Pólska zjawnosć debatuje wo syriskich ćěkancach

Waršawa. Pólska hotuje so z wotmachom na přichad syriskich ćěkancow, kotrychž wot spočatka přichodneho lěta wočakuja. Wot minjeneho wjerškoweho zetkanja Europskeje unije je jasne, zo přiwozmje kraj 7 082 město dotal planowanych 2 000 migrantow. Medije witaja připrajenje ministerskeje prezidentki Ewy Kopacz w Brüsselu přewažnje jako zmužity a čłowjeski krok, ćim bóle, dokelž je dźě Pólska minjene lěta wot spěchowanskich srědkow EU profitowała.