Njezapomnity pomocnik
Grodk (SN/ch). Fararjej Johannej-Jakobej Werdinej spožča čestnu medalju „Wosebite zasłužby za město Grodk“, a to we wobłuku wobydlerskeho swjedźenja składnostnje 25. róčnicy němskeje jednoty 3. oktobra na Grodkowskim torhošću. Ze swojim njesprócniwym dźěłom a wulkim socialnym angažementom je farar Werdin žiwjenje města na mnohich polach sobu postajał. Přez swoje něhdźe 4 000 Božich słužbow je wón w Grodku znaty a njezapomnity. Werdin pochadźa z Gubina a přewza 1977 z hakle 25 lětami wosadu Michałskeje cyrkwje w Gubinje. Wón bě tež farar we Łojowje (Groß Luja), Lěšćach (Hornow) a Małych Dobrynjach (Klein Döbbern).
Wo reformaciji so wuměnjeć