„Nócne wjelki“ w Pólskej

Freitag, 17. April 2015
Artikel bewerten
(0 Stimmen)

Klub ruskich rockerow-motorskich planuje jězbu z Moskwy do Berlina

Waršawa (JBR/SN). Pólska je znjeměrnjena. Składnostnje 70. róčnicy zakónčenja Druheje swětoweje wójny planuje klub ruskich rockerow-motorskich „Nócne wjelki“ 6 000 kilometrow dołhu jězbu z Moskwy, hdźež 24. apryla startuja, po wjacorych krajach hač do Berlina, hdźež chcedźa 9. meje dojěć. Při tym budu tež něšto dnjow w Pólskej po puću.

Klub z něhdźe 5 000 čłonami ma wočiwidnje dobre zwiski k ruskemu prezidentej Wladimirej Putinej. Woni politiku Putina podpěruja a přizamknjenje połkupy Krim k Ruskej wuraznje witaja. Někotři­, kotřiž tež zwonkownje po přikładźe europskich rockerowych klubow dosć brutalnje wustupuja, su samo poboku proruskich separatistow na wu­chodźe Ukrainy wojowali.

Veröffentlicht in Słowjanski wukraj
Bitte anmelden, um einen Kommentar zu posten

Anzeige