ST Natwar Němske Pazlicy –
ST Radwor 3:2 (2:1)
Zestawa Radworčanow: Šěrak – Wjeńka (76. Mička), Schäfer, Schulze, Wjesela, Reineke, Omran (67. Nuk), Castejon, Paška, Glücklich (86. Grubert), Wjacławk (76. Hetaš)
Hra so na kumštnym trawniku w Kamjencu přewjedźe. Přiwšěm namakachu někotři přihladowarjo k hrajnišću a mustwje podpěrachu. Radworskim koparjam so lětsa hišće wjele poradźiło njebě, to měješe so změnić.
Prěni połčas njewotběža bohužel hišće tak derje, kaž běchu sej to hosćo předstajili. Hižo w 12. min. trjechichu hosćićeljo po zmylku w natwarje 1:0. Němskopazličenjo běchu lěpši w hrě a mějachu wjace hrajneho podźěla. Tola tež woni wuwostajichu wjele šansow, njeběchu tež přeco wotućeni a darichu hosćom někotre šansy. Radwor móžeše so přeco zaso derje wuswobodźić a na kóncu prěnjeho połčasa tež někotre razy derje před wrota přińć. W 33. min. pospyta Johannes Wjacławk z druheho rynka. Jeho zmužitosć bu mytowana a tuž wuruna. Bohužel pak nawjedowachu přećiwnicy krótko na to znowa. Ze stawom 2:1 za domjace mustwo dźěše do połčasa.
FC Energija Choćebuz – BAK Berlin 2:1 (1:1)
Energija Choćebuz: Bethke – Slamar, Pelivan, Campulka, Bretschneider – Putze (72. Juckel) Proničev (60. Sherbakovski), Hofmann – Heike, Thiele (60. Halbauer), Krauß (99. Hasse)
wrota: 1:0 Krauß (22.), 1:1 Wurr (42.), 2:1 Heike (90. + 7)
Zestawa Ralbic: Chr. Gloxyn – Woko, Al. Wałda, Schultz, Heidorn, Ki. Hrjehor, Rachela, Mjechela, D. Šołta, P. Šołta, Domaška
Předznamjenja za hru njeběchu runjewon dobre. Dowola, zranjenjow a tež chorosće dla pobrachowaše tójšto nazhonjenych hrajerjow w rjadach Sokoła. A to pola načolnika tabulki! Tuž běše jasne, zo móže jenož kruta defensiwa jasny cil być. To so drje w prěnim połčasu derje poradźi, ale w druhim docyła nic.
Biskopičan rezerwa wot wšeho spočatka derje kombinowaše a daše bul w swójskich rjadach běžeć. Po běrtlk hodźinje běše sokołski škit tež prěni raz wuhraty. Bul bu rjenje do haski tyknjeny a nadběhowar z wóčkom přetwori. Na hrě so tež w dalšim wotběhu ničo njezměni. Sokoljo zakitowachu a Biskopičenjo čakachu na zmylk. Tutón so tež 43. min. sta. Bul so w nadběhu Ralbičanow zhubi a hosćićeljo hrajachu spěšnje přez prawu stronu. Niska flanka bu preciznje dosrjedźa hrata a hižo steješe 2:0.
Kopańca, regionalna liga muži
Lok Lipsk – SV Babelsberg 1:0 (1:0)
BFC Dynamo – Greifswaldski KK 0:0 (0:0)
Energija Choćebuz – Berlinski AK 2:1 (1:1)
1. Greifswaldski KK 23 43 : 15 48
2. BFC Dynamo 21 38 : 18 43
3. FC Energija Choćebuz 21 43 : 25 41
4. Viktoria Berlin 21 29 : 19 37
5. VSG Altglienicke 21 40 : 27 36
6. SV Babelsberg 20 26 : 21 35
7. FC Čerwjeno-běli Erfurt 23 37 : 31 32
8. FSV 63 Luckenwalde 23 34 : 38 30
9. FSV Zwickau 22 37 : 40 28
10. Kamjeničanski FC 22 23 : 35 28
11. FC Carl Zeiss Jena 21 29 : 26 27
12. BSG Chemija Lipsk 20 19 : 24 26
13. Hertha BSC II 21 37 : 41 25
14. ZFC Meuselwitz 21 25 : 29 23
15. Lok Lipsk 20 26 : 39 23
16. FC Eilenburg 22 25 : 40 19
17. Berlinski AK 21 17 : 42 17
18. F.C. Hansa Rostock II 23 26 : 44 13
wokrjesna wyša liga
Biskopicy II – Ralbicy/Hórki 7:0 (2:0)
Hlinowski SK 1931 – Połčnica 1:3 (0:1)
ST Radwor - Módro-běli Kulow 3:1 (1:1)
1. Biskopičanske KT II 19 75 : 12 47
2. ST Horni kraj-Sprjewja 19 63 : 21 44
3. ST Hnašecy-Dobruša 19 75 : 34 39
4. SG Großnaundorf 18 35 : 30 36
5. Sokoł Ralbicy/Hórki 17 42 : 26 35
6. Natwar Němske Pazlicy 19 53 : 45 33
7. SC 1911 Großröhrsdorf 19 41 : 35 30
8. TSV Połčnica 19 31 : 35 28
9. Módro-běli Kulow 18 34 : 31 26
10. Drohotka Ramnow 17 42 : 26 25
11. TSV Wachau 17 33 : 44 17
12. Ottendorf-Okrilla 05 19 29 : 51 16
13. HZ Łaz/Běły Chołmc 18 16 : 52 15
Kónctydźenska kopańca
Prěnje koparske mustwo SJ Chrósćicy hraje jutře pola načolnika krajneje klasy wuchod w Niskej a Ralbičanscy Sokoljo w Biskopicach pola načolnika wokrjesneje wyšeje ligi.
24.02. 13:00 FC Energija Choćebuz –
Berlinski AK
24.02. 13:00 FV Přezjednota Niska –
SJ Chrósćicy
24.02. 13:30 FC Grimma –
Biskopičanske KT
24.02. 14:00 Biskopičanske KT II –
Sokoł Ralbicy/Hórki
25.02. 13:30 Budissa Budyšin –
1. FC Magdeburg II
25.02. 14:00 ST Radwor –
Módro-běli Kulow
25.02. 14:00 HZ Frankenthal –
SJ Chrósćicy II
25.02. 14:00 ST Marijina hwězda –
Motor Kumwałd
Halowe wokrjesne mišterstwa
Njedźelu wot 14 hodź. wotměje so halowe koparske wokrjesne mišterstwo starobneje klasy Ü35 w sportowni BSZ „Konrad Zuse“ we Wojerecach. Lońši dobyćer z Hermansdorfa tež lětsa zaso nastupi. Dale startuja cyłki Wojerowskeho FC, ESV Lok Wojerecy, HZ Hórnikečanski jězor/Ćisk, ST Lubuš, DJK Módro-běli Kulow, Torpedo Łaz a Rakečanskeho ST. Hraje so w dwěmaj skupinomaj, stajnje 10 mjeńšinow. Po hrach w předkole přizamknjetej so połfinali a potom wotmějetej so zaměstnjenske hry. Zastup je darmotny, jědźe a napojow budźe dosć.
Narodne mustwo w Běłej Wodźe
Łužiske lodohokejowe liški –
Lodowe mjedwjedźe Regensburg 2:3 (0:0; 2:2; 0:0, 0:1)
Njedźelska hra přećiwo Lodowym mjedwjedźam Regensburg budźe na kóždy pad njezapomnite dožiwjenje za hrajerjow, oficialnych a fanow wostać. Łužiske liški běchu třeći raz w běhu 10 lět dźěl DEL2-outdoor-games w arenje za sněhakowarske skakanje w Klingenthalu.
Łužiske lodohokejowe liški su US-Američana Brandona Schultza zawjazali.
Něšto hodźin do skónčenja transferneje doby w druhej najwyšej lodohokejowej lize Němskeje DEL2 su so Běłowodźenjo hišće raz personalnje zesylnili, a to za čas po hłownym kole aktualneje sezony. Napjateje tabulkoweje konstelacije dla, dyrbi Běłowodźanski cyłk na wšitko přihotowany być. Tuž rozsudźichu so zamołwići krótkodobnje hišće za transfer US-Američanana Brandona Schultza. 27lětny hrajer na poziciji ,,centera“ hraješe zašłe tři lěta bjezwuwzaćnje we Wuchodoameriskej lodohokejowej lize (ECHL). W tutym času docpě 24 wrotow a 32 asistow. Naposledk měješe Brandon Schultz zrěčenje pola Cincinnati Cyclones. Jeho wukubłanske stacije w Americe běchu w najwažnišej dorostowej lodohokejowej lize (USHL). Za Američana je Běła Woda prěnja stacija w Europje.
Su-li wšitke formality zrjadowane, Brandon Schultz po wšěm zdaću hižo wutoru w trikoće Łužiskich liškow nastupi. Nadběhowar dóstanje čisło 21. Kilian Hrjehor
Wot januara je konjace sportowe towarstwo Brětnja/Michałki (PSVBM) nětko tež w registrje sportowych jednotkow zapisane. Za nowozałožene towarstwo, kotrehož třěšny zwjazk je wokrjesny sportowy zwjazk Budyšin a Krajny sportowy zwjazk Sakska, běše to posledni a rozsudźacy krok jednanja, zo by so zjawnje aktiwny stać móhł. W zhromadnym dźěle z młodźinskim zarjadom a Powołanskokubłanskim centrumom Budyšin (BBZ) chce towarstwo předewšěm dźěćom ze socialnje słabšich swójbow móžnosć dać konjacy ABC nawuknyć. Za předsydku towarstwa Romy Belka a dalšich čłonow stej dźěćace a młodźinske spěchowanje w jěchanskim sporće kaž tež wobswětoškit chětro wažnej. Při tym steji tak mjenowany hippolinistil w srjedźišću. Mjeno zestaja so z hippologije, potajkim wědomosće konja a bambinija, štož rěka italsce přełožene dźěći. Cyłolětny wuknjenski koncept wobsahuje teamowe dźěło w zhromadnym dialogu. Při tym so wobchadźenje ze zwěrjatami a jěchanje hrajersce a bjez ćišća nawuknje. Něhdźe štyrceći dźěći wužiwaše poskitk hižo do załoženja towarstwa.