Šansy dosć njewužiwane
SZ Wjelećin
– Sokoł Ralbicy/Hórki 3:2 (2:0)
Zestawa hosći: Ch. Gloxyn – Rawš, Matka, B. Bjeńš, von Köding, Šewc, S. Bjeńš (46. T. Bejma), Korjeńk, D. Gloxyn, Domaška, Wałda
Hladajo na tabulkowu konstelaciju běchu koparjo Sokoła Ralbicy/Hórki wězo faworit. Štóž pak ma hišće hrě minjeneje sezony w pomjatku, tón wě, zo sej Sokoljo přećiwo koparjam z palencoweho městačka stajnje žiwjenje ćežko činja a su hižo dwójce njerozsudnje hrali. Trenar Thomas Schultz namołwi swojich chowancow, zo maja hnydom prezentni być. To pak so jim w prěnim połčasu docyła njeporadźi. W dwuboju njeběchu hosćo scyła wuspěšni. A přećiwnik je swoje šansy zymnokrejnje wužiwał. Po dwělomnym wólnym kopje bu bul nisko do šěsnatki hraty a Patrick Queitsch kónčk nohi do třělwy tykny. Chrystof Gloxyn bě přewinjeny (9.). Tež 2:0 padny po wólnym kopje. Při dołhej žerdźi stejo Frank Beger bul do wrotow zhłójčkowa (31.). Minutu po tym ležeše bul we wrotach Wjelećanow. Wałda bě trjechił. Sudnik pak lěpšinu za Sokoł wothwizda a postaji na wólny kop. Krótko do połčasa postaji sudnik jědnatku za hosći. Ale tež tutu składnosć woni njewužichu a wrotar dźeržeše.
Maik Salewski (srjedźa, Budyšin) dyrbi so w tutej scenje hnydom z ...
Prosće žanu škałbu njenašli
SJ Chrósćicy
– Radebeulski BC 0:1 (0:0)
Zestawa domjacych: Králíček – Pöpel, Cyž, Sentivan, Dórnik, Bětnar (82. Šmit), Schulze, Runt, Domaška, Henčl (75. Hillmann), Věchet
Trochu mjerzaca to wčerawša njedźela za prěnje koparske mustwo Chróšćanskeje SJ. Po pjeć hrach bjez poražki kasěrowaše wone tajku přećiwo prěnjemu tabulki. Z kompaktnej defensiwu z Mattijom Bětnarjom před škitarjemi a jenož jednym nadběhowarjom chcychu domjacy jasnemu faworitej hru tak ćežku kaž móžno činić. Tak běše prěni połčas tež poměrnje wurunany. Wobaj cyłkaj steještej w defensiwje kaž murja a žane wulke składnosće njedowolištej. Jeničce přez standardy nastachu před wrotami někotre strašne situacije. Na stronje Chróšćanow falowaše při třělwje Toma Henčla z dwanaće metrow na preciznosći, a bul zleća snadnje wyše wrotow do wysokeho saka.
Njeruny duel
Prěnje koparske mustwo Sokoła Ralbicy/Hórki, zakitowar wokrjesneho pokala, hraje w dalšim kole přećiwo prěnjemu zastupnistwu sportoweho kluba Mały Wosyk. Kónc nowembra wočakuje zastupjer wokrjesneje klasy dwě runinje wyše hrajacych Sokołow. Wulosowanje za to je Zapadołužiski koparski zwjazk sobotu w Małym Wosyku přewjedł. Jurij Bjeńš
Dalše pokalne hry 26. a 27. nowembra:
Hermsdorfske SZ – Módro-běli Kulow
Póst Germania Budyšin – ST Ćisk
Traktor Malešecy – Rakečanske KT
W derbyju podleželi
Natwar Němske Pazlicy
– SJ Njebjelčicy 2:0 (0:0)
Zestawa hosći: Hahn – Pawlik, Hommel, Haška, Šołta, Hanuza, Cyž, Hrjehor, Janca, Lejnart, Korjeńk (60. Čornak)
Kóžda poražka boli, wosebje derbyjowa. Tola při tróšku zbožownišim wotběhu by za koparjow trenarskeje dwójki Detlef Panic/Handrij Krawčik dypk móžny był. Prěni połčas skónči so bjez wrotow. Němskopazličenjo běchu wěsćiši při bulu a spěšniši z přihrawkami. To wurunachu Njebjelčenjo z dobrym bojowniskim nastajenjom a z wěstosću w škitnym pasmje, hdźež pokaza Tomy Hommel znowa bjezporočny wukon. Pawl Hrjehor wuwostaji po dobrym zasadźenju na prawej stronje šansu k wrotam. Wólny kop Roberta Lejnarta do přestawki šmórny so wrotoweje łaty.
Zasłužena poražka w pokalnym kole
TSV Wachau II
– ST Marijina hwězda 3:0 (1:0)
Zestawa hosći: O. Schmidt – Wróbl, Rab, Czapik, Njek (79. Škoda), Hawš, T. Jurš, P. Schmidt, Peschmann, Pěčka (76. D. Jurš), Pakoßnick
Po chětro słabym předstajenju bě za prěnje koparske mustwo ST Marijineje hwězdy w prěnim hłownym pokalnym kole Zapadołužiskeho koparskeho zwjazka hižo kónc. Kónčna stacija rěkaše TSV Wachau druhe mustwo. Pančičenjo drje duel přez cyły čas postajachu, kapital pak z toho žadyn njemějachu. Prěnje 25 mjeńšin je jasnje jim słušało, třělwy na wrota pak běchu přesłabe. Nimo toho běchu domjacy w škiće chětro wěsći a złožowachu so na kontery. Tajki wjedźeše w 31. min. k prěnjej wulkej šansy, kotruž wrotar Oliver Schmidt z nohu wotwobara. Po eklatantnym zmylku w hrajnym natwarje dósta domjacy hrajer bul a jón nahle doprědka hraješe. Tam suny Röllig bul nimo Schmidta k 1:0 (35.) do wrotow. Po słabym prěnim połčasu njeběchu zwuki trenarjow Tobiasa a Antoniusa Škody runjewon cunje. Wosebje hra přez křidle dyrbješe so polěpšić.
Widźał, słyšał, napisał (07.11.16)
„Kajka je to radosć, w našej młodźinje, stari čuja žadosć być jónu młodźi šće ...“, takle klinčeše w minjenych dnjach časćišo w Nowej Wjesce pola Pjechec mandźelskeju kotrajž swjećeštaj złoty kwas.
Radosć pak njeknježeše cyle wěsće jenož mjez młodźinu, ale tež mjez staršimi přiwisnikami koparjow Dynama Drježdźany. To štož ći čorno-žołći w minjenymaj hromaj pokazachu, bě cyle jednorje wokřewjace a radosć zbudźace. Haj, nětko maš zaso wjeselo, hladać na hry abo słuchać na drje najemocionalnišeho reportera Gerta Zimmermanna. Heinz Florian Oertel drje bě hižo jara emocionalny, naš Měrćin Štrawba wo žadyn kusk mjenje, „Zimmi“ pak je w tym nastupanju po mojim měnjenju najlěpši. Wón raduje so nad wuspěchami, ale ćerpi tež při njetrjebawšich, wobeńdźomnych poražkach.
Wuslědki (07.11.16)
Krajna koparska klasa
Laubegast – Nowe Město 4:2 (2:1)
Biskopicy II – Neugersdorf II 1:0 (1:0)
Chrósćicy – Radebeul 0:1 (0:0)
1. Radebeul 9 21 : 8 24
2. Laubegast 9 26 : 10 22
3. Neugersdorf II 9 27 : 10 19
4. Mužakow 9 17 : 14 17
5. Nowosólc-Hródk 9 19 : 15 16
6. Horni kraj-Sprjewja 10 20 : 25 11
7. Drježdźanski SC 9 19 : 18 10
8. Weixdorf 9 16 : 19 10
9. Nowe Město 9 14 : 20 10
10. Trjebin 10 16 : 26 10
11. Chrósćicy 10 14 : 20 9
12. Zschachwitz 9 16 : 28 9
13. Biskopicy II 9 10 : 22 5
regionalna liga
Budissa Budyšin – RB Lipsk II 1:1 (0:1)
Hertha BSC II – Ener. Choćebuz 0:2 (0:1)
Jena – Lok Lipsk3:0 (0:0)
1. Jena 13 27 : 1 35
2. Berlinski AK 13 21 : 13 27
3. Energija Choćebuz 13 19 : 7 25
4. BFC Dynamo 12 25 : 11 22
5. RB Lipsk II 12 15 : 12 21
6. Nordhausen 13 22 : 20 21
7. Hertha BSC II 13 18 : 18 21
8. FC Viktoria 13 24 : 16 20
9. Babelsberg 03 13 23 : 20 19
Sport (04.11.16)
Poskitk koparskim sudnikam
Drježdźanski koparski zwjazk přewjedźe wutoru, 8. nowembra, w 19 hodź. w Drježdźanach (Gerhart-Potthoff-Bau 81, Hettnerstr. 3) zhromadźiznu za koparskich sudnikow. Na njej smědźa so tež sudnicy Zapadołužiskeho koparskeho zwjazka wobdźělić a sej hodźiny za podlěšenje licency přiličić dać. Přednošować budźe profisudnik Sascha Stegemann. Přizamknje so podijowa diskusija wo poměrje sudnika k hrajerjam ze Saschu Stegemannom z koparjom Dynama Stefanom Kutschku a ze sportowym reporterom Ronnyjom Maiwaldom.
Volleyballistki doma hraja
Pančičanske volleyballistki změja njedźelu we wokrjesnej klasy-stafla sewjer swój prěni domjacy hrajny dźeń w sezonje. W 10 hodź. nastupja w sportowni Šule Ćišinskeho ST Marijina hwězda II přećiwo Marijinej hwězdźe III, wot 11 hodź. ST Marijina hwězda III přećiwo MSV Budyšinej 04 III a wot 12 hodź. Marijina hwězda II přećiwo MSV Budyšinej 04 III.
ARD/ZDF-turněr
Klóšterskej rezerwje tež zaso na parkeće
Tež žónskej volleyballowej cyłkaj ST Marijineje hwězdy II a ST Marijineje hwězdy III stej we wokrjesnej klasy hižo do sezony startowałoj, a to minjeny kónc tydźenja w Budyšinje. Za třeće, dorostowe mustwo, kotrež trenuje Anne Šołćic, bě to scyła prěni hrajny dźeń. A wone je so derje prezentowało. Za trenarku je wažne, zo zbliža sej holcy powšitkowny wotběh hrajneho dnja. Wone pokazachu, zo zamóža so na přećiwnika nastajić. Jich nazwučowarka móže tuž optimistiska być. Jeje dobre dźěło je tež Ralf Wachsmann w treningowym lěhwje wobkrućił. Nažel njebu wuwiće mustwa honorowane. Młode hwězdźički podležachu woběmaj přećiwnikomaj, MSV Budyšinej 04 III a Módro-běłym Wojerecy II z 0:2.
Za Pančicy III hrajachu: Marie Caspar, Emma Gerntkec, Helena Hejduškec, Sophie Hejduškec, Carolin Neitsch, Judith Pjetašec, Nele Pjetašec, Kira Hrjehorjec, Tereza Zelnakec, Verena Suchec a Anna-Katharina Cyžec.
