... kak stupa so lóštnje a wjesele

Freitag, 29. Mai 2015
Artikel bewerten
(1 Stimme)
Na klóšterskej łuce w Pančicach-Kukowje swjećachu spočatk róžownika 25. mejemjetanje. Wjace hač 30 porow tam zhromadnje zaćahny, hdźež přihladowarjam serbske reje pokazachu. Prěni króć su so lětsa tež šulerjo  srjedźnych lětnikow we wosebitym kole wokoło z girlandu wobwiteho mejskeho zdónka wjerćeli. Marian Wjeńka, Alfons Handrik, Gregor Obst, Werner Müller, Marcel Rjeda, Mandy Decker Na klóšterskej łuce w Pančicach-Kukowje swjećachu spočatk róžownika 25. mejemjetanje. Wjace hač 30 porow tam zhromadnje zaćahny, hdźež přihladowarjam serbske reje pokazachu. Prěni króć su so lětsa tež šulerjo srjedźnych lětnikow we wosebitym kole wokoło z girlandu wobwiteho mejskeho zdónka wjerćeli. Marian Wjeńka, Alfons Handrik, Gregor Obst, Werner Müller, Marcel Rjeda, Mandy Decker

Dźěći a młodostni nałožk mejemjetanja w narodnej drasće dostojnje pěstuja

Někotrym maćerjam so sylzy ronjachu, jako mejemjetanju přihladowachu“, wopisuje awtorka Mandy Decker mejski nałožk w Němcach. Prěni raz je tam sydom porow w serbskej katolskej drasće wokoło meje rejwało. Ani najstarši wobydlerjo wsy njemóža so na to dopomnić, hač běchu tam tónle nałožk hdy na te wašnje pěstowali. Tohorunja w Pěskecach su holcy lětsa po wjele lětach zaso narodnu drastu woblečene po wsy k meji ćahnyli. Tak bě tomu tež w Sernjanach, hdźež znajmjeńša hižo 40 lět, na starodawne wašnje meju mjetali njejsu. Mejski štom drje tam kóžde lěto 30. apryla na nawsy nastajeja. Ale mejemjetanje z rejemi a swjedźenskim ćahom dźěći a młodych maćerjow we wuslěkanej katolskej drasće su tam hakle njedawno, 16. róžownika, zaso přewjedli.

Veröffentlicht in Předźenak

Galerie

dalši wobraz (1) Po tym zo běchu dźěći a młodostni we Wotrowje na dostojne wašnje swoju meju powalili, zestupachu so k zhromadnemu fotu na farskej łuce. Wječor pak swjećachu wjesnjenjo a jich hosćo w stanje na rejach ze skupinu Logarhythmus.
dalši wobraz (2) Po wjace hač štyrjoch lětdźesatkach su młode swójby w Sernjanach mjetanje meje na starodawne serbske wašnje a z rejwanjom dźěći wozrodźili.
dalši wobraz (3) Kóžde lěto so tež Radworscy młodostni na nawsy k zhromadnemu rejwanju, wězo w narodnej drasće, wokoło mejskeho štoma zetkawaja.
Bitte anmelden, um einen Kommentar zu posten

Serbska debata

Neuheiten LND