Šansy hižo w prěnim połčasu wužiwać dyrbjeli
Sokoł Ralbicy/Hórki
– ST Horni kraj Sprjewja 1:5 (1:0)
Zestawa domjacych: Ch. Gloxyn – von Köding (75. Matka), B. Bjeńš, Schultz, Lulak, Šewc, S. Bjeńš, Korjeńk, D. Gloxyn, Wałda, Domaška
Spušćomni jěcharjo prěnju złotu medalju dobyli
Rio de Janeiro. Kotre zhromadnosće wobsteja mjez sankowanjom a jěchanjom? Wotmołwa na tróšku njewšědne prašenje je poprawom cyle jednora, wobhladaš-li sej wukony němskich atletow na olympiskich hrach. We woběmaj sportowymaj družinomaj móža fanojo němskeho sporta z wulkej wěstotu hnydom wjacore medalje zaplanować. Tale teza je so na štwórtym wubědźowanskim dnju w brazilskim Rio de Janeiru skónčnje wobkrućiła.
Generalku doma přěhrali
ST Marijina hwězda
– Póst Germania Budyšin 0:2 (0:0)
Zestawa domjacych: O. Schmidt – Wróbl (46. Smoła), Škoda (46. Lipič), Łušćanski, R. Hawš (46. Bejmak), Peschmann (46. Hübner), T. Jurš, O. Hawš, P. Schmidt, Pakoßnick (46. Czapik), D. Jurš
Do starta noweje serije we wokrjesnej lize testowachu koparjo ST Marijineje hwězdy doma přećiwo wokrjesnemu wyšemu ligistej Póst Germania Budyšin. W prěnim połčasu bě hosćićel runohódny přećiwnik, tak zo klasowy rozdźěl widźeć njebě. Prěnje wrota hosći so nimohry dla njepřipóznachu (10.), a wulkošansa Dawida Jurša njebě tohorunja wuspěšna (21.). Přećiwniski wrotar Günther bě wuběrnje reagował a kop wotwobarał. Wobaj cyłkaj pospytaštej so nětko z wólnymi kopami. Wšitkim pak pobrachowaše trěbna preciznosć. 0:0 k połčasej bě sprawne.
Němske mustwo čaka dale na prěnju medalju
Rio de Janeiro. Němske olympiske mustwo čaka tež po třećim wubědźowanskim dnju dale na prěnju medalju. Před štyrjomi lětami w Londonje bě tesakowarka Britta Heidemann na třećim dnju olympiskich wurisanjow požadany medaljowy dešć za Němsku zahajiła.
Najsnadnišo misnychu podestne městno wčera synchronowa dwójka Patrick Hausding a Sascha Klein při skakanju z dźesaćmetrowskeje wěže. Rutinjejej, kotrajž běštaj sej lěta 2008 w Pekingu slěbro wubědźiłoj, ležeštaj dołhi čas na třećim městnje. Skónčnje dyrbještaj je Wulkobritaničanomaj Tomej Daleyjej a Danielej Goodfellowej, kotrajž měještaj jeničce 6,03 dypki wjac, přewostajić. Tež płuwar Paul Biedermann njezamó w finalu na 200 metrow wólny stil do boja wo medalju zapřimnyć. Dobył je Chinjan Sun Yanga. Hallečan pak płuwaše jeničce na šeste městno.
Němscy atleća dale přesłapjeja
Pjate městno sej wubědźili
Sokoł Ralbicy/Hórki
– HZ Hórnikecy 5:1 (2:1)
Zestawa domjacych: Mjetaš-Wowčer – F. Šołta, Zynda, Brězan, Krawc, J. Šołta, Rychtar, Jakubaš, Bernard, Brückner, Wjacławk – zaměnjeni: Kocor, Janca, T. Šołta, Serbin, Statnik
Po lětnjej přestawce wokrjesneje ligi su stari knježa Sokoła Ralbicy/Hórki hišće partiju přećiwo Hrajnemu zjednoćenstwu Hórnikecy nachwatali. We Wulkich Ždźarach běštej sej cyłkaj dypki dźěliłoj, doma chcychu Sokoljo wězo dobyć a předskok w tabulce powjetšić. A to je so jim zešlachćiło. Hižo po 47 sekundach woni nawjedowachu. Wjacławk wulišći hosćom bul a wothra na Bernarda, kiž wěsće přetwori. Tři mjeńšiny pozdźišo znowa klinkaše. Jakubaš bu rjenje swobodny hraty a zwrěšći hnydom dwójce na wrotarju. Bul kuleše so k Wjacławkej, a tón njeměješe žane ćeže jón do wrotow storčić. Zmylk Sokołow zmóžni hosćom w 21. min. wrota k 1:2.
Nětko tež doma poraženi
FSV Budissa Budyšin – SV Babelsberg 1:2 (1:1)
Zestawa domjacych: Wohlfeld – Kolan, Klippel, Patka, Hänsch, Hoßmang, Hausdorf, Milde (84. Müller), Šisler, Salewski, (76. Hermann), Němec (66. Barth)
Wobě koparskej mustwje běštej z poražku do noweje sezony startowałoj. Budissa přěhra w Auerbachu. Babelsberg podleža doma Nordhausenej. Tak chcyštej wobě wězo dypkować.
Něhdźe 750 přihladowarjow dožiwi wčera na Budyskej Młynkec łuce napjatu partiju. Hosćo z filmoweho města započachu koncentrowani a wopokazachu so jako sylny kontrahent. Budissa měješe tuž ćeže akcenty sadźeć. Z dobrymaj akcijomaj w 21. a 22. min měješe Němec prěnjej šansy, a Šisler w 26. min. zwrěšći. Po flance Mildy do šěsnatki pak bě Salewski z hłowu wuspěšny (42.). Bě to snano znamjo dobyća? Bohužel nic, hosćo hnydom konterowachu. Strašnu flanku wuži Sindik a mjeńšinje pozdźišo wuruna.
Hra słabosće jasnje pokazała
SC Borea Drježdźany młodźina A
– ST Marijina hwězda 6:0 (2:0)
Zestawa hosći: O. Schmidt (46. Vacek) – Wróbl, Łušćanski, Jurš, R. Hawš, P. Schmidt (61. Bejmak), Bělk (72. Hübner), O. Hawš, Smoła (46. Lipič), Škoda, Pakoßnick
Olympiske lětnje hry w Brazilskej zahajene
Rio de Janeiro. Na polu sporta poskićeja přihladowarjam po cyłym swěće wot prěnjeho dnja impozantne a wusahowace wobrazy na tuchwilu w brazilskim Rio de Janeiru so wotměwacych 31. olympiskich lětnich hrach.
Prěnju złotu medalju doby třělča z powětrowku Virginia Thrasher z USA. Płuwanske wubědźowanja zahajichu so z wjacorymi swětowymi rekordami. Madźarka Katinka Hosszú zawěsći sej złoto z fenomenalnym časom 4:26:36 min. na 400m měšane stile. Dalše swětowe rekordy nastajichu Wulkobritaničan Adam Peaty na 100m hrudź kaž tež awstralska a ameriska muska stafla we wólnym stilu, Šwedowka Sarah Sjostrom na 100m delfin a Katie Ledecky z USA na 400m wólny stil.
