Roły sej wobhladali

Choćebuz (SN/ch). Dźeń twarnišća Łužiskeje wodoweje towaršnosće (LWG) je pjatk tójšto Choćebužanow wužiło, zo bychu sej wobraz wutworili wo dźěłach při kanalu měšaneje wody wosrjedź nutřkowneho města. Hišće hač do nazymy twari LWG nowu trasu za stary kanal z lěta 1897. Wopytowarjo zwěsćichu, zo njeje originalna roła kulojta, ale zo wupada kaž na hłowje stejace jejo, rozprawja Jonas Krause, techniski nawoda při LWG. Z tym bu spěšnosć wody pospěšena. Nimo toho so tomu zadźěwa, zo něšto w role ležo wostanje, dokelž bě maćizna te- hdy hišće chětro surowa. „Nowe roły pak su porno tomu kulowate a nutřka hładke“, zawěsći Krause.

Nuzowe łójenje