Wuslědki (12.09.18)

Mittwoch, 12. September 2018 geschrieben von:

Kopańca, wokrjesne pokalne koło

ST Bart II – SJ Chrósćicy II 1:5 (0:0)

Augustusbad – Marijina hwězda 1:6 (1:5)

TSV Wjazońca – ST Ćisk II 3:0 (0:0)

Łaz/Běły Chołmc II – N. Hrabowka 

3:5 (1:0) po podlěšenju

TSV Połčnica II – ST Wjelećin 1:5 (1:0)

ST Lubuš II – ST Mały Wosyk 5:0 (1:0)

Budissa Budyšink – Malešecy0:11 (0:3)

Kulow II – Germania Budyšin 2:3 (0:1)

Wětnica/Hola/Łuty II – Wachau 0:5 (0:1)

ST Kubšicy – Bretnig-Hauswalde 1:2 (0:1)

ST Budyšin II – TSV Wjernarjecy 2:3 (0:0)

ST Bart – ST Budyšin1:3 (1:0)

Z wulkim sebjewědomjom wustupowali

Dienstag, 11. September 2018 geschrieben von:

FC Čerwjeno-běli Erfurt

– FSV Budissa Budyšin 1:0 (1:0)

Zestawa hosći: Ebersbach – Mack (81. Bär), Patka, Hoßmang, Krall, Weiß, Ciapa, Treu, Schmidt, Merkel (71. Langr), Bönisch

Po dosć dobrym zazběhu noweje hrajneje doby su sej koparjo Budissy Budyšin za partiju w Erfurće tójšto předewzali. Wobě mustwje dotal hišće ženje přećiwo sebi­ nastupiłoj njeběštej. Čerwjeno-běli, kotřiž běchu z třećeje ligi zestupili, njemóžachu wot měrca doma hižo dobyć. Tež w prě­nimaj hromaj nětčišeje sezony přećiwo Auerbachej a Kamjenicy so jim žane wrota poradźili njejsu. Tak steja­chu nětko pod njesměrnym ćišćom. Byrnjež do hry w tabulce za Budissu zaměstnjeni byli, pak běchu tónraz přiwšěm jasny faworit.

39. Běłobóski běh wuspěšnje přewjedźeny

Dienstag, 11. September 2018 geschrieben von:

Při zymnym a wětřikojtym wjedrje je so cyłkownje 324 sportowcow na 39. Wo­pačanskim Běłobóskim běhu wuspěšnje wobdźěliło. Mjez nimi běchu tež serbscy lubowarjo běhanja a walkinga. Nimo 1,5 a 4,9 km běštej najdlěšej čarje 12 a 20 km najnaročnišej a wjedźeštej přez wjeršk 500 metrow wysokeho Běłoboha. Běhi hódnoćachu za lětušej rjadnej lisćinje Wopačanski cup běharjow a Drježdźansku wobwodnu seriju.

Start a cil wšitkich wurisanjow běštej po tradiciji na arealu Wopačanskeho sportnišća. Najdlěšu čaru 20 km přewinyštaj mjez 67 atletami – z nich štyri žony­ – jako cyłkownaj dobyćerjej Timo Sickert z Drježdźan w 1:14:04 hodź a Franziska Kranich z Niskeje w 1:29:15 hodź. W starobnymaj klasomaj (sk) wubědźištaj sej serbskaj starteraj Jakub Čórlich z Němcow (sk 20, 1:47:01 hodź) a Jan Krawc z Hrubjelčic (sk 45, 1:40:05 hodź) 5. a 11. městno.

Wuslědki (11.09.18)

Dienstag, 11. September 2018 geschrieben von:

Kopańca, regionalna liga muži

Budissa Budyšin – VfB Auerbach 1:0 (0:0)

Neugersdorf – Biskopičanske KT 2:1 (1:0)

1. Kamjeničanski FC 6 16 : 6 18

2. Wacker Nordhausen 6 9 : 2 14

3. SV Babelsberg 6 14 : 4 13

4. Berlinski AK 6 9 : 8 13

5. Budissa Budyšin 7 7 : 7 11

6. FC Viktoria Berlin 6 11 : 9 10

6. Hertha BSC II 6 11 : 9 10

8. Čerwjeno-běli Erfurt 6 5 : 4 10

9. H. Łužica Neugersdorf 7 8 : 13 9

10. Biskopičanske KT 7 6 : 8 8

11. VSG Altglienicke 6 9 : 12 8

12. ZFC Meuselwitz 6 10 : 10 7

13. Lok Lipsk 6 8 : 9 7

14. BFC Dynamo 6 6 : 12 7

15. VfB Auerbach 7 7 : 11 5

16. Optik Rathenow 6 8 : 12 4

17. Germania Halberstadt 6 9 : 11 3

18. Union Fürstenwalde 6 6 : 12 1

wokrjesna wyša liga

Wojerowski FC – Němske Pazlicy 1:1 (1:1)

Großnaundorf – Kinsp./Łužnica 1:2 (1:1)

1. Rakečanske ST 4 9 : 2 12

2. TSV Połčnica 4 10 : 4 9

3. Módro-běli Kulow 4 8 : 4 8

4. LSV Hory 4 8 : 3 7

5. Sokoł Ralbicy/Hórki 4 8 : 6 7

6. Drohotka Ramnow 4 4 : 4 7

7. Wojerowski FC 4 12 : 5 6

8. SG Großnaundorf 3 9 : 5 6

9. Póst Germania Budyšin 3 9 : 6 6

10. Natwar Němske Pazlicy 4 4 : 3 5

11. ST Hnašecy-Dobruša 4 9 : 9 4

12. ST Kinspork/Łužnica 3 5 : 5 3

13. Motor Kumwałd 4 5 : 12 3

14. ST Radwor 4 3 : 11 1

15. ST Porchow 3 3 : 10 0

16. Zeleno-běli Bukecy 4 3 : 20 0

W Budyšinje je so na jubilejnym 25. Budyskim měšćanskim běhu 2 064 sportowcow wobdźěliło a na 12. HOYWOJ cityjowym běhu we Wojerecach samo 2 212. W Budyšinje za nowy rekord cyle dosahało njeje, we Wojerecach bě to porno lońšemu 450 běharjow wjace. W sprjewinym měsće na přikład wobsadźi Jurij Nuk z Budyšina 2. městno w swojej starobnej skupinje na čarje 5,5 kilometrow, w swojimaj starobnymaj klasomaj docpěštaj Budyšan Leo Čórlich 3. městno na čarje 5,5 km a Budyšanka Katja ­Žurec na 1 200 m tohorunja 3. městno. Foto: Jörg Stephan

W nadběhu přesłabi byli

Montag, 10. September 2018 geschrieben von:

TSV 1860 Mnichow – FC Energija Choćebuz 2:0 (1:0)

Zestawa hosći: Spahić – Weidlich, Stein, Matuwila, Schlüter, Kruse, Graudenz (61. Broschinski), Stanese (61. Zimmer), de Freitas, Viteritti, Mamba

Na bojowniskej runinje běše FC Energija w tutej hrě na samsnej wysokosći kaž TSV 1860 Mnichow, tež hdyž běchu domjacy z dwójce tak wulkim etatom do sezony startowali. Manko łužiskich koparjow pak běchu słabe nadběhi. Zrědka namaka posledni pas swójskeho muža. Najwjetša móžnosć Energije nasta w 31. min., jako Marcelo de Freitas wólny kop z centralneje pozicije z 20 metrow na łatu Mnichowskich wrotow smokny. Hnydom na to poradźi so hosćićelam nawjedowanje. Po dale a dlěšim wólnym kopje so žadyn z Bayerow w šěsnatce bula njedótkny, za to pak hwizdźel Choćebužana Daniela Stanesy. Wottam skoči bul do wrotow FC Energije (33.).

Po druhich wrotach po spěšnym konteru přez lěwe křidło bě partija za Mnichowske lawy rozsudźena (59.), byrnjež Choćebuženjo hišće raz wšitko dali. Dalšu dypkowu hru změja woni 15. sep­tembra doma, hdyž wočakuja koparjow SG Sonnenhofa Großaspach.

Georg Zielonkowski

Jakubaš trójce trjechił

Montag, 10. September 2018 geschrieben von:

ST Bart II – SJ Chrósćicy II 1:5 (0:0)

Zestawa hosći: Hejduška – M. Donat, Mark, Wowčer, Pjetaš (57. Förster), Šołta, Domaška, J. Donat, Jakubaš (84. Dórnik), Šmit

Awtor dźensa

Clemens Šmit

We wudaću SN tydźenja pisa kolumnist wo tym, kak by sej nimale wot ultrafana na měcu dóstał, dokelž je pěsnje FC Energije Choćebuza w Lipsku spěwał. To čitajo dyrbjach na Kamjenicu myslić. Wobaj přikładaj tworitej pokazku na to, kak prezentne njetoleranca, hida a namóc w dźensnišim času w našim kraju su. Tež sport při tym wěstu rólu hraje. Poprawom wšak chcych skerje wo tym rozprawjeć, kak hłuboko sahaja wliwy politiki do sporta. Tónraz pak je samo nawopačny fenomen wobkedźbujomny.

Kak daloko sahace móža sćěhi być, hdyž so pozdatne sportowe towarstwa znjewužiwaja, pokazuja sceny z Kamjenicy. Jenož hodźiny po smjertnym nadpadźe namołwješe zakazana prawicarska ultraskupinka tamnišeho koparskeho kluba internetnje k tomu, „pokazać, komu město słuša“. Štož slědowaše, běchu zdźěla randale, prawicarske rjejeńcy a nadpady na wukrajnikow. Policija zliči w běhu njedźele něhdźe 800 ludźi. Mobilizacija ultrafanow tworješe we wěstym nastupajo zazběh kołoběha protestow a demonstracijow, kotrež hač do dźensnišeho traja.

Sport (07.09.18)

Freitag, 07. September 2018 geschrieben von:

Wokrjesne pokalne koło

Jutře a njedźelu přewjedźe Zapado­łužiski koparski zwjazk prěnje wokrjesne pokalne koło hrajneje doby 2018/2019. Mjez druhim su sćěhowace partije planowane:

08.09. 12:15  ST Bart II –

  SJ Chrósćicy II

08.09. 13:00  Liegau-Augustusbad –

  ST Marijina hwězda

08.09. 15:00  ST Budissa Budyšink –

  Traktor Malešecy

09.09. 15:00  Módro-běli Minakał –

  FV Ottendorf-Okrilla

09.09. 15:00  Mały Wosyk/Pančicy II –

  Zeleno-běli Sepicy

Krajne pokalne koło

Tež na krajnej runinje budu pokalne hry, tu pak je to hižo 2. koło.

08.09. 14.00 SC Syrau – SJ Chrósćicy

09.09. 15.00 SG Weixdorf –

  Jednota Kamjenc

09.09. 15.00  Lokomotiwa Šwikawa –

  ST Ćisk

09.09. 15.00  BSC Gelenau –

  Fortuna Trjebin

Wulke finale dumperowcow

Wulke finale lětušich němskich dumperowych mišterstwow budźe 29. a 30. septembra w Hórkach pola Chrósćic. Techniske přepruwowanje dumperow přez firmu DEKRA je za sobotu wot 17 do 18.30 hodź. planowane. W 19 hodź. přizamknu so kwalifikaciske běhi a po tym budu we wulkim stanje reje k hudźbje skupiny GrooveCover. Njedźelu wot 10.30 hodź. steja regionalne wubědźowanja a rańše piwko na programje. Finalne běhi započnu so w 13.30 hodź., wubědźowanje z liliputami w 15.30 hodź.

Wolejbulowa sezona so započina

Njezbožownje podleželi

Donnerstag, 06. September 2018 geschrieben von:

SJ Chrósćicy – ST Ćisk 2:5 (1:2)

Zestawa domjacych: Králíček – L. Zahrodnik, Mark (46. J. Bogusz), Püschel, Pöpel, M. Zahrodnik, G. Zahrodnik, Henčel, Runt, Młynk (77. Lešawa), Beneš

Minjenu njedźelu nastupichu koparjo Chróšćanskeje SJ w druhej dypkowej hrě sezony doma přećiwo ST Ćiskej. Bohužel dyrbjachu bjez wjacorych wažnych hra­­jerjow wuńć. Kapitan Bosćij Cyž kaž tež jeho zastupjer Miroslav Sentivan pobrachowaštaj w centralnym škiće zranjenja dla. Tež nowopřichad Filip Henzl nje­­móžeše sobu hrać. Najebać to chcychu před wjace hač 130 přihladowarjemi wšit­ko dać a sej dypki doma zdźeržeć.

Zazběh do hry pak so jim tak prawje njezešlachći. Wosebje w defensiwje běchu woni přenerwozni. Hosćo to wězo wužichu a trjechichu w 10. min. 0:1. Tež po zastatku so hrajerjo SJC njezhrabachu. W 22. min. Ćisk samo na 0:2 zwyši. Skónčnje SJC wotući, wuhra sej prěnje móžnosće a na 1:2 (37.) skrótši. Po prěnjej dobrej kom­­binaciji bě so Jakub Beneš w přećiwniskej šěsnatce přesadźił a bul ze słabšej lěwej­ nohu do wrotow smoknył. Tež fanojo čerpachu nětko zaso nadźiju na dypk abo samo tři.

Serbska debata

Neuheiten LND