„Hórša družina Polakow“

Freitag, 18. Dezember 2015
Artikel bewerten
(0 Stimmen)

Demonstracije přećiwo, ale tež za nowe knježerstwo w susodnym kraju

Waršawa. Najnowše politiske wuwiće w Pólskej ludnosć kraja přiběrajcy polarizuje, runje měsac po tym zo je nowe knježerstwo w zastojnstwje. Tole bě minjenu sobotu wočiwidne: We Waršawje a druhich městach dźěchu přećiwnicy no­weho knježerstwa strony Prawo a sprawnosć (PiS) na dróhu, jeničce w stolicy něhdźe 50 000. Zarjadowanja pod hesłom „Pochod za demokratiju“ organizowało bě Komitej za zakitowanje demokratije – hibanje, kotrež je w interneće aktiwne a ma dźeń a wjace přiwisnikow.

Dźeń pozdźišo, njedźelu, přewjedźe předsyda PiS Jarosław Kaczyński demonstraciju ze swojimi přiwisnikami we Waršawje. Pječa bě jich runje telko kaž dźeń do toho na tamnej stronje. Zo je telko ludźi přećiwo jeho awtokratiskej politice, Kaczyńskeho njemyli. Přećiwni demonstranća su w jeho wočomaj „hórša družina Polakow“, wón medijam rjekny.

Veröffentlicht in Słowjanski wukraj
Bitte anmelden, um einen Kommentar zu posten

Serbska debata

Neuheiten LND