Łužica (24.08.15)

Montag, 24. August 2015
Artikel bewerten
(0 Stimmen)

Maja zaso pjaty lětnik

Wodowe Hendrichecy (dpa/SN/ch). Prěni króć po lětach ma wyša šula we Wodowych Hendrichecach wot dźensnišeho zaso 5. lětnik. Přizjewiło je so za njón 25 šulerjow. Za wutworjenje rja­downje bě dwaceći přizjewjenjow trěbne. Wot lěta 2012 do 2014 běchu starši protestnu wučbu z čestnohamtskimi wučerjemi sami organizowali, starajo so jako šulscy rebelojo z Wodowych Hendrichec wo wulku kedźbnosć. Město je so wuspěšnje zawrjenju kubłanišća wobarało a je přećiwo planej šulskeje syće wokrjesa skoržiło.

Historiske adresowe knižki

Zhorjelc (SN/ch). Domizniscy a swójbni slědźerjo maja w Zhorjelcu wuhlad na spěšny­ wuslědk swojich slědźenjow. Jenički klik z myšku dosaha, a hižo móža w historiskich adresowych knižkach města listować. Lisćiny buchu digitalizo­wane a do interneta stajene. Dotal dyrbjachu sej zajimcy w Hornjołužiskej bibliotece­ za wědomosće mikrofilmy z adresowymi­ datami wobhladać. Nětko su wšitke Zhorjelske adresowe knižki wot lěta 1850 do 1950 digitalnje k dispoziciji. Přistup k datam je darmotny.

Swobodne wukubłanske městna

Veröffentlicht in Łužica
Bitte anmelden, um einen Kommentar zu posten

Anzeige