Žadaja sej stejišćo

Wjelcej (ch/SN). Frakcija CDU/Zeleny přichod we Wjelčanskim měšćanskim parlamenće žada sej wot měšćanostki Birgit Zuchold (SPD) stejišćo k připowědźenym wotškódnjenskim płaćenjam wobydlerjam Wjelceje přez hórniski koncern Vattenfall. Wo wotpowědnej próstwje debatuja dźensa na posedźenju měšćanskich zapósłancow. Vattenfall chce po zwolenju brunicoweho plana za nowu wuhlowu jamu Wjelcej II domjacnosćam znajmjeńša 15 lět jako wotrunanje za wobćeženja přez wuhlowu jamu něhdźe 10 000 eurow přewostajić. Měšćanostka pak zapowědźi najebać wospjetne naprašowanja jasne wuprajenja wo stawje jednanjow, kritizuje Hannelore Wodtke (Zeleny přichod Wjelceje).

Swjeća róčnicu parka