Sport (28.06.19)

Freitag, 28. Juni 2019 geschrieben von:

Kónčne pokalne hry

Zapadołužiski koparski zwjazk přewjeduje wot dźensnišeho hač do njedźele kónčne pokalne hry, a to we Wojerowskim Friedricha Ludwiga Jahnowym stadionje na Hasy Liselotty Herrmann pola tamnišeho koparskeho kluba.

28.06. 18.30 HZ Rakecy – Módro-běli Kulow (stari knježa)

29.06. 10.30 ST Horni kraj Sprjewja – HZ ST 1922 Radwor (młodźina B)

29.06. 13.30 HZ Hnašecy-Dobruša – ST Langburkersdorf (ž)

29.06. 15.30 ST Wjelećin – TSV Wachau (mužojo)

30.06. 10.30 TSV Połčnica 1920 – Budissa Budyšin II (młodźina C)

30.06. 13.30 HZ Kubšicy – HZ Ramnow (młodźina A)

Hašenski dorost so wubědźuje

We wobłuku swjedźenskeho kónca ty­dźe­nja dźesać lět Młodźinska wohnjowa wobora Ralbicy-Róžant wubědźuja so dorostowi wobornicy jutře, 29. junija, wot 14 hodź. w Ralbicach. Nimo toho su wot pjatka do njedźele sportowcy ze Spáleneho Poříćí na čěsko-serbskej wuměnje w Delanach. Tak přewjedu jutře w 17 hodź. koparsku hru Ralbicy – Spálené Poříčí.

Bičwolejbulowy turněr

Sportowe towarstwo Marijina hwězda zarjaduje jutře, sobotu, wot 13.30 hodź. bičwolejbulowy turněr, a to při sportnišću w Pančicach-Kukowje.

Soccer-cup

Hrajnu dobu z remisom zakónčili

Donnerstag, 27. Juni 2019 geschrieben von:

FSV Łuty – SJ Chrósćicy II 1:1 (1:1)

Zestawa hosći: B. Klimant – T. Klimant (83. M. Dórnik), Mark (45. Šołta), Dehn, Lešawa, Donat, A. Dórnik, Matješk, Zynda, Liznar, Šmit

Na kóncu sezony bě sej druhe koparske mustwo Chróšćanskeje SJ do Łutow dojěło. A měješe jasny zaměr, z třomi dypkami w tabulce wot dwanateho hišće na dźewjate městno so dóstać.

Start so hosćom derje poradźi. Tak mó­žachu hižo po pjeć mjeńšinach juskać, jako Stefan Liznar přećiwniskemu wrotarjej žanu šansu njeda a wólny kop Nicka Lešawy do dołheho kuta zhłójč­ko­wa. Ale wjeselo so pominy, jako Łutow­čenjo po štwórć hodźinje wurunachu. Flanka do Chróšćanske­je šěsnatki docpě jeno škitarja, tón pak njezamó situaciju rozrisać a tak hraješe kulowatu kožu swobodnje stejacemu přećiwnikej do nohi. A wón njeměješe žane ćeže ju k 1:1 do wrotow sunyć. Po furioznym spočatku so hra změrowa. Domjacy wšak wědźachu trochu lěpje z chětro twjerdym trawnikom wobchadźeć. Tak bychu so jim po spěšnym nadběhu nimale dalše wrota poradźili, jako nadběhowar bul wyše Tomaša Klimanta połoži. Klemens Mark pak hišće na wrotowej liniji zastatkej zadźěwa.

11. swjatkowne běhi podłu Bjerwałdskeho jězora

Donnerstag, 27. Juni 2019 geschrieben von:

Při horcych temperaturach je so podłu a wokoło Bjerwałdskeho jězora na jednej z pjeć połnych distancow na 0,8/3, 5, 10 a 21,1 km (połmarathon) cyłkownje 547 lubowarjow běhanja, mjez nimi 20 we walkingu, wubědźowało.

Dobry dźesatk serbskich atletow je so na bě­hach wobdźělił a sej jedne złote kaž tež jedne slěborne městno zawěsćił. We wotpowědnych starobnych klasach wobsadźichu Serbja pjeć medaljowych městnow – tři slěborne a dwě bronzowej, a k to­mu stajnje jedne štwórte, pjate, dźewjate, dźesate, jědnate, 14. a 16. městno. Sportowcy běchu ze Sakskeje a z Braniborskeje, Berlina, Mnichowa, Bad Tölza a z pólskich Żarow.

Na 0,8 km wubědźowachu so šulerjo a šulerki U 8 a młódši. Willi Bjarš z Budyšina běše cyłkowny dobyćer (3:12 min). We wurisanju na 5 km (101 w cilu) docpě Fritz Bjarš z Budyšina slěborne městno w 19:02 min. Dawid Žur z Lejna doběža w U 16 na 9. městnje (26:28 min). Na tej distancy je tež cyłkownje 20 lubowarjow walkinga mocy měriło.

Abiturienća hrě při wysokim saku dobyli

Mittwoch, 26. Juni 2019 geschrieben von:

Na Budyskim Serbskim gymnaziju wotmě­štej so na cilowej čarje šulskeho lěta 2018/2019 tradicionalnej wolejbulowej hrě. 27. duel muskeje generacije rozsudźichu dwanatkarjo 2:1 přećiwo wučerjam, a jubilejny 10. duel dobychu abiturientki 2:0 přećiwo wučerkam.

Wuslědki (26.06.19)

Mittwoch, 26. Juni 2019 geschrieben von:

Kopańca, NOFV-wyša liga

Taucha – Pirna-Copitz  0:2 (0:2)

Lößnitz – Riesa2:1 (1:1)

Mittweida – Markranstädt 2:1 (2:0)

Grimma – Glauchau9:2 (7:0)

Markkleeberg – Radebeul  0:0 (0:0)

Großenhain – Kamjenc 2:4 (1:1)

Niska – Nowosólc-Hródk 3:2 (1:0)

krajna klasa

Trjebin – Rotacija Drježdźany  2:2 (0:2)

Nowe Město – Horni kraj 8:3 (4:1)

Běła Woda – Borea Drježdźany 1:1 (0:1)

Weixdorf – Großröhrsdorf  0:1 (0:0)

Oderwitz II – Laubegast  4:1 (2:0)

Drježdźany-Strěžin – Chrósćicy 7:1 (3:1)

Ćisk – Neugersdorf II  1:1 (0:1)

1. LSV Nowe Město 26 85 : 25 61

2. SZ Drježdźany-Strěžin 26 62 : 27 56

3. Laubegast 26 71 : 38 51

4. FSV Oderwitz II 26 48 : 40 40

5. FC Neugersdorf II 26 49 : 38 39

6. VfB Běła Woda 1909 26 58 : 50 34

7. SG Weixdorf 26 51 : 53 33

8. TSV Rot. Drježdźany 26 53 : 58 30

9. SC Großröhrsdorf 26 39 : 46 30

10. SJ Chrósćicy 26 53 : 66 30

11. SC Borea Drježdźany 26 40 : 57 28

12. ST Ćisk 26 39 : 60 28

13. ST Horni kraj-Sprjewja 26 52 : 97 25

14. ST Trjebin 26 32 : 77 14

Dyrbja nětko tola zestupić

Dienstag, 25. Juni 2019 geschrieben von:

ST 1922 Radwor – ST Porchow 1:1 (0:0)

Zestawa domjacych: Ch. Šěrak – Henka, F. Šěrak, Wjacławk, Jendrewski, Nuk, Wjeń­ka, Měrćink, Glücklich, Reineke, Schulze

Na poslednim hrajnym dnju sezony 2018/2019 witachu Radworscy koparjo mustwo z Porchowa, kotrež běše zdobom direktny konkurent w boju wo zdźerženje klasy. Wuchadźišćo bě hižo do hry jasnje, Radwor měješe dobyć a so nadźijeć, zo Bukecy runočasnje doma pře­­ćiwo Rakecam njedobudu. Tajki napjaty finale postara so wězo tež wo krasnu kulisu­ wjace hač 200 přihladowarjow na Ra­dworskim sportnišću.

Na wrota bohata poslednja hra

Dienstag, 25. Juni 2019 geschrieben von:

ST Marijina hwězda

– ST Traktor Malešecy 3:4 (1:2)

Zestawa domjacych: Matik – R. Cyž, Škoda­, Rab, R. Hawš, Šołta, Schmidt (59. Lipič), O. Hawš, Ch. Cyž, Pakoßnick (34. Melnyk), Pjetaš (84. Kleinmann)

W načolnej hrě přećiwo třećemu tabul­ki, Traktorej Malešecy, chcyše postupnik do koparskeje wyšeje ligi hišće raz dobyć. Hosćo pak mějachu něšto­ pře­ći­­wo tomu a wotwjezechu sej wšit­ke­ tři dypki z Pančic-Kukowa. Hladajo na hi­žo zawěsćene mišterstwo bě móc něko­trych domjacych akterow po zdaću hižo pře­trjebana. Po dołhej a na­pinacej hrajnej dobje bě to w porjadku.

Třeći serbski supercup

Dienstag, 25. Juni 2019 geschrieben von:
Njebjelčicy (jh/SN). Sportowa jednotka Njebjelčicy zarjaduje njedźelu, 21. julija, 3. serbski supercup – turněr ze štyrjomi serbskimi koparskimi mustwami. Poł­finalnej hrě wulosować budu zamołwići Njebjelčanskeje SJ póndźelu, 15. julija, na Hórčanskim sportnišću. Tón dźeń pozastanje tam bičwo­lejbulowa tura Radija Satkula. Losy ćahnyć ma hrajerka Serbskeje koparskeje wubranki.

W poslednjej sekundźe wurunali

Dienstag, 25. Juni 2019 geschrieben von:

ST 1896 Wulka Dubrawa

– SJ Njebjelčicy 4:4 (2:1)

Zestawa hosći: Matješk – Hanuza, Gödig, Hrjehor, Krall, Čornak, Hommel (50. Šołta), O. Domš, Plaettner, Korjeńk, Lejnart (65. F. Domš)

Poslednja hra sezony wjedźeše chowancow koparskeho trenarja Njebjel­­čanskeje SJ Handrija Krawčika k dźesa­temu tabulki do Wulkeje Dubrawy. Domjacu partiju běchu woni 7:0 dobyli. Jako­ pak nětko Wulkodubrawčan Danilo Miekan w 69. min. 4:1 třěli, hižo nichtó w rjadach hosći tak prawje do wuspěcha njewě­rješe. Takrjec z wothwizdanjom pak trjechi Pawl Hrjehor k 4:4 (94.), a wjeselo bě wulke.

Hižo po štyrjoch mjeńšinach bě Wiliam Plaettner z hłowu po wólnym kopje Ronyja Hanuzy nawjedowanje docpěł. Žane dźesać mjeńšin pozdźišo pak Miekan z dwójnym dyrom (13., 16.) mjezywuslědk zwjertny.

Radworscy stari knježa sej pokal zawěsćili

Dienstag, 25. Juni 2019 geschrieben von:
Stara koparska garda Radworskeho ST je 23. koparski turněr starych knjezow wo pućowanski pokal Serbskeho Sokoła dobyła. Fina­le doby hosćićel z 1:0 přećiwo starym knjezam SJ Chrósćicy, rozsudne wrota třěli Nico Buša (stejo, třeći wotprawa). Radworčenjo mějachu z Benom Bělkom (stejo, pjaty wotprawa) tež najstaršeho hrajerja turněra w swojich rjadach. Jako naj­kmańši wrotar­ bu Frank Hübner (Pančicy) počesćeny, najrjeńše wrota turněra poradźichu so Bosćijej Lulakej (Ralbicy), najlěpši třělc wrotow bě Antonius Škoda (Pančicy) a najdypkowniši hrajer turněra Měrćin Špitank (Chrósćicy). Třeće městno wobsadźi Soko­ł Ralbicy/Hórki, štwórte ST Marijina hwězda, pjate SJ Njebjelčicy a šeste Zeleno-běli Hórki. Foto: Kilian Hrjehor

Anzeige