Debatuja wo ćěkancach

Mittwoch, 22. April 2015 geschrieben von:

Müller žada sej wuchowanski program „Mare Nostrum“ wožiwić

Berlin (dpa/SN/K). Někotre dny po zahub­nych łódźnych katastrofach na Srjedźnym morju, žadacych sej smjerć wjele stow ćěkancow, je Zwjazkowy sejm dźensa popołdnju wo konsekwencach debatował. Při tym dźěše předewšěm wo strategije, kak ćěkancow wuchować, ale tež wo prašenje, kak najskutkownišo pře­ćiwo pašowarjam ludźi postupować.

Wobskorženeho přesłyšowali

Mittwoch, 22. April 2015 geschrieben von:
Lüneburg (dpa/SN). W procesu přećiwo něhdyšemu dohladowarjej SS w koncentraciskim lěhwje Auschwitz su dźensa na Lüneburgskim krajnym sudnistwje wobskorženeho Oskara Gröninga přesłyšowali. Při tym dźěše nadrobnje wo jeho tehdyše nadawki jako zapisowar. Wčera bě Gröning k zahajenju procesa swoju moralisku sobuwinu na masowych morjenjach přiznał. Statne rěčnistwo wumjetuje jemu sobuwinu na morjenju 300 000 ludźi. Wobskorženy přizna, zo bě pomhał zawostajene wačoki jatych rumować a je za pjenjezami a drohoćinkami přepytać. Te wón po tym SS dale po­srědkowa, štož je nacionalsocialistam hospodarski wužitk wunjesło.

Hroža z wuběrkom

Mittwoch, 22. April 2015 geschrieben von:
Berlin (dpa/SN). Zeleni chcyli wosebity přepytowanski wuběrk zwołać, njedyrbjała-li zakitowanska ministerka Ursula von der Leyen (CDU) dźensa w zakitowanskim wuběrku zwjazkoweho sejma problemy z mašinskej třělbu G 36 na­drobnje wuswětlić. Tole zdźěli frakciski předsyda Anton Hofreiter powěsćerni dpa. Prawdźepodobnje dyrbja wšitke 167 000 trělbow wuměnić.

Energijowe plany

Mittwoch, 22. April 2015 geschrieben von:
Athen (dpa/SN). Grjekska a Ruska chcetej na polu energije wušo hromadźe dźěłać. Z teje přičiny je šef ruskeho statneho energijoweho koncerna Gazprom Alexej Miller wčera w Athenje pola grjekskeho energijoweho ministra Panagiotisa Lafazanisa był. Při tym rěčeštaj wo plano­wanym płunowodźe po Grjekskej kaž tež wo niskich płaćiznach ruskeho zem­skeho płuna za Grjeksku.

Dawataj sej winu

Mittwoch, 22. April 2015 geschrieben von:
Berlin (dpa/SN). Šef dźěłarnistwa lokomotiwnikow GdL Klaus Weselsky a zamołwity Němskeje železnicy za personal Ulrich Weber dawataj sej mjezsobnu winu na zwrěšćenych tarifowych jednanjach a na stawku. W telewiziji ARD wumje­to­waše Weselsky železnicy dźensa blokadnu politiku. Weber skedźbni na to, zo je GdL mjezywuslědki jednanjow akceptowała a wotpowědny dokument podpisała.

To a tamne (22.04.15)

Mittwoch, 22. April 2015 geschrieben von:

Dokelž dyrbješe spěšnje něšto jěsć, je koparski sudnik w bayerskim Aufkir­chenje hru krótkodobnje přetorhnył a sej całtu wobstarał. Hakle po tym wón par­tiju­ zaso zahwizda. Kaž 72lět­ny sud­nik-diabetikar zadźiwanym nowinarjam rjekny, hrožeše strach, zo so zwjeze.

Drohe misnjenje: Runje z ciwilnym jězdźidłom­­ awtodróhoweje policije je so mo­torski z Choćebuza po A 24 pola Neuruppina­ honił. 23lětny smalak za­stoj­­nikam po ty­m wujasni, zo bě wjesoły měć runohódneho partnera. Motorski bě město dowolenych 130 kilometrow na hodźinu hač do 212 km/h jěł. To ma za­ njeho sćěhi: Jězbnu dowolnosć dyrbi tři měsacy wotedać, pjenježna pokuta wučinja znajmjeńša 630 eurow.

Łužica (22.04.15)

Mittwoch, 22. April 2015 geschrieben von:

Myto přepodźa pozdźišo

Zhorjelc (dpa/SN/ch). Krizoweho wjerška dramy ćěkancow dla so za jutře planowane spožčenje mjezynarodneho Mo­stoweho­ myta europskeho města Zhorjelca/Zgorzeleca přestorči. Nošer myta, komisiski prezident Europskeje unije Jean-Claude Juncker, dyrbješe krótko­dobnje wot­prajić, zdźěli wčera Willi Xylander, pre­zident towarstwa Mostowe myto. Nowy termin so hišće postaji. Junckera chcedźa za jeho zasłužby wokoło zjednoćenja Europy­ počesćić. Z 2 500 eurami dotěrowane Zhorjelske Mostowe myto spožčeja wot lěta 1993 wosobinam z wulkimi zasłužbami při wujednanju a dorozumjenju w Europje.

Wo planach azyla informowali

Dowěra woteběra a přiběra

Dienstag, 21. April 2015 geschrieben von:

Stuttgart (B/SN). Nahladnosć někotrych powołanjow, kotrež mějachu po tradiciji wěstu dowěru, je w minjenych dźesać lětach­ zdźěla poćerpjeła. Tak Němcy mjeztym pilotam, taksijowym šoferam, fararjam a žurnalistam mjenje dowěrjeja, rěka w studiji Trusted Brands měsačneho magacina „Reader’s Digest“, kotruž su w Stuttgarće předstajili. Wulku nahladnosć maja porno tomu medicinski personal, wohnjowi wobornicy a policija, kaž z přepytowanja wuchadźa.

Ćichi pjatk žane wobrězanje

Münster (B/SN). Po rozsudźe prawiznika njesmě so ćichi pjatk hižo žane wobrě­zanje wotměwać. Wyše zarjadniske sudnistwo Münster wobkrući tak rozsud města Kölna, kotrež bě přenajenje hosćenca ćichi pjatk za wobrězowanski swjedźeń zakazał.

Nimale wšitke cyrkwje zničene

Wolfgang Kotisek: Mam tukanja za lózyske

Dienstag, 21. April 2015 geschrieben von:

Budyšin (SN/JaW). Byrnjež hłowna zhomadźizna Europskeje swobodneje aliancy (EFA), kotrejž přisłuša tež serbska strona­ Łužiska alianca, minjenej pjatk a sobotu w Budyšinje wuspěšna była, je w jeje přihotach a přewjedźenju k njedorozumjenjam dóšło.

Zwjazkowa swójbna ministerka Manuela Schwesig (SPD) je dźensa w swojim ministers­twje na prašenja šulerjow wotmołwjała. Ministerka bě sej wuknjacych Berlinskej­e zakładneje šule „Anna Lindh“ přeprosyła, zo by z nimi składnostnje zajutřiše­ho „Girls’ a boys’ dayja“ wo naležnosćach runoprawosće w powołanju a wo swob­odnym wuzwolenju powołanja rěčała. Foto: dpa/Britta Pedersen

Anzeige