Němska banka dale lutuje

Montag, 27. April 2015
Artikel bewerten
(0 Stimmen)
Frankfurt n. M. (dpa/SN/K). Po tym zo je Němska banka swoju „drohu“ Póstowu banku předała, chce wona dalše miliardy zalutować. Operatiwne kóšty maja so hač do lěta 2020 wo přidatne 3,5 miliardow eurow znižić. 60 procentow ma za to zwyšenje eficiency wunjesć, tak na přikład sylniše zdigitalizowanje procedurow. 40 proc. zalutowanja ma so ze za­wrjenjom něhdźe 200 „módrych“ filialow z cyłkownje 700 docpěć, a to w lětach 2017 hač do 2020. Zo móhła zalutowanja zwoprawdźić, kalkuluje Němska banka z jónkrótnymi wudawkami 3,7 miliardow eurow. Renditny zaměr koncerna staj nowaj šefaj předsydstwa Anshu Jain a Jürgen Fitschen na něšto wjac hač dźesać procentow znižiłoj – dotal chcyte dwanaće proc. njebu nihdy docpěte.

Veröffentlicht in Politika
Bitte anmelden, um einen Kommentar zu posten

Anzeige