Woidke za wokrjesnu reformu

Choćebuz (dpa/ch/SN). Ministerski prezident Dietmar Woidke (SPD) sej žada, zarjadniske struktury w Kraju Braniborskej hižo do prašenja njestajeć. „Njesměli tu a dźensa po wjele měsacach a lětach zasadnych diskusijach wjace wo tym rěčeć, hač skutkowny reformowy paket za braniborske zarjadniske struktury nastorčimy“, praji wón kónc tydźenja na kongresu w Choćebuzu tysacam wobdźělnikow. Woidke na to skedźbni, zo tři bjezwokrjesne města Choćebuz, Frankfurt nad Wódru a Brandenburg nad Habolu hižo lěta pod woteběracym wobydlerstwom ćerpja. Zhromadnje bychu wone kasowe kredity wjace hač miliardy eurow dóstali. CDU pak je chětro iritěrowana a měni, zo Woidke kraj wusměšuje, zo by reformowe plany wopodstatnił. Braniborske čerwjeno-čerwjene krajne knježerstwo chce tuchwilne 14 wokrjesow na maksimalnje dźesać zjednoćić. Choćebuz, Frankfurt a Brandenburg pak maja swoju bjezwokrjesnosć zhubić.

Smjertne njezbožo