Rano šokowani a po tym jasnje dobyli

Mittwoch, 24. Februar 2016
Artikel bewerten
(0 Stimmen)
Florian Ričel (naprawo), dwójny třělc wrotow, w dwuboju z přećiwnikom  Foto: Clemens Šmit Florian Ričel (naprawo), dwójny třělc wrotow, w dwuboju z přećiwnikom Foto: Clemens Šmit

SJ Njebjelčicy – SV Arnsdorf 3:0 (1:0)

Zestawa domjacych: Hahn – Kral, Deleńk, Pawlik, Haška, Cyž (78. Mjechela), Hanuza, Lejnart, Hrjehor, Čornak (30. Ričel), Hoelzel (81. Schütz)

Minjenu njedźelu rano dyrbjachu Njebjelčanscy sportowcy lózyskosć nazhonić. Paduši běchu so w nocy do tamnišeho sportoweho domu zadobyli a wšu techniku, wulki telewizor a wótřerěčaki pokradnyli.

Nerwoznje tuž chowancy koparskeje trenarskeje dwójki Detlef Panic/Handrij Krawčik dypkowu hru na Kamjenskim kumštnym trawniku započachu. Tak dyrbješe wrotar Nico Hahn w 7. min. wótru třělwu wotwobarać, a w 17. min. prasny bul po konteru hosći na zbožo do łaty. Poněčim so hrajerjo wo­koło kapitana Tade­ja Cyža lěpje do partije namakachu. Cyž sam je z rjanej třělwu po wotpoło­ženym róžku dołhi kut hóstnych wrotow snadnje misnył, a po rjanej stafeće přez Tadeja Cyža, Leopolda Hoelzela a Roberta Lejnarta dźěše tež hłójč­kowany bul nimo přećiwniskeje klětki (38.). Mjeńšinje pozdźišo pak pósła Florian­ Ričel z niskej přihrawku Lejnarta a tón dźakowaše so z 1:0.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND