Dypk bjeze wšeho móžny był
Fortuna Trjebin – SJ Chrósćicy 3:1 (1:0)
Zestawa hosći: Králíček – Dórnik (80. J. Bogusz), Cyž, Šafář, Gries (72. Młynk), Henčl, Runt, Sentivan, Špitank, Domaška, Šmit (46. Šiman)
Srjedźna přećiwo Hornjej Łužicy – tak abo podobnje hodźi so rozprawa wčerawšeje hry koparjow Chróšćanskeje SJ zahajić. Při horcych temperaturach nastupichu woni pola Fortuny w Trjebinje, hdźež čakaše na nich wulkotny sportowy areal, sponserowany wot koncerna Vattenfall.
Prěni strašny wólny kop słušeše hosćom, wosta pak bjez wunoška. Lěpje sčinichu to w 7. min. pozdźišo domjacy. Flanka z praweho boka docpě De Souzu, kiž bul k nawjedowanju do saka zhłójčkowa. Hač do połčasa wobaj cyłkaj njepřestajnje nadběhowaštej. Jenički rozdźěl bě, zo měješe hosćićel wjace přihrawkow a wjele wjace třělwow na wrota. Chróšćenjo dowolichu sej w defensiwje přewjele zmylkow, na zbožo pak njebuchu chłostani.
Najwjetšu móžnosć w prěnim połčasu měješe nowopřichad Gries. Bu do ruma pósłany, přeběža wrotarja, z wótreho kuta pak njezamó přetworić.
Při chětro horcych temperaturach wotměchu serbscy triatleća Marian ...
Tójšto zmylkow worali a přěhrali
FV Ottendorf-Okrilla 05 – Sokoł Ralbicy/Hórki 4:2 (3:0)
Zestawa hosći: Chr. Gloxyn – Lulak, Schultz, Domaška, von Köding, S. Bjeńš, Wałda, Korjeńk, Šewc, D. Gloxyn, Kurjat( 46. B. Bjeńš)
Pola postupnika w Ottendorfje-Okrilli chcychu koparjo Sokoła Ralbicy/Hórki poprawom přichodne tři dypki žnjeć. To pak so jim njeporadźi, dokelž su w škiće tójšto zmylkow worali a njejsu kopicu šansow wužiwali. Při horcych temperaturach njesmaleše jeno słónco, ale tež kumštny trawnik. Sokoljo prócowachu so wo kontrolu hry, tola prěnja šansa poskići so domjacym, jako Denny Gloxyn bul ze šěsnatki njedósta. Prěnju móžnosć na wrota mějachu hosćo w 13. min. Gloxyn bě Wałdu na prawej stronje pósłał, jeho nisku přihrawku pak sadźi Kurjat wyše wrotow. Po štwórć hodźinje nadběhowar domjacych zymnokrejnje přetwori a po poł hodźinje zwyšichu woni na 2:0. Do přestawki docpěchu samo hišće třeće wrota.
W nowej hrajnej dobje prěni raz dobyła, ale tež w pokalu wuspěšna ...
FSV Budissa Budyšin – TSG Neustrelitz 3:1 (1:0)
Zestawa domjacych: Wohlfeld – Heppner, Pfanne, Patka, Hänsch, Hoßmang, Müller, Milde, Šisler (85. Kloß), Salewski (75. Herrmann), Němec (70. Barnickel)
Při tropiskich temperaturach chcychu koparjo Budissy před 400 přihladowarjemi dobyć. Najebać horcotu so woni wot prěnjeje sekundy do hry klakachu a mějachu přećiwnika pod kontrolu. Štož hišće optimalne njebě, je wužiwanje šansow. Hoßmang (2.), Salewski (20.), Hänsch (28.) a Němec (30.) mějachu dobre móžnosće, njedóstachu pak bul do wrotow. Hosćo mějachu wulke ćeže, jim paroli skićić. Wšitcy ličachu hižo z 0:0 k połčasej, Němec pak docpě po přihrawce Salewskeho wažne wrota (45.). Wjeselo fanow bě wězo wulke.
Po přestawce měješe najprjedy Milde dobru šansu wuslědk zwyšić (47.), po tym zhłójčkowa Němec po flance Šislera k 2:0 (52.). Třeće wrota w 66. min. docpě Patka. Štwórć hodźiny do kónca hry dóstachu hosćo po foulu w šěsnatce jědnatku, kotruž pak Wohlfeld wotwobara (74.). Čestne wrota 1:3 docpě Celari po zmylku w škiće w 89. min., a to z jednym mužom mjenje, dokelž bě sobuhrajer do toho žołto-čerwjenu kartu dóstał.
Inter Lipsk – Budissa Budyšin 1:4 (1:1)
Widźał, słyšał, napisał (29.08.16)
Statistiski su druhdy komplikowane. A kak smy w NDRskim času z posměwkom rjekli: Njewěr žanej statistice, kotruž njejsy sam sfalšował. Ale chutnje, woprawdźe komplikowane su prawidła za wuhódnoćenje wuslědkow, kotrež europski koparski zwjazk UEFA prawidłownje přewjeduje. Měnju tabulku, hódnoćacu wukony koparskich mustwow europskich krajow a stajacu je do wěsteho slěda. Tele dny bu statistika zašłych pjeć lět wozjewjena. Po njej – a to njezadźiwa – steji Španiska ze swojimi klubami přeco hišće na čole. Ale wotstawk k Němskej je mjeńši, dokelž bě hrajna doba 2011/2012 z hódnoćenja wupadnyła. Tehdy běchu španiske kluby statistisce wuspěšniše hač w sezonje 2015/2016 – njehladajo na to, zo rěkaše finale mišterskeje ligi we wonym lěće FC Chelsea – Bayern Mnichow, dokelž běštej so wobaj španiskej połfinalistaj w tymle kole z wubědźowanja rozžohnowałoj.
Pod smužku maja Španičenjo nětko 20 hódnoćenskich dypkow mjenje hač při lońšim ličenju. Němska, druha tabulki, ma 15 dypkow a runje telko tež Jendźelska, kotraž steji dale na třećim městnje.
Wuslědki (29.08.16)
Regionalna koparska liga
1. Jena 5 12 : 0 15
2. Lok Lipsk 5 8 : 5 10
2. Hertha BSC II 5 8 : 5 10
4. RB Lipsk II 5 6 : 5 10
5. FC Viktoria 5 10 : 4 9
6. Nordhausen 5 10 : 5 9
7. Babelsberg 03 5 9 : 8 9
8. BFC Dynamo 5 11 : 5 7
9. Schönberg 4 8 : 5 7
10. Auerbach 5 4 : 6 7
11. Energija Choćebuz 4 4 : 3 6
12. Berlinski AK 5 3 : 5 6
13. Fürstenwalde 5 3 : 10 5
14. Budissa Budyšin 5 5 : 6 4
15. Neugersdorf 5 7 : 9 3
16. Meuselwitz 5 1 : 6 2
17. Neustrelitz 5 2 : 11 1
18. Luckenwalde 5 2 : 15 1
Sport (26.08.16)
Pytaja sportowych akrobatow
MSV Budyšin 04 pyta zaso pohibliwych, zmužitych a rady na hłowje stejacych sportowcow – wězo tež sportowče – a to w starobje štyri do dźesać lět. Štóž ma akrobatiske zakłady a je hižo jědnaće lět abo starši, smě so tež přizjewić. Probowy trening budźe sobotu, 10. septembra, wot 12.30 hodź. do něhdźe 14 hodź. w sportowni 1. zakładneje šule na Puću Fichtoweje šule 5 w Budyšinje. Přizjewić móžeće so pod abo pod tel. čo. 03591/59 49 35.
Wubědźowanja woborow
26.08. 20:00 w Pěskecach
28.08. 13:00 w Sulšecach pola Kulowa
09.09. 20.00 w Ralbicach
16.09. 18.00 we Wotrowje
02.10. 18.00 we Worklecach
Kónctydźenska kopańca
27.08. 15:00 Kulow – Großröhrsdorf
27.08. 15:00 Wachau – Njebjelčicy
27.08. 15:00 Liegau-Augustusbad – Pančicy
28.08. 13:30 Budissa – Neustrelitz
28.08. 11:00 Mały Wjelkow – Chrósćicy II
28.08. 11:00 Rakečanske ST – LSV Hory
28.08. 15:00 Ottend.-Okrilla – Ralb./Hórki
28.08. 13:00 Radwor II – Bretnig-H. II
28.08. 15:00 Radwor – Ćisk II
28.08. 15:00 Łuty – Ralbicy/Hórki II
Kónčny spurt za Blackbird-run
Poražka zasłužena była
ST Marijina hwězda – TSV Wachau 1:5 (0:2)
Zestawa domjacych: Matik – R. Hawš, Czapik, Škoda, Lipič, Njek, Jurš (61. Rab), O. Hawš, Schmidt (85. Hübner), Winkler, Pakoßnick
Prěnja domjaca hra noweje sezony je so za koparjow ST Marijineje hwězdy z wysokej poražku 1:5 skónčiła. Woni mějachu wulke ćeže ze zestawu. Hnydom sydom stajnych hrajerjow za partiju přećiwo zestupnikej z wokrjesneje wyšeje ligi pobrachowaše. Hižo po dźewjeć mjeńšinach dyrbješe Matik prěnju třělwu hosći wotwobarać. Róžk wunjese 0:1 (9.), dokelž njebě so nichtó za Schünemanna zamołwity čuł. Jurš, Oskar Hawš a Richard Hawš mějachu na to móžnosć wurunać, štož pak so jim njeporadźi. Hosćo hru dale postajachu, Pančičenjo pak worachu wjele zmylkow při wothrawanju. Nimo toho njeběchu při dwubojach krući dosć. W 31. min. běše Matik bjezmócny, a přećiwnik zwyši na 0:2. Wjetši hrajny podźěl mějachu w prěnim połčasu na kóždy pad hosćo, ličba šansow pak bě wurunana.
Druhi połčas katastrofalny
Sokoł Ralbicy/Hórki II – HZ Hórnikečanski jězor 1:5 (1:1)
Zestawa domjacych: Hrjehor – von Köding, Bogusz, M. Matka, Kobalc, Serbin (78. T. Matka), Bejma, Rawš, Čórlich (60. Šnajder), Kurjat, Jakubaš
Zestawa Sokoła Ralbicy/Hórki so za tónle hrajny dźeń dosć derje čita, wukon druheho połčasa pak dyrbiš so prawdźepodobnje jako katastrofu wopisować.
Na poziciju wrotarja wróćił je so młody Chrystof Hrjehor. Tež Alexander von Köding mustwo zaso zesylnja, a wón měješe so wo lěpše defensiwne dźěło starać. Sokoljo derje započachu a samowrota w 9. min. wunjesechu jim nawjedowanje, jako škitar bul wróćo hłójčkowaše a wrotarja z tym překwapi. Njetraješe pak dołho a znowa pokazachu domjacy koparjo kaž hižo tydźenja wulke słabosće w defensiwje. Hrać bjez libera jim w tutej lize prosće njeleži. W 17. min. ćehnješe hóstny nadběhowar dosrjedźa a jeho třělwa dyri do žerdźe. Hižo do toho mějachu Sokoljo zbožo, jako bě njezbožowna flanka łatu trjechiła. Krótko po tym dyrbješe Hrjehor dwójce zakročić a wotwobara bul k róžkej. Tón pak wunjese wurunanje, jako Preibsch bul z dźesać metrow do kuta sadźi.
Wuslědki (25.08.16)
Wokrjesna koparska liga, stafla II
Bluń – Módro-běli Njeswačidło 1:1 (0:0)
LSV Hory – Rakečanske ST 5:1 (1:0)
N. Město n. S. II – Wojerowski FC 0:4 (0:2)
Ralbicy/Hórki II – Wulke Ždźary 1:5 (1:1)
Nadrózna Hrabowka – FSV Łuty 0:3 (0:2)
Łaz/Běły Chołmc – Radwor 2:1 (1:1)
1. Wojerowski FC II 2 8:2 6
1. HZ Wulke Ždźary 2 8:2 6
3. Módro-běli Njeswačidło 2 7:4 4
4. HZ Łaz/Běły Chołmc 2 4:3 4
5. ST 1922 Radwor 2 4:2 3
6. ST Ćisk II 1 3:1 3
7. LSV Hory II 2 5:4 3
8. FSV Łuty 2 4:3 3
9. Rakečanske ST II 2 3:5 3
10. ST Lubuš 1 2:2 1
11. LSV Bluń 2 3:5 1
12. ST Nadrózna Hrabowka 2 1:6 0
13. LSV Nowe Město n. S. II 2 0:6 0
14. Sokoł Ralbicy/Hórki II 2 4:11 0
Wokrjesna koparska liga, stafla III (kónc)
8. SV Hermsdorf 2 3:3 2
9. Natwar Němske Pazlicy 1 4:4 1
10. SV Haselbachtal 2 2:3 1
11. Liegau-Augustusbad 2 2:4 1
11. Zeleno-běli Sepicy 2 3:7 1
13. ST Drjewnica 2 3:7 0
14. ST Marijina hwězda 2 3:8 0
