Wutwarjeja přibrjóh

Hamor (SN/ch). Při Sedlišćanskim jězorje w Lěskej wutwarjeja přibrjóžny wobłuk. Zaměrowy zwjazk Łužiska jězorina Braniborska inwestuje tam něhdźe milion eurow, zdźěli rěčnica Diana Hüttler. W prěnim wotrězku nastanu nowe parkowanišća, nowy dojězdny puć a sanitarne twarjenje. Wone pak budźe hakle kónc sezony 2016 wužiwajomne. 2017 ma dalši twarski wotrězk slědować. Tón wopřijima wuhotowanje přibrjóžneho wobłuka při jězorje a přistawnišćo za pasažěrske łódźe. Twar přistawnišća chce zaměrowy zwjazk zhromadnje z hórniskim saněrarjom LMBV zwoprawdźić.

Twarja nuzowu přebywarnju