Na kóncu sezony sej hišće dypk wuwojowali
SZ Drježdźany-Strěžin
– SJ Chrósćicy 1:1 (0:0)
Zestawa hosći: Králíček – Hrdlitschka, Teichmann, Šiman, L. Zahrodnik, M. Zahrodnik, Henčl, Dórnik, G. Zahrodnik (62. J. Bogusz), Młynk, Němec
Na poslednju hru sezony 2017/2018 podachu so koparjo Chróšćanskeje SJ do krajneje stolicy. Tam wočakowaše jich pjaty krajneje klasy-wuchod. Wězo chcychu woni po wjacorych poražkach hrajnu dobu znajmjeńša z dypkom zakónčić. Přerěznje 24 lět młode mustwo tež sebjewědomje wustupowaše, prócujo so wo ofensiwnu kopańcu. A přihladowarjo dožiwichu wurunanu partiju. Na woběmaj stronomaj pak falowaše w poslednjej štwórćinje koncentracija. Tak njeběchu móžnosće při tužnym wjedrje přewulke. Tež sudnik běše při wysokich temperaturach tróšku lěni a nochcyše so tak prawje hibać. Nimale cyłu hru agěrowaše wón ze srjedźneho kruha. Tak tež tu abo tamnu situaciju tróšku přewidźa – na woběmaj stronomaj. W defensiwje stejachu domjacy jara wěsće, ale tež Chróšćenjo. Zmylki dźě běchu jich w škiće w zašłych hrach někotre dypki płaćili. K přestawce steješe tuž dospołnje zasłužbnje 0:0.
Konjacy sport w Kulowje
Sydom hrow bjez wrotow
Koparski turněr starych knjezow wo pokal Serbskeho Sokoła přewjedli
Kónčna tabulka
1. Sokoł Ralbicy 2:0 6
2. Zeleno-běli Hórki 2:1 6
3. SJ Chrósćicy 1:0 6
4. ST 1922 Radwor 0:2 3
5. ST Marijina hwězda 1:3 2
Z nazhonjenjow zašłych lět nawoda 22. koparskeho turněra starych knjezow wo pokal Serbskeho Sokoła Jan Hrjehor hižo wědźeše, zo so při hrajnym času 10 mjeńšin tójšto partijow bjez wrotow 0:0 skónči. Tohodla dyrbjachu po partiji jědnatki třěleć, zo by městna wuličić trochu jednoriše było. Prěnje pjeć wot dźesać hrow skónčichu so bjez wrotow. Hakle w šestej partiji dnja přewinychu Zeleno-běli Hórki hosćićela z Pančic-Kukowa z 2:1 a hižo wuwi so prěnje wulke ličenje. Za Hórki, kotrež stejachu w tym času na prěnim městnje, trjechi dwójce Worklečan Konrad Šołta – wón bu po turněrje jako najlěpši třělc wuznamjenjeny –, a za klóšterskich koparjow Róžeńčan Handrij Hejduška. Slědowaštej dalšej partiji bjez wrotow a dobyće 1:0 SJ Chrósćic přećiwo ST Marijinej hwězdźe (wrota za SJC Tomaš Domaška).
Na koncentraciji chětro klacało
Tabulka wokrjesneje ligi, stafle II
1. Natw. Němske Pazlicy 30 98 : 31 68
2. ST Marijina hwězda 30 76 : 32 57
3. SJ Njebjelčicy 30 68 : 50 56
4. SV Haselbachtal 30 76 : 55 54
5. HZ Łaz/Běły Chołmc 30 56 : 38 52
6. ST Lubuš 30 69 : 49 51
7. Wojerowski FC II 30 66 : 51 45
8. FSV Łuty 30 56 : 74 41
9. Nowe Město II 30 52 : 73 40
10. ST Wulka Dubrawa 30 54 : 64 38
11. ST Ćisk II 30 55 : 63 35
12. Nadrózna Hrabowka 30 56 : 72 32
13. SJ Chrósćicy II 30 52 : 93 30
14. HZ Wulke Ždźary 30 45 : 63 29
15. Rakečanske ST II 30 41 : 68 29
16. Zeleno-běli Sepicy 30 34 : 78 22
FSV Łuty – SJ Chrósćicy II 4:1 (3:1)
Zestawa hosći: B. Klimant – A. Dórnik (82. M. Dórnik), Mark, Dehn, Zahrodnik, T. Klimant, Kral (34. Matješk), Mohaupt, Liznar, Donat, Šmit
Na poslednju dypkowu hru sezony podachu so koparjo rezerwy Chróšćanskeje SJ minjenu njedźelu do Łutow. Ani za domjacych ani za hosći njeběše hra wjace rozsudna, wšako běštej sej hižo wobě mustwje přebywanje we wokrjesnej lize zawěsćiłoj.
Swoju klasu hakle w druhim połčasu pokazali
W duelu přećiwnikow Němskeje w skupinje F je Šwedska Južnu Koreju z 1:0 přewinyła. Jeničke wrota třěli Andreas Granqvist w 65. min., přetworiwši jědnatku. Dwě mjeńšinje do toho bě Južnokorejčan Kim Min-Woo Viktora Claessona w šwedskej šěsnatce foulował. Sudnik Joel Aguilar je drje najprjedy raz dale hrać dał, měnjo, zo dźerženje za pokutny kop njedosaha. Někotre sekundy po tym pak dósta signal wot widejosudnika a na to korektnje na jědnatku rozsudźi. Za Šwedow běše to prěnje dobyće na swětowych koparskich mišterstwach (WM) wot lěta 2006. Tehdy běchu Paraguay tohorunja z 1:0 porazyli.
Tež Belgiska je wčera z 3:0 přećiwo Panamje wuspěšnje do WM startowała. Dries Mertens trjechi hnydom w 47. min. 1:0 po flance Kevina de Bruynea zwyši Romelu Lukaku z něhdźe pjeć metrow na 2:0 (69.) a šěsć mjeńšin pozdźišo postaji Lukaku kónčny wuslědk 3:0. Jenož jónu pokaza so wubranka Panamy strašnje před klětku Belgičanow, wrotar Thibaut Courtois pak třělwu Michaela Murillosa z krótkeje distancy (52.) wotwobara.
Znowa třeće městno na wolejbulowym swjedźenju
Kóždolětny wolejbulowy swjedźeń sportoweho towarstwa VfB Zhorjelc ze separatnymi wubědźowanjemi za wólnočasne mustwa, žony a muži ma krute městno w terminowej protyce wolejbulowych entuziastow. Lětsa wotmě so wón 20. raz. Bohužel bě to tež posledni raz, dokelž VfB Zhorjelc k 30. junijej 2018 rozpušća. Njehladajo na to nastupi 15 mustwow muži. Mjez nimi bě, kaž hižo wjele lět, cyłk Viktorije Worklecy, kotryž chcyše lońše třeće městno zakitować. Zranjenja a priwatnych přičin dla někotři akterojo pobrachowachu. Tak dyrbjachu sej Worklečenjo z wolejbulistami druhich teamow wupomhać. Zwjeselace bě, zo poradźi so „Hrajnemu zjednoćenstwu Worklecy a přećeljo“ w předkole kwalifikacija za finale najlěpšich pjeć mustwow. Škoda, zo falowaše po wuspěšnych hrach přećiwo „Teddyjam“ z Lipska jenož jedna dobyta sadźba k druhemu městnu. Dalše třeće městno w Zhorjelcu pak bě za Worklečanow znowa wulki wuspěch.
Za Viktoriju Worklecy hrajachu: Marko Brězan, Clemens a Ludwig Eckert, Marcel Rjelka a Stephan Wjeńka.
Pjenježne myto za dobre dźěło
Bič-terminy Satkule steja
Budyšin (jh/SN). Tež lětsa poda so Radijo Satkula, młoda žołma Serbskeho rozhłosa, zaso na bič-turu. Na sćěhowacych terminach pozastanu Satkularki a Satkularjo na sćěhowacych městnach: 25. junija Radwor, 2. julija Róžant, 9. julija Jaseńca, 16. julija Konjecy, 23. julija Njebjelčicy, 30. julija Pančicy-Kukow, 6. awgusta Nuknica a 13. awgusta Budyšin. Wulke finale budźe 27. awgusta w Miłoćicach.
Captainscup woła
Worklecy (jh/SN). Bičwolejbulowe dwójki a mustwa smědźa so za turněr Captainscup přizjewić. Hrate budźe 7. julija wot 8 hodź. we Worklecach. W poskitku změja tam bičwolejbulowy turněr za dwójki w pěsku a turněr za štwórki na trawniku. Za pěsk je dźesać městnow k dispoziciji, za trawu 16. Startowy pjenjez na mustwo je dźesać eurow, přizjewjenski formular namakaće pod www.captainscup.de.
Wuslědki (19.06.18)
Kopańca,
krajna klasa
Weixdorf – Borea Drježdźany 2:0 (0:0)
Mužakow – Neugersdorf II 4:1 (1:0)
Ćisk – Drježdźanski SC 1:4 (0:2)
Nowe Město – Nowosólc-Hródk 6:0 (3:0)
Drježdźany-Strěžin – Chrósćicy 1:1 (0:0)
Trjebin – Horni kraj-Sprjewja 4:2 (2:1)
Laubegast – Oderwitz 02 2:2 (0:1)
1. LSV Nowe Město 26 80 : 44 55
2. FSV Nowosólc-Hródk 26 74 : 38 54
3. Laubegast 26 65 : 46 49
4. Čerwj.-běli Mužakow 26 62 : 35 48
5. SZ Drježdźany-Strěžin 26 53 : 33 39
6. FC Neugersdorf II 26 52 : 44 37
7. FSV Oderwitz 02 26 61 : 53 36
8. ST Horni kraj-Sprjewja 26 55 : 50 36
9. SG Weixdorf 26 49 : 48 35
10. ST Ćisk 26 47 : 60 33
11. SJ Chrósćicy 26 41 : 63 27
12. ST Trjebin 26 32 : 85 25
13. SC Borea Drježdźany 26 46 : 76 24
14. Drježdźanski SC 26 48 : 90 15
wokrjesna wyša liga
Kinsp./Łužnica – Großröhrsdorf 1:1 (0:0)
ST Budyšin – Kumwałd 2:6 (2:2)
Sokoł Ralbicy/Hórki – Rakecy 2:5 (0:2)
Hnašecy-Dobruša – Radwor 2:4 (1:2)
Ramnow – Póst Germ. Budyšin 1:5 (1:4)
Großnaundorf – Wojerowski FC 1:6 (1:3)
Bukecy – Hory2:3 (1:2)
Kulow – Wjelećin5:1 (4:0)
1. SC Großröhrsdorf 30 58 : 18 66
2. Rakečanske ST 30 80 : 45 60
3. Póst Germania Budyšin 30 73 : 42 53
4. Motor Kumwałd 30 67 : 37 53
5. Wojerowski FC 30 63 : 38 51
6. LSV Hory 30 73 : 59 50
7. Módro-běli Kulow 30 60 : 33 44
8. Drohotka Ramnow 30 62 : 65 43
9. Sokoł Ralbicy/Hórki 30 49 : 57 40
10. SG Großnaundorf 30 51 : 61 39
11. ST Radwor 30 60 : 71 33
12. ST Kinspork/Łužnica 30 58 : 62 32
13. ST Hnašecy-Dobruša 30 56 : 70 32
14. ST Wjelećin 30 57 : 93 31
15. Zeleno-běli Bukecy 30 41 : 85 25
16. ST Budyšin 30 37 : 109 14
Historiska poražka – historiske dobyće
Němska wubranka muži je prěni raz po lěće 1982 zazběhowu hru na swětowych koparskich mišterstwach přěhrała. W Moskowskim stadionje Lušniki podleža zakitowar titula po słabym wukonje z 0:1 Mexiku. Hižo w 35. min. docpě Hirving Lozano rozsudne wrota. Sami Khedira bě bul hłuboko w přećiwniskej połojcy zhubił, Mexičenjo spěšnje konterowachu a Lozano wuhra Mesuta Özila, kiž bě jako škitar přežadany. Z něhdźe dźesać metrow zdalenosće Lozano Manuela Neuera přewiny. Wšitke prócowanja Němcow wo remis ničo njewunjesechu – tež lěpši poměr třělwow 25:12 na wrota a hrajne podźěle 61:39 procentow nic. Za Mexiko bě to historiske dobyće přećiwo amtěrowacemu swětowemu mištrej, za Němsku historiska poražka. Sobotu w hrě přećiwo Šwedskej liči za chowancow trenarja Jogija Löwa jenož dobyće.
