Woměrje so jej wjele radźi

Freitag, 08. März 2019 geschrieben von:

Ê Žiwjenske hesło poprawom žane nimam. Kóždy dźeń dźě je hinaši a ma stajnje hinaše wužadanja, kotrež móžu derje abo mjenje derje zmištrować.

Ë Sym nawuknyła, zo měr a łahodnosć w žiwjenju něštožkuli zjednorjatej.

Ì Wězo přeju sej strowotu za cyłu swójbu a za sebje, zo móhła hišće wjele lět w Rownjanskim towarstwje Njepilic dwór sobu skutkować. Chcu pomhać našu Slepjansku serbšćinu zachować, tak zo móhli ju dale nało­žować a spěwać.

Ze swójbu cyle po Witaj žiwa

Freitag, 08. März 2019 geschrieben von:

Ê Dyrbimy sami změna być, kotruž chcemy w swěće widźeć (Mahatma Gandhi). Swojim dźěćom chcu pokazać, zo móže kóždy jednotliwc z nas něšto pohibować. Stajnje so wudani za wěcku wojować, za kotruž so z cyłej wutrobu horimy a za kotruž čujemy so zamołwići.

Ê Konkretne žiwjenske hesło poprawom žane nimam, ale kóždy dźeń sej praju: „Wšitko ma swój zmysł. Přiwozmi to, štož přińdźe.“

Ë Nazhonich a sym hłubokeho přeswědčenja, zo ničo w žiwjenju njewostanje, kaž je. Pohib a změna stej motor žiwjenja. Jeli stejo wostanješ a so změnow bojiš, sy zhubjeny.

Z 18 lětami mějach dospołnje hotowu předstawu, kajke ma moje žiwjenje raz wupadać. Poprawom wšak chcych medicinu studować, štož pak mi w NDRskim času njepřizwolichu. Dźěłach tuž w Budyskim Němsko-Serbskim ludowym dźiwadle jako sufleza a dóstach tak přistup k dźiwadźelenju. Skónčnje je potajkim tola wšitko cyle hinak přišło, hač bě planowane. Z ćežkimi situacijemi a nazhonjenjemi sym absolutnje rostła. Wone dachu mi dowěru do sebje sameje. Z pozdatnje negatiwnych dožiwjenjow je so nimale stajnje něšto pozitiwne zrodźiło. Moja najwjetša ze­pěra je mój mandźelski, kiž mi cyłe lěta rjap skruća a mi swobodu dari, zo móžu swoje powołanje wukonjeć. Z wulkim lóštom­ wón doma wšitko rjaduje. Jeho optimizm je złotahódny. Lóšt nad ži­wjenjom a kusk wězo tež lóšt, so z dru­himi měrić, mje wobstajnje pohonja.

„Štož mje njezniči, mje skrući“

Freitag, 08. März 2019 geschrieben von:

Ê Zbožowny tón, njemjerzacy so wěcow dla, kotrež njehodźa so změnić. (To je mi hižo wjele čuwow zalutowało.)

Ë Mój start do samostatneho předewzaćelstwa njebě runjewon róžojty. W lěće 2003 přewzach Serbsku kofejownju w Budyskim Serbskim domje, do kotrejež sym tójšto inwestowała. Wobrot pak njebě tajki, zo bych kóšty wurunała. Wosebje­ a-la-cart-hosćo na wječorach pobrachowachu. Njeličach z tym, zo wokoło Serbskeho domu po wječorach žane žiwjenje njeje, ćim bóle w starym měsće. To je mi někotre bjezsparne nocy wobradźiło. Běch tuž nuzowana za druhimi pućemi zwyšenja wobrota pytać a natwarich sej syć cateringa. Přiwšěm wobrot za personalne kóšty a podruž njedosahaše. Tak kofejownju zawrěch, ale bě mi žel derje fungowacu cateringowu syć spušćić. Mějach poskitk, Radworsku „Meju“ za poměrnje moderatnu podruž přewzać. Cateringowu syć móžach tak dale posłužować a tež „Meju“ ze žiwjenjom pjelnić.

„Wjeselo kaž starosće mje zesylnjeja“

Freitag, 08. März 2019 geschrieben von:

Ê Spokojna a dźakowna być je za mnje jara wažne. Małke wěcki wšědneho žiwjenja móža mi wjele mocy spožčić. Dźakowna sym za to, zo smědźachu naše dźěći wot naroda hač k šulskemu zachodej doma wotrosć, zdźěla škitane před medijowymi a towaršnostnymi wliwami, z kotrymiž mój mandźelski a ja přezjednaj njejsmoj. Dźakowna tež sym, zo smědźach swoje dźěći při wuwiću tak intensiwnje dožiwić. Rosćemy ze swojimi nadawkami, to móžu wobkrućić.

Za naju njeje ničo wosebiteho, zo mamoj šěsć dźěći. Njeje namaj přewjele, dokelž je so wšitko namakało. Wjeselo, stres, starosće k tomu słušeja a mje zesylnjeja. Wšědny dźeń ze šulskej wučbu, z hudźbnej šulu a mjeńšimi čestnohamtskimi nadawkami ma swój rytmus. Tež njewočakowanosće pola wosom ludźi njejsu njewšědne a maja so zmištrować.

KULOW,helaw

Freitag, 01. März 2019 geschrieben von:
Pjatk, 1. měrca 2019
 SERBSKE NOWINY – KÓNCTYDŹENSKA PŘIŁOHA
Foće: Jakub Langa

Wot wčerawšeho w Kulowje zaso mócnje hejsuja. Karnewal ­steji na planje, póstniske wozy, kostimy a skupiny su spřihotowane. ­Z 22lět­nej Aleksan­dru Maternec ze Salowa, ­kotraž přisłuša Šunow­skej póstniskej holčej skupi­nje Mariposa, je so Jakub ­Langa rozmołwjał.

Aleksandra, kelko lět mjeztym po­la Ma­riposy sobu skutkuješ a kak tomu, zo ­jako Salowčanka w Šu­nowskej skupinje sobu skutkuješ?

To je moje štwórte lěto w tej hol­čej­ skupinje. Sym so přećelki, z ko­trejž hromadźe do šule chodźach, pra­šała, hač směm tam sobu činić, a smědźach.

Kak rěka lětuša tema?

Wona rěka Orient, štož je dobre wuchadźišćo za kostimy.

Radźi so wam kóžde lěto kostim, kotryž so k temje hodźi?

To je wšelako. Naša ideja lětsa bě hižo do wozje­­­wjenja temy kruta, ale připadnje so wona hodźi. Naj­časćišo so po wozjewjenju temy prěni raz zetkamy a zběramy ideje za kostimy, jeli hižo do toho tajku nimamy. Je pak tež hižo było, zo smy hnydom po póstnicach mysličku za kostim zrodźili, a tak bě wšojedne, hač so za temu hodźeše abo nic.

Pěsk, palmy, party a pad thai

Freitag, 01. März 2019 geschrieben von:

fota: maria zahonec

S  kónčnje pěsk pod nohomaj, šumjenje žołmow we wušomaj a słódny kokosowy worjech w ruce – takle sej wočerstwjacy dowol předstajiš. Skónčnje běch tež ja na juhu Thailandskeje. Phuket jako najwjetša kupa běše mój startowy dypk za štyritydźenski dyrdomdej. Wotnětka pohibowach so hłownje z přewoznym čołmom wot kupy ke kupje, a na kupach samych běch pěši abo z mopedom po puću.

M   ěsto Phuket wabi wosebje Awstralčanow a Rusow na tuni dowol, k relaksowanju na Patong Beach a k hejsowanju w najwšelakorišich klubach, barach a nócnych lokalach. Čerwjena swěca a młode šikwane Thai-holcy tam wosebje mužow wabja, ale tež tak mjenowane „ladyboys“ cyle sebjewědomje wonka abo w barach swoje posłužby poskićeja. Njewšědny běše wulki karnewal 1. nowembra, ­ z kotrymž­­ su na hasach blisko přibrjoha hłownu sezonu zahajili. Njeličomne wupyšene žony w najrjeńšich kostimach, kapały a wulke wótřerěčaki w jězdźidłach animěrowachu k rejowanju.

Preciznosć trěbna była

Freitag, 01. März 2019 geschrieben von:
Foto: Jakub LangaSobotu, 26. januara, wotmě so 3. steel-dartowy ­tur­něr we Wotrowje, za kotryž bě so 32 hrajerjow z mło­dźin­skich cyłkow serbskich wjeskow při­zjewiło. Po skupinskej fazy best of 3 – hrajer z dwě­maj lego­maj je dobyćer – skwalifikowa so najlěpšich 16 akterow za štwórćfinale. Tam so hižo wyši niwow pokaza a so hač do finala dale stopnjowaše. Po zaji­mawych štwórć- a semifinalach přewjedźeštaj kaž hižo loni Oliver Schmidt a jeho bratr Rico kónčnu hru. Oliver,­ kiž bě dwójce dobył, je tónkróć přěhrał a njeje tak šansu wužił 88 centimetrow wysoki pućowanski pokal na přeco dobyć. Rico Schmidt wyskaše ze 4:2. Třeće městno wobsadźi Matthias Dórnik. Jakub Langa

W Šunowje swjećili

Freitag, 01. März 2019 geschrieben von:
Foće: Rocci Klein
Na po­sled­nim šul­skim dnju do zym­skich prózd­­nin so zaso raz žurla Fabrik­skeje ho­spody w Šunowje pa­le­še. Přepro­syli běchu zno­wa dwanatki Serb­skeho gymna­zija Bu­dyšin na póstnisku fetu. Inter­ne­mu šulskemu zarjado­wa­nju z wučerje­mi přizam­kny­chu so reje za wšěch zajimcow a lu­bo­wa­rjow póstnic. Šu­now­ska žurla bě ko­pata poł­na, a serb­scy a němscy mło­dostni re­jowachu hač do rań­šich hodźin. Jurij Bjeńš

Kreatiwne filmy tworili

Freitag, 01. März 2019 geschrieben von:
Foto: Jan Rjeda
Póndźelu do hód přewjedźe 9. lětnik Serbskeje wyšeje šule Ralbicy zajimawy projekt ze załožbu čitanje (Stiftung Lesen). Při tym zaběrachu so šulerki a šulerjo prěnjorjadnje z datowym škitom w modernych socialnych syćach kaž tež z prawami na wobrazach. Wot referenta Petera Bauera woni zho­nichu, kak móža swoje daty w syći najlěpje škitać. W druhim dźělu dźěłachu holcy a hólcy praktisce z tabletami. Při tym mějachu w skupinach zabawne filmy tworić. Za to trjebachu najprjedy ideju, z kotrejež su tak mjenowany „storyboard“ zestajeli. Jako přichodne nahra­wachu krótke widejowe sekwency, kotrež su z pomocu programa z hudźbu a pozadkami do trailera zestajeli. Na kóncu nadźěłachu štyri krótke filmy – chutne a lóštne. Projekt je wšitkim wjele wjesela wobradźił, a tak su dźe­wjatkarjo tójšto noweho we wobchadźe z modernymi medijemi nawuknyli. Fachowy wučer Jan Rjeda

Anzeige

  • Spěchowanski kruh za serbsku ludowu kulturu je 16. a 17. měrca mjeztym 28. serbske jutrowne wiki w Budyskim Serbskim domje wuhotował. Wiki běchu jara wuspěšne, tež nastupajo ličbu wopytowarstwa. Tule smy wam někotre fotowe impresije z wikow zestajeli