Wjerch kupnicy so sypnył
Zły Komorow (dpa/SN/ch). Nawala wody za čas hrimanja dla su so wčera wječor dźěle wjercha w Złokomorowskej kupnicy sypnyli. Něhdźe 50 kupcow a přistajenych dyrbješe twarjenje wopušćić, kaž policija dźensa w Podstupimje zdźěli. Po warnowanju tamnišeje Němskeje wjedroweje słužby před njewjedrami za Markowsku Šwicu pak žane dalše wjetše škody njeregistrowachu. Někotre štomy so powróćichu. W Choćebuzu so jedne awto wobškodźi. W regionje so na zbožo nichtó njezrani.
Pušća žonu dočasnje z jastwa