Z wothwizdanjom wurunali

Montag, 18. Juni 2018
Artikel bewerten
(0 Stimmen)
W poslednjej domjacej hrě je so Pančičan Richard Hawš wčera w druhim połčasu wo strašny nadběh postarał. W poslednjej domjacej hrě je so Pančičan Richard Hawš wčera w druhim połčasu wo strašny nadběh postarał.

ST Marijina hwězda

– HZ Łaz/Běły Chołmc 2:2 (1:1)

Zestawa domjacych: O. Schmidt – Wróbl, T. Škoda, Jurš, Lipič, Winkler (67. Rab), Kuring, O. Hawš, P. Schmidt (46. R. Hawš), Eldor (46. A. Škoda), Pakoßnick

K poslednjej domjacej hrě sezony 2017/2018 pohosćichu koparjo ST Ma­rijineje hwězdy mustwo Hrajneho zjednoćenstwa Łaz/Běły Chołmc. Po wulkim boju dźěleštej so cyłkaj ze sprawnym 2:2. Kaž hižo tydźenja měješe trenar Erwin Kleinmann wšitkich hrajerjow k dispoziciji. Po dewizy „never change a winning team“ započachu kaž při dobyću w Rychbachu.

W prěnich dwaceći mjeńšinach wotměwaše so hra mjez šěsnatkomaj. Wo­sebje w srjedźnym polu nastachu chětro bojowniske duele. Pančičenjo pospytachu so z dołhimi třělwami, štož wjedźeše k 1:0. Po kopje Matijasa Wróbla njeběštaj sej posledni muž a wrotar hosći pře­zjednaj. Bul skoči před lěwu nohu Jako­ba Pakoßnicka, a hižo domjacy nawjedowachu (23.). Nětko mějachu woni wjace hrajnych podźělow a šansow. Bul pak so do wrotow njenamaka (25., 30., 34.). 1:1 (41.) bě dar hosćićela.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND