cła mjez Němskej a Čěskej republiku a zmóžnja tak lěpši bój přećiwo mjezu překročacej kriminaliće“, rjekny zwjazkowy nutřkowny minister Thomas de Maizière (CDU).

Z nowym zrěčenjom dóstanu zastojnicy wobeju krajow wjace kompetencow za to, zasahować tež na druhej stronje hranicy. Tak budu zhromadne patrulje móžne. Wukrajni zastojnicy smědźa při mjezu překročacych akcijach pod nawodom domjaceho zastojnika policajsce jednać.

Veröffentlicht in Kraj a swět
Bitte anmelden, um einen Kommentar zu posten

Serbska debata

Neuheiten LND