To a tamne (08.10.20)
Połnje wobsadźeny šulski bus dyrbješe połdra hodźiny čakać, doniž njeje parkowace awto skónčnje wotjěło. Stało je so to minjeny pjatk w Neustadće pola Coburga. Tam je so 63lětny muž njesměrnje rozhněwał, dokelž so w zajězdźe na ležownosć zas a zaso jězdźidła zawróćeja. Tež bus tam zaparkowa. Hakle policija a busowy předewzaćel zamóštaj 63lětneho změrować. Poměry wobsydstwa zajězda chcedźa nětko přepytować a znowa posudźować. Muž pak ma z chłostanjom ličić, dokelž je z gwałtom bus zadźeržał. Dźěći dyrbjachu z dalšim busom do šule dowjezć.
W Berlinskim kabineće Madame Tussauds su prezidenta USA Donalda Trumpa nětko pod karantenu stajili. Tak su wokoło wustajeneje figury banćik připrawili. Tež škitny nahubnik Trump ma.
Třo kandidaća hižo su
Wo aspektach z wida SSW, na wólbach zwjazkoweho sejma so wobdźělić
Zjězd Južnoschleswigskeho wolerskeho zwjazka (SSW) njeje ani měsac nimo. Jeho wobzamknjenje, so jako strona Danow a Frizow klětu na wólbach Němskeho zwjazkoweho sejma wobdźělić, je na stronskej bazy hnydomne reakcije zbudźiło. Hač do kónca septembra su hižo tři wosoby swoju kandidaturu přizjewili. Wokrjesne předsydstwo SSW Sewjerna Friziska je Sybillu Nitsch, na zjězdźe w Flensburgu hakle za městopředsydku strony wuzwolenu, za kandidatku we wólbnym wokrjesu Sewjerna Friziska/Dithmarschenska-sewjer kaž tež za načolnu kandidatku SSW namjetowało. Městny zwjazk SSW Kiel/Pries/Klausdorf je swojemu předsydźe Marcelej Schmidtej při jeho kandidaturje we wólbnym wokrjesu Kiel wšu podpěru zawěsćił.
Serbscy wučerjo zasadna naležnosć
Kubłanske prašenja postajowachu dnjowy porjad wčerawšeho posedźenja Rady za naležnosće Serbow Braniborskeje w Podstupimje. W srjedźišću stejachu stipendije za přichodnych wučerjow we wjesnych kónčinach.
Podstupim (SN/at). Tež w Braniborskej ćerpja pod tym, zo njeje młodym wučerjam atraktiwne dosć we wjesnej šuli wuwučować. Tohodla je krajne knježerstwo „Stipendijowy program za wučerki a wučerjow na wsy“ přihotowało.
Wučerski dorost je za přichod delnjoserbšćiny bytostny. Tohodla so přitomni wčera prašachu, čehodla njebě ministerstwo za kubłanje, młodźinu a sport při rozjimanju tematiki fachowje zastupjene. Kerstin Kosakowa, serbska społnomócnjena wokrjesa Sprjewja-Nysa, žadaše sej wjace wabjenja za wučerske powołanje na wsy a za te serbskich pedagogow. „Status wučerjow a wosebje serbskich wučerjow ma so w Braniborskej polěpšić.“ Radźićel Wylem Janhoefer rěčeše pobrachowacych serbskich wučerjow w Delnjej Łužicy dla wo „bórzomnym wohrožacym połoženju“.
Rumnosće DFB přepytali
Frankfurt nad Mohanom (dpa/SN). Podhlada njepłaćenych dawkow we wosebje ćežkich padach dla je statne rěčnistwo w Frankfurće nad Mohanom dźensa wobchodne rumnosće Němskeho koparskeho zwjazka (DFB) a priwatne bydlenja zamołwitych přepytać dało. Při naprawach we wjacorych zwjazkowych krajach bě něhdźe 200 zastojnikow zasadźenych. Předewšěm zajimowachu so za dochody z wabjenjow a z domjacych hrow němskeje koparskeje narodneje wubranki w sezonje 2014/2015.
Zakaz žane rozrisanje
Lipsk (dpa/SN). Hotelownicy kritizuja zakaz přenocowanja w jednotliwych zwjazkowych krajach za turistow z němskich rizikowych kónčin. Hłowny jednaćel zwjazka hotelow a hosćencow Durinskeje Dirk Ellinger je dźensa rano w powěsćach MDR wo wulkich njewěstosćach rozprawjał. Tak su jasne postajenja ze stron politiki trěbne. Zakazy njejsu žane rozrisanje. Wšako eksistuja koncepty hygieny, kotrež su tež přesadźomne.
Infekcije w Sakskej přiběraja
Prěni połčas 6. Zhorjelskeho fotoweho festiwala „Schauplätze“ ...
Online-słyšenje planowane
Flensburg (SN). Wažny měznik iniciatiwy Minority SafePack (MSPI) budźe 15. oktobra online-słyšenje w europskim parlamenće. Wobydlerski komitej je parlament nětko wo tym informował, zo termin akceptuje, kotryž běchu tři wuběrki namjetowali.
W lěće 2013 zahajena iniciatiwa MSPI nasta na zakładźe solidarity mjez najwšelakorišimi mjeńšinami a rěčnymi skupinami Europy. Federalistiska unija europskich narodnych mjeńšin (FUEN) je MSPI koordinowała a 1 123 442 podpismow w jědnaće europskich krajach nazběrała. Zaměr je Europsku uniju zmužić, zo swojemu hesłu wotpowědnje škit přisłušnych narodnych a rěčnych skupin polěpši a kulturnu kaž tež rěčnu mnohotnosć w zhromadźenstwje statow zesylni.
Na wobjednawanju žadanjow 15. oktobra změja fachowcy iniciatiwy składnosć, swoje namjety komisiji, radźe kaž tež agenturje Europskeje unije za zakładne prawa a wuběrkej regionow a rozłožić.
Rozkory sakskeho etata dla
Drježdźany (dpa/SN). Sakska koalicija CDU, SPD a Zelenych njeje ze zestawu dwójneho etata za lěće 2021 a 2022 hišće spokojom a chce dźensa w mjeńšich skupinach dale wuradźować. Etatowu klawsuru běchu póndźelu rozkorow dla přetorhnyli. „Třo partnerojo w jednym knježerstwje trjebaja wjace chwile rozrisanje nańć“, měnješe kultusowy minister Christian Piwarz (CDU).
Mjeztym zo stej stronje Zeleni a CDU přećiwo nowym dołham za inwesticije, nochce to SPD cyle wuzamknyć. „To njeměł žadyn tabu być“, podšmórny frakciski šef SPD Dirk Panter.
„Jednanja su mjezykrok. Z našeho wida je zakładnje móžno so dojednać“, wuswětli předsydka frakcije Zelenych w Sakskim krajnym sejmje Franziska Schubert. Při wčerawšim wothłosowanju bu wona znowa w zastojnstwje wobkrućena. Parlamentariski jednaćel wostanje Valentin Lippmann, městopředsydka frakcije je dale Christin Melcher.
Zwjeršny a ignorantny
To a tamne (07.10.20)
Dokelž njemóžeše žona swoju ruku hižo z gullyjoweho wěka w Siegburgu wućahnyć, zawołachu starosćiwi přećeljo wuchowansku słužbu. Młodej žonje bě mjenujcy kluč do gullyja padnył, a tón chcyše wona wućahnyć. Ruka pak tčacy wosta. Z pomocu wosebiteho maza su wuchowarjo žonu w běhu jenož někotrych mjeńšin wuswobodźili.
Romski kołk, debjenki ze srjedźowěka, hrajki z wiktorianskeho časa: Štóž w Londonje podłu rěki Thames za něčim pyta, móže jónkrótne kruchi nańć. Tuž přeprošuje organizacija Thames Explorer Trust na pućowanje, zo bychu za pokładami pytali. Kaž archeologowka Vanessa Bunton rozkładźe, bě rěka za čas Romjanow najwjetša deponija wotpadkow. W zwisku z přiliwom a wotliwom wody w rěce so tam tuž zas a zaso njewšědne relikty na přibrjóh dóstawaja.
Njewotwisni partnerojo trěbni
Berlin (dpa/SN). Politikarka Zelenych a zamołwita za nutřkowne naležnosće Irene Mihalic so znowa za to wupraja, zo trjeba policija njewotwisnych narěčenskich partnerow za pokazki nastupajo prawicarskoekstremistiske pady. Woni měli zwonka hierarchije zakótwjeni być, rjekny Mihalic rano w telewiziji ZDF. Pozadk toho je dźensa wozjewjena rozprawa zwjazkoweho nutřkowneho ministra Horsta Seehofera (CSU) wo prawicarskoekstremistiskich padach we wěstotnych zarjadach Zwjazka a krajow.
W ÖPNV znowa stawkuja
Frankfurt nad Mohanom (dpa/SN). Tydźeń po prěnich warnowanskich stawkach zjawneho bliskowobchada (ÖPNV) njeje dźensa znowa wjele busow a tramwajkow jěło. Dźěłarnistwo ver.di bě w Hessenskej k stawkam namołwjało. We wjacorych wulkich městach, kaž Frankfurće nad Mohanom, Wiesbadenje abo Kasselu, přistajeni tuž stawkuja. W Bremenje a Delnjej Sakskej sobudźěłaćerjo akciju jutře zahaja. Ver.di zasadźa so za nowe tarifowe zrěčenje přistajenych zjawneho bliskowobchada po cyłym Zwjazku.
Daty składować zakazane
