Dožiwjenje Šwicarska

Freitag, 02. Juli 2021 geschrieben von:
Katedrala St. Leodegar w LuzernjeMólby na swislach drjewjaneho móstaWopomnišćo law w LuzernjeKóžda kruwa je ze zwónčkom po puću.Kapałkowy móst w Luzernje
Fota: annamaria hadankecWo dyrdomdejach w času pandemije (1.dźěl)

W běhu swojeho praktiskeho lěta – we wobłuku studija skótneje mediciny – mějach jako winowatostny praktikum wulkotnu móžnosć w Šwicarskej, tróšku dowola a wotpočinka na swobodnych dnjach nazhonić.

Krótko po jutrach podach so z kófrom a wačokom z ćahom na puć do Hochdorfa pola Luzerna w srjedźnej Šwicarskej.

Dobra nalada w Röhrscheidtowej bašće: Akterojo su wo swojim projekće wočiwidnje přeswědčeni.

Foće: SN/

Hanka Šěnec


Syman Hejduška a Jan Brězan (Trio a kumple), režiser István Kobjela a libretist Měrćin Wjenk (wotlěwa)

Přećiwki so přićahuja, kaž znate přisłowo zwěsća. Na tamnym boku wšak tež rěka, zo so přećiwki rady mjez sobu wotstorkuja. Zajimawa to za­kładna konstelacija, tworjaca wuchadźišćo libreta Měrćina Wjenka za pop-operu „Carpe noctem – Njeskónčna nóc“. Wjele wjace nochcyše awtor wo wobsahu přeradźić.

Zhromadnje z wuměłskim nawodu projekta serbskeho hudźbneho kolektiwa Trio a kumple a towarstwa Pawk Janom Brězanom, cyłkownu koordinaciju zamołwjacym Symanom Hejdušku a Istvánom Kobjelu, kiž ma jako režiser nadawk, jednotliwe sceny nazwučować a do cyłka zwjesć, předstaji wón we wobłuku nowinarskeje konferency w Budyskej Röhrscheidtowej bašće event, kotryž změje 10. septembra w Chróšćanskej wjacezaměrowej hali „Jednota“ premjeru.

Skónčnje zaso za bulom honili
Foto: Konstantin Hrjehor

Póndźelu wječor je so stadion w Hórkach zaso raz „palił“. Tam je Allstar-team Radija Satkula w njewšědnym tesće z nowowutworjenym mustwom „ATS Fullhelm“ – cyłkom młodych koparjow ze serbskich wsow – mocy měrił. Po nawjedowanju měšaneho cyłka w prěnim połčasu poradźi so Satkularjam w druhich 35 mjeńšinach wurunać a po třělenju jědnatkow skónčnje tež dobyć. Wobšěrnu rozprawu wo turněrje móžeće přichodny tydźeń w Serbskich Nowinach čitać.

Tučasnje planuje team młodźinskeje žołmy bičwolejbulowu turu 2021. Ručež su wšitke terminy a městnosće jasne, budu wone na sportowych stronach SN wozjewjene. Kilian Hrjehor


Rjany wulět do Drježdźan

Freitag, 02. Juli 2021 geschrieben von:
Na kóncu ekskursije smy na wěžu zalězli a mějachmy krasny wuhlad přez Drježdźany hač na Saksku Šwicu. Foto: Daniela JawinskiBěše to horcy dźeń. 18. junija podachu so rja­dow­nje 5, 7a a 7b Wóslinčanskeje šule do Drjež­dźan. A měješe hi­šće horcyšo być. Wšako wopytach­my wohnjowy labor Techniskich zběrkow. Smy tójšto eksperimentowali a wo stawiznach wohenja zhonili. Njezapomnitej wostanjetej nam rozbuch­njenje a rejka gu­mijoweho barika. Wosebje přićahliwe pak běchu hry. W do­ži­wjenskim kraju matematiki mějachmy składnosć hódać! Nažel je so čas pře­spěšnje minył. Daniela Jawinski

Rědka namakanka

Freitag, 02. Juli 2021 geschrieben von:
Syman Domanja je ju namakał. A při tym bě kórka taaak derje za wul­kimi łopjenami schowana. Wosebity eksemplar z kórko­weho domu na burskim a ze­leninowym statoku Domanic swójby w Hózku waži 1 772 gramow. Tak wjele waži po­pra­wom pjeć kórkow hroma­dźe, po jednej něhdźe 350 gra­mow. Wšojedne, zo bě so kórka tak wulka radźiła. Wječor je wona wšitkim swójbnym zesłodźała … a bě runje tak słódna kaž te z mjeńšej wahu. Tekst a foto: Michał Domanja

Z Kulowskeje pěstowarnje

Freitag, 02. Juli 2021 geschrieben von:
Foće: Simone PoschTež my smy meju mjetali a za to so rjenje po serbsku zdrasćili. Noah bě najspěšniši – Lili sebi jako kralownu wuzwoli. „Šewca“ smy my rejwali, „Hdźež so módrja“ spěwali. Wša pěstowarska bobrija nam při tym wjes’le přikleska. Bóh dał, zo klětu móžemy zas lubych hosći witać pola nas. Simone Posch

Skónčnje swjećili

Freitag, 02. Juli 2021 geschrieben von:
fota: SN/Hanka Šěnec
Cyłe lěto su dźěći Budyskeje pěstowarnje „Jan Radyserb-Wjela“ na to čakali, zo změja wulki swjedźeń na swojim nowym hrajkanišću. Zašły tydźeń bě skónčnje tak daloko. Ale što to? Tójšto dnjow bě najkrasniše słónčko na njebju, wutoru pak so bjez přestaća dešćowaše. Wšojedne, myslachu sej dźěći a kubłarki. My swjećimy! Přeprosyli su sej hosći z města Budyšina a wot Křesćansko-socialneho kubłanskeho skutka. Firma Měrćina Krala z Pančic-Kukowa bě zahrodu na mały paradiz přetworiła, tuž bě tež wona na swjedźeń přeprošena. Skónčnje bě wšitko přihotowane. Dorosćeni rěčachu a rěčachu a rěčachu. Dźěći spěwachu a rejowachu. A dorosćeni so z přikleskom za rjany program dźakowachu. Nadobo pak rěkaše „start“! A hižo smalachu dźěći na zahrodu. Na dešćik běchu při tym zabyli. Najradšo wšak smala wone z rolerami abo małymi awtami po hładkej asfaltowej čarje. Rady so tež čumpaja abo sej w pěsku hrajkaja. Bórze změje tež žłobik nowe hrajkanišćo. Milenka Rječcyna

All you need is?

Freitag, 25. Juni 2021 geschrieben von:

25. lětnje dźiwadło na Budyskim hrodźe zahajene

Dyrdomdeje Sherlocka Holmesa a dr. Watsona słušeja ke klasikarjam kriminalkow. Wšako su je hižo na najwšelakoriše wašnja adaptowali – jako hrajne filmy, telewizijne serije, słuchohry a za jewišćo. Tójšto z nich bě drje Lutzej Hillmannej runje tak z inspiraciju za lětuši spektakl pod hołym njebjom na Budyskim hrodźe kaž literarne předłohi Arthura Conana Doylea. Intendantej Němsko-Serbskeho ludoweho dźiwadła je so poradźiło, najbóle wusahowace kajkosće mišterskeho detektiwa a jeho přećela kaž tež dalšich figurow takrjec destilować, štož jemu zmóžni, jednanje 25. Budyskeho lětnjeho dźiwadła w 1960tych lětach zapołožić a swojorazny kosmos Doylea přiwšěm njewopušćić.

„Jednota“ ma ludźimjez sobu zwjazować

Freitag, 25. Juni 2021 geschrieben von:

Wuznaće k žiwjenju a kulturje Serbow w regionje

Wobdźělnicy Wojerowskeje Zjawneje młodźinskeje dźěłarnje su so w minjenych měsacach z wulkej motiwaciju twarej wosebiteje łódźe wěnowali. Mnohim młodostnym bě to zdobom pućowanje k sebi samomu.

Steji-li wulka, impozantnje skutkowaca a přewšo rjana łódź na jednym z parkowanišćow we Wojerecach, da wona tójšto wćipnych přiwabja. Šěsć metrow wysoka, wjac hač pjeć metrow dołha a nimale metraj šěroku łódź z cyłkownej wahu něhdźe 500 kilogramow wšak tak spěšnje njepřewidźiš.

Pohladnicy powědaja wo dawnych časach, swědča wo podawkach a ludźoch.

Alfons Handrik wotkrywa nam swět,

na kotryž smy w minjenych lětach

nimale pozabyli.

Pohladnica z Minakałskim hrodom pochadźa z lěta 1958. Nakładnistwo Bild und Heimat w vogtlandskim Reichenbachu je składnostnje pjećlětneho wobstaća Centralneje serbskeje rěčneje šule Minakał zajimawu pohladnicu wudało. Z hrodowym parkom, pódlanskim hospodarskim twarjenjom a z jónkrótnej parlu mjez zemjanskimi sydłami našeje kónčiny, z Minakałskim hrodom, je němsce a serbsce na to skedźbnjene, zo steji tam kubłanišćo, hdźež dorosćenych w rěčnych kursach hornjoserbšćinu wuwučuja.

Serbska debata

Neuheiten LND