W Ralbičanskej ćěłozwučowarni wotmě so minjeny tydźeń wolejbulowy turněr pod hesłom „Witamy nalěćo“ abiturneho lětnika Serbskeho gymnazija Budyšin (SGB) z lěta 1996. Pjeć wólnočasnych mustwow bě přitomne, wubědźowanje doby suwerenje cyłk ST 1922 Radwor.

Jako wotewri hłowny organizator tur­něra a hrajer mustwa 1296 Jan Hrjehor wólnočasny wolejbulowy turněr w Ral­bicach, běchu wšitcy přitomni wjeseli, po dwulětnej koronapřestawce zaso při wysokim saku so wubědźować móc. Mustwje z Worklec a Kulowa do turněra sčasom wotprajištej a tak wojowaše pjeć cyłkow na dwěmaj hrajnišćomaj kóždy přećiwo kóždemu dwě sadźbje hač do 15 dypkow.

Póndźelny wječor skićeše tři překwapjenki. Prěni raz wobdźělichu so wólnočasni wolejbulisća Sokoła Ralbicy, kotřiž su swój treningowy čas za tutón turněr k dispoziciji stajili. Wutrobny dźak za to. Hačrunjež běchu na kóncu jeno pjate, poradźichu so jim rjane akcije při saku a w pólnym škiće kaž tež dwě dobytej sadźbje z 18:16 přećiwo wučerjam SGB a 16:14 přećiwo SJ Chrósćicy.

Wažny šěsćdypkowy derby

Dienstag, 12. April 2022 geschrieben von:

ST 1922 Radwor – ST Traktor Malešecy 3:0 (1:0)

Zestawa domjacych: Grenzemann – Rei­ne­ke, Jendrewski, Šěrak, Wjeńka, Glück­lich, Johannes Wjacławk (73. Seiler), Pječak, Nuk, Schulze (90. Hetaš), Wróbl (88. Šnajder)

zestawa hosći: Haupt – Wegehaupt, Tietze­ (46. Seiler), Swakon, Schmidt, Günther, Benad, Hennersdorf, Becker, Winter, Bolz

Při prawym aprylskim wjedrje bě nje­dźelu něhdźe 150 přiwisnikow kopańcy do Radworskeho sportoweho centruma přichwatało. Tam wotmě so duel mjez prěnim a třećim wokrjesneje ligi, stafle 2. Domjace mustwo dyrbješe tutu hru dobyć, zo by dypkowy wotstawk ke kontrahentej dale wobstał a so samo wutwarił. Wšitke statistiki do duela wěšćachu dobyće Radworskeho mustwa. Dotal doma ani jeničku hru přěhrali njejsu. A přijimować dyrbjachu jenož jedne přećiw­niske wrota. Cyłk z Malešec pak njesměš ženje podhódnoćić, wosebje, hdyž steji w zestawje mjeno nadběhowarja Marca Benada.

SJ Njebjelčicy –

ST 1922 Radwor 1:2 (0:0)

Zestawa domjacych: Hahn – Reineke, Kral, Hrjehor, Šołta (85. Šmit), Matješk, Pawlik, F. Domš, Čornak (45. Malaškin), O. Domš, Korjeńk

zestawa hosći: Grenzemann – Reineke, Šěrak, Schulze, Nuk, Wróbl (90. Hetaš), Wjacławk (63. Šnajder), Jendrewski, Glück­lich (10.Wjeńka), Paška, Pječak

Po pjeć měsacach přestawki bě so skónčnje zaso koparski bój wo dypki na do­mjacym trawniku w Njebjelčicach wotměł. A to hnydom přećiwo načo­l­nikej wokrjesneje ligi, stafle 2. Njebjelčenjo běchu so dosć derje na kompaktnu a ćělnje wužadacu hru přećiwnika při­hotowali, wšako běchu to w zašłymaj partijomaj na Radworskim trawniku nazhonili. Nažel pak dyrbješe so trenarska dwójka Handrij Krawčik/Daniel Ričel třoch stajnych hrajerjow zranjenja abo chorosće dla krótkodobnje wzdać. Ći, kotřiž­ buchu zasadźeni, pak přiwzachu hoberske wužadanje a pokazachu tak po dołhim času zaso jónu wuběrny wukon. Tak by na kóncu wuwojowany dypk na swójskim konće stać móhł, jeli njeby jědnatka w poslednjej mjeńšinje tuteje dosć fairneje partije wšitko rozsudźiła.

Hrajny plan steji

Dienstag, 12. April 2022 geschrieben von:

Flensburg (SN/JaW). Hrajny plan za lětuše koparske mišterstwa europskich narodnych mjeńšin, kotrež wotměja so wot 25. junija do 3. julija w Korutanskej, je jasny. Wčera stej jón Federalistiska unija europskich narodnych mjeńšin (FUEN) a narodna mjeńšina Korutanskich Słowjencow w Awstriskej jako wuhotowarjej turněra wozjewiłoj. Kaž z běrowa FUEN w Flensburgu rěka, njebu hrajny plan, kotryž­ su za turněr 2020 přihotowali, změnjeny. Serbska wubranka nastupi tuž mjez druhim we Velikovecu (Völkermarkt), w Sele (Zell) a w Galiciji (Gallizien). Wo­se­bity budźe łužiskim koparjam zawěsće duel přećiwo hosćićelskemu mustwu Koro­ška, wutoru, 28. junija, we wulkim Wörthersee-stadionje w Celovcu (Klagenfurt). W arenje, w kotrejž je za­ 30 000 ludźi městno, hraje tež Awstriske narodne mustwo.

Wuslědki (12.04.22)

Dienstag, 12. April 2022 geschrieben von:

Kopańca

wokrjesna liga, stafla 2

Wulka Dubrawa – Hlinowc  4:1 (1:0)

Lubuš – Chrósćicy II1:2 (1:0)

Wóslink/Skask./Kulow II – Łuty  1:1 (0:1)

Rakečanske ST II – Njebjelčicy 4:0 (1:0)

Radwor – Malešecy3:0 (1:0)

Nadr. Hrab. – Wojerowski FC II  1:3 (0:1)

Minakał – Hórnikečanski jězor 2:2 (1:0)

1. ST Radwor 11 36 : 6 31

2. ST Wulka Dubrawa 11 27 : 14 23

3. Wojerowski FC II 11 34 : 24 21

4. Traktor Malešecy 11 25 : 20 20

5. Wósl./Skaskow/Kul. II 11 25 : 20 18

6. FSV Łuty 11 26 : 17 17

7. Módro-běli Minakał 11 33 : 30 14

8. ST Hlinowc 11 21 : 25 13

9. SJ Chrósćicy II 11 15 : 26 13

10. HZ Hórnikečanski jězor 11 24 : 29 12

11. SJ Njebjelčicy 11 19 : 28 10

12. Rakečanske ST II 11 12 : 34 9

13. Nadrózna Hrabowka 11 24 : 31 8

14. ST Lubuš 11 12 : 29 7

wokrjesna klasa, stafla 1

Hodźij II/Huska II – Horni kraj II0:3 (0:1)

Wóspork/Hrodźišćo – ST Budyšin 1:3 (0:2)

HZ Wjernarjecy II/Wjazońca II – HZ Wulka Dubrawa II/Radwor II  2:3 (0:2)

Budyšink/Maleš. II – M. Wjelkow 0:5 (0:3)

Germania Budyšin II – Bart  0:1 (0:1)

Wjelećin II – Steinigtwolmsdorf  0:2 (0:1)

wokrjesna klasa, stafla 3

Łaz/Běły Chołmc II – Porchow II 6:1 (2:1)

M. Wosyk/Pančicy II – Njeswač.  1:6 (1:2)

Běła/Cunnersdorf/Němske Pazlicy III – HZ Hory II/Bluń 2:1 (1:0)

Bój a wola zaručištej tři dypki

Montag, 11. April 2022 geschrieben von:

Sokoł Ralbicy/Hórki – TSV Wachau 2:0 (0:0)

Zestawa domjacych: Schöne – M. Matka, Domaška, Wałda, Šewc, Janca (80. Kř. Matka), Šołta (86. Materna), Gloxyn, Rachel, Nuk (89. Kocor), Korjeńk

Dołho so prěnje mustwo Sokoła Ral­bicy/Hórki na nowy start we wokrjesnej wyšej lize wjeseleše. Tola w minjenych dnjach a tydźenjach dyrbješe trenar Chrystof Gloxyn časćišo na swój telefon pohladać, dokelž so zranjenja abo cho­rosće dla tójšto hrajerjow wotzjewi. Jeno 17 akterow prěnjeho a druheho mustwa běše kmanych, njedźelu kopańcu hrać. Tohodla dyrbjachu wonkownu hru re­zerwy Sokoła, kiž by so runočasnje z domjacej hru prěnjeho mustwa wotměła, wotprajić.

Wažne wonkowne dobyće

Montag, 11. April 2022 geschrieben von:
Koparjo prěnjeho mustwa ST Marijina hwězda su sobotu winowatostnu koparsku hru we wokrjesnej wyšej lize w Großröhrsdorfje z 3:0 dobyli. Hosćićeljo drje lěpje do hry startowachu, wrota pak docpěchu w prěnim połčasu hosćo. Po poł hodźinje trjechi Jakob Pakoßnick z třělwu ze zdalenosće (30.). Tež 2:0 (53.) dźěše na wrotowe konto Pakoßnicka a k 3:0 (78.) trjechi Matijas Wróbl. Foto: Jörg Stephan

Awtor dźensa Jan Hrjehor

„Česćeny knježe Hrjehorjo, w běhu šulskeho programa – Nachwa­tanje po koronje – ... z lubymi postrowami z Haar pola Mnichowa, Jessica Contento.“ Contento? To je tola swójbne mjeno něhdyšeho profijoweho koparja němskeho rekordneho mištra FC Bayern Mnichow. Po krótkej rešerši wě­dźach spočatk šulskeho lěta 2021/2022, zo je mejlku do Slepoho mandźelska Diega­ Armnady Valentina Contenta napisała a tež wotpósłała. Saperlot! To bě a je tola raz zajimawe. Diego Contento je cyły prěni wotrězk swojeje karjery wot 1995 do 2014 w Mnichowje za FC Bayern hrał a po mjezystacijomaj Girondins Bordeaux a Fortuna Düsseldorf pola SV Sandhausen w druhej zwjazkowej lize za bulom honił. Wot lońšeho pak je kopar z italskimi a němskimi korjenjemi bjez mustwa. Snano je firma Jessici Contento hłowna přičina, zo Diega wčera při dobyću 2:1 (1:0) SV Sandhausen doma přećiwo Dynamo Drježdźanam na hrajnišću widźeli njejsmy.

Wuslědki (11.04.22)

Montag, 11. April 2022 geschrieben von:

Kopańca, krajna klasa

Žitawa – Běła Woda1:0 (1:0)

Rakečanske ST – Drježdźanski SC  1:2 (0:1)

Ćisk – Borea Drježdźany 0:9 (0:3)

Wesenitzal – Rotacija Drježdźany 3:2 (2:2)

Weixdorf – Sachsenwerk Drježdź. 5:1 (3:1)

Ramnow – Sebnitz1:2 (1:2)

wokrjesna wyša liga

Połčnica – HZ Łaz/Běły Chołmc  5:1 (2:1)

Hnašecy-Dobruša – Biskopicy II 4:2 (1:0)

Horni kraj-Sprj. – Großnaundorf 2:0 (1:0)

Großröhrsdorf – Pančicy 0:3 (0:1)

Hory – Germania Budyšin  1:5 (0:2)

Ralbicy/Hórki – Wachau  2:0 (0:0)

Wojerowski FC – Porchow  6:0 (3:0)

Něm. Pazlicy – Kinspork/Łužnica 1:0 (0:0)

1. Wojerowski FC 11 41 : 11 28

2. ST Horni kraj-Sprjewja 10 26 : 5 26

3. Módro-běli Kulow 11 28 : 14 24

4. Natwar Němske Pazlicy 11 23 : 13 20

5. Sokoł Ralbicy/Hórki 11 28 : 15 19

6. Póst Germ. Budyšin 12 33 : 24 19

7. ST Hnašecy-Dobruša 12 39 : 27 18

8. SG Großnaundorf 11 19 : 12 18

9. Biskopičanske KT II 11 20 : 23 18

10. TSV Wachau 11 26 : 22 16

11. ST Porchow 10 14 : 28 14

12. HZ Łaz/Běły Chołmc 12 19 : 19 12

13. ST Kinspork/Łužnica 11 10 : 32 10

14. ST Marijina hwězda 11 13 : 31 9

15. SC 1911 Großröhrsdorf 12 8 : 22 8

16. TSV Połčnica 12 15 : 33 6

17. LSV Hory 13 9 : 40 6

Sport (08.04.22)

Freitag, 08. April 2022 geschrieben von:

Třeći derby za Radwor

W běhu 15 dnjow nastupja koparjo prěnjeho mustwa Sportoweho towarstwa 1922 Radwor třeći raz k derbyjej. Před tydźenjomaj su woni doma z 3:0 přećiwo rezerwje SJ Chrósćicy 1981 dobyli a tydźenja z 2:1 w Njebjelčicach. Nětko hraja wone njedźelu zaso doma, a to přećiwo Traktorej Malešecy.

09.04. 13:00 Natwar Něm. Pazlicy II –

  SJ Njebjelčicy II

09.04. 14:00 Budissa Budyšin –

  SG Union Sandersdorf

09.04. 14:00 Jednota Kamjenc –

  SV Germania Mittweida

09.04. 15:00 Rakečanske ST –

  Drježdźanski SC 1898

09.04. 15:00 SC 1911 Großröhrsdorf –

  ST Marijina hwězda

09.04. 15:00 ST Lubuš –

  SJ Chrósćicy II

10.04. 11:00 Rakečanske ST II –

  SJ Njebjelčicy

10.04. 15:00 ST Radwor –

  Traktor Malešecy

10.04. 13:00 HZ Halštrow/Hlinowc II –

  Sokoł Ralbicy/Hórki II

10.04. 14:00 Sokoł Ralbicy/Hórki –

  TSV Wachau

Slepjanki pytaja koparki

Koparki Hrajneho zjednoćenstwa Lok Slepo/Grodkowske ST 1862 pytaja nowe hrajerki. Štóž ma lóšt za bulom honić, smě rady na probowy trening přijěć. Tón so kóždu srjedu wot 18.30 do 20 hodź. na sportnišću w Slepom wotměwa.

Jutrowne jeja wotběhać

Anzeige