Podij za přitomnostne twórby

Freitag, 22. Januar 2016
Artikel bewerten
(0 Stimmen)
Intendant Choćebuskeje hudźbneje nazymy, komponist Bernd Weinreich, hotuje so hižo na přichodny hudźbny festiwal.  Foto: Sabine Weinreich Intendant Choćebuskeje hudźbneje nazymy, komponist Bernd Weinreich, hotuje so hižo na přichodny hudźbny festiwal. Foto: Sabine Weinreich

Rezimej lońšeje a pohlad na lětušu 43. Choćebusku hudźbnu nazymu

Loni wot oktobra do nowembra wotmě so w Delnjej Łužicy 42. Choćebuska hudźbna nazyma. Alfons Wićaz je so z intendantom Choćebuskeje hudźb­neje nazymy, komponistom Berndom Weinreichom, rozmołwjał.

Kak hódnoćiće 42. Choćebusku hudźbnu nazymu?

B. Weinreich: Směmy jara spokojom być. Program na wosom koncertach wopřiješe jědnaće nowych twórbow, a dožiwili smy jara dobru rezonancu. Na tymle hudźbnym swjedźenju steja stajnje regionalni komponisća ze swojim tworjenjom w srjedźišću.

Što je wosebitosć tohole festiwala?

B. Weinreich: Po mojim wědźenju njeje druheho festiwala, na kotrymž maja serbscy a němscy hudźbutwórcy w jenakej měrje swój podij. Tak budźimy wězo tež zajim łužiskich lubowarjow hudźby, kotřiž chcedźa zhonić, što je na tym polu noweho nastało. Wutworiło je so w lětach krute koło přisłucharjow, kotřiž drje tudyše hudźbne žiwjenje znaja, chcedźa pak zdobom tworjenje regionalnych komponistow sćěhować.

Veröffentlicht in Kultura & wuměłstwo
Bitte anmelden, um einen Kommentar zu posten

Anzeige