Hosćićel swoje šansy we wurunanej hrě lěpje wužiwał

Montag, 24. September 2018
Artikel bewerten
(0 Stimmen)
Hrajna scena z hry mjez Traktorom Malešecy a SJ Njebjelčicy. Naprawo widźimy serbskeho koparja Stanija Krygarja (Malešecy) z Wuježka.  Foto: Jörg Stephan Hrajna scena z hry mjez Traktorom Malešecy a SJ Njebjelčicy. Naprawo widźimy serbskeho koparja Stanija Krygarja (Malešecy) z Wuježka. Foto: Jörg Stephan

Traktor Malešecy – SJ Njebjelčicy 2:0 (0:0)

Zestawa domjacych: Lehmann – Meier, Swakon, Krygar, Günther, Handrik, Benad, Metasch (58. Hoferichter), Seiler (80. Schmidt), Schwurack, Bolz

Zestawa hosći: Hahn – Haška (70. Čornak), Wagner, Plaettner, Šołta, Lejnart (62. Cyž), Korjeńk, Hrjehor, Pawlik, Domš

Posledni raz zetkaštej so koparskej mu­stwje w Malešecach před dwanaće lěta­mi, a to we wobwodnej klasy, a hra­ještej tehdy 0:0. Nětko pak steještej sej z wo­młodźenymaj zestawomaj znowa na­přećo. Wobě koncentrowaštej so w prě­nich mjeńšinach na škit swójskich wrotow, čehoždla njedowolištej žane wulke šansy. Hosćo mějachu w 7. min. prěnju składnosć, ale domjacy wrotar třělwu wuspěšnje wotwobara. Na tam­nej stronje třěli Metasch swobodnje stejo bul snadnje nimo (13.). W 25 min. po­spyta so Njebjelčan Korjeńk z dalokotřělwu, kotraž pak dźěše wyše łaty. Swoju naj­lěpšu šansu měješe Wagner za hosći, kiž z dobreje pozicije bul snadnje nimo zhłójčkowa (39.). Malešenjo mějachu přez Metascha (40.) a Benadu (42.) dalšej móžnosći, ale wobaj hrajerjej njemějštaj wuspěch. Tuž so prěni połčas ze sprawnym 0:0 skónči.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND