Pjenježne myto za dobre dźěło

Dienstag, 19. Juni 2018 geschrieben von:
Wjelelětne dorostowe dźěło, aktiwity kołowokoło dźěćaceho a młodźinskeho sporta a wulka tema fairplay – to běchu dypki Sportoweho towarstwa Radwor, kotrež přeswěd­čichu přiradu firmy ENSO. Mjez 43 towarstwami wobsadźi ST 1922 Radwor štwórte městno. Zaso jónu móžeše sej tak pjenježnu podpěru 1 800 eurow zawěsćić a chce je dale za dźěćace a młodźinske dźěło nałožić. Klaus Sammer, sobustaw přirady­, wjeseleše so z dźěćimi a zamołwitymi wšěch towarstwow. Wón so nadźija, zo budźe dobrowólne dźěło na wsy tež w přichodźe tajke wurjadne, a zo móža spor­towe­ jednotki dale wobstać. ST Radwor dźakuje so wšitkim sponsoram za wul­ko­myslnu podpěru. Foto: Nico Buša

Bič-terminy Satkule steja

Dienstag, 19. Juni 2018 geschrieben von:

Budyšin (jh/SN). Tež lětsa poda so Radijo Satkula, młoda žołma Serbskeho rozhłosa, zaso na bič-turu. Na sćěhowacych terminach pozastanu Satkularki a Satkularjo na sćěhowacych městnach: 25. junija Radwor, 2. julija Róžant, 9. julija Jaseńca, 16. julija Konjecy, 23. julija Njebjelčicy, 30. julija Pančicy-Kukow, 6. awgusta Nuknica a 13. awgusta Budyšin. Wulke finale budźe 27. awgusta w Miłoćicach.

Captainscup woła

Worklecy (jh/SN). Bičwolejbulowe dwójki a mustwa smědźa so za turněr Captainscup přizjewić. Hrate budźe 7. julija wot 8 hodź. we Worklecach. W poskitku změja tam bičwolejbulowy turněr za dwójki w pěsku a turněr za štwórki na trawniku. Za pěsk je dźesać městnow k dispoziciji, za trawu 16. Startowy pjenjez na mustwo je dźesać eurow, při­zjewjenski formular namakaće pod www.captainscup.de.

Wuslědki (19.06.18)

Dienstag, 19. Juni 2018 geschrieben von:

Kopańca,

krajna klasa

Weixdorf – Borea Drježdźany 2:0 (0:0)

Mužakow – Neugersdorf II 4:1 (1:0)

Ćisk – Drježdźanski SC 1:4 (0:2)

Nowe Město – Nowosólc-Hródk 6:0 (3:0)

Drježdźany-Strěžin – Chrósćicy 1:1 (0:0)

Trjebin – Horni kraj-Sprjewja 4:2 (2:1)

Laubegast – Oderwitz 02 2:2 (0:1)

1. LSV Nowe Město 26 80 : 44 55

2. FSV Nowosólc-Hródk 26 74 : 38 54

3. Laubegast 26 65 : 46 49

4. Čerwj.-běli Mužakow 26 62 : 35 48

5. SZ Drježdźany-Strěžin 26 53 : 33 39

6. FC Neugersdorf II 26 52 : 44 37

7. FSV Oderwitz 02 26 61 : 53 36

8. ST Horni kraj-Sprjewja 26 55 : 50 36

9. SG Weixdorf 26 49 : 48 35

10. ST Ćisk 26 47 : 60 33

11. SJ Chrósćicy 26 41 : 63 27

12. ST Trjebin 26 32 : 85 25

13. SC Borea Drježdźany 26 46 : 76 24

14. Drježdźanski SC 26 48 : 90 15

wokrjesna wyša liga

Kinsp./Łužnica – Großröhrsdorf 1:1 (0:0)

ST Budyšin – Kumwałd 2:6 (2:2)

Sokoł Ralbicy/Hórki – Rakecy 2:5 (0:2)

Hnašecy-Dobruša – Radwor 2:4 (1:2)

Ramnow – Póst Germ. Budyšin 1:5 (1:4)

Großnaundorf – Wojerowski FC 1:6 (1:3)

Bukecy – Hory2:3 (1:2)

Kulow – Wjelećin5:1 (4:0)

1. SC Großröhrsdorf 30 58 : 18 66

2. Rakečanske ST 30 80 : 45 60

3. Póst Germania Budyšin 30 73 : 42 53

4. Motor Kumwałd 30 67 : 37 53

5. Wojerowski FC 30 63 : 38 51

6. LSV Hory 30 73 : 59 50

7. Módro-běli Kulow 30 60 : 33 44

8. Drohotka Ramnow 30 62 : 65 43

9. Sokoł Ralbicy/Hórki 30 49 : 57 40

10. SG Großnaundorf 30 51 : 61 39

11. ST Radwor 30 60 : 71 33

12. ST Kinspork/Łužnica 30 58 : 62 32

13. ST Hnašecy-Dobruša 30 56 : 70 32

14. ST Wjelećin 30 57 : 93 31

15. Zeleno-běli Bukecy 30 41 : 85 25

16. ST Budyšin 30 37 : 109 14

Historiska poražka – historiske dobyće

Montag, 18. Juni 2018 geschrieben von:

Němska wubranka muži je prěni raz po lěće 1982 zazběhowu hru na swětowych koparskich mišterstwach přěhrała. W Moskowskim stadionje Lušniki podleža zakitowar titula po słabym wukonje z 0:1 Mexiku. Hižo w 35. min. docpě Hirving Lozano rozsudne wrota. Sami Khedira bě bul hłuboko w přećiwniskej połojcy zhubił, Mexičenjo spěšnje konterowachu a Lozano wuhra Mesuta Özila, kiž bě jako škitar přežadany. Z něhdźe dźesać metrow zdalenosće Lozano Manuela Neuera přewiny. Wšitke prócowanja Němcow wo remis ničo njewunjesechu – tež lěpši poměr třělwow 25:12 na wrota a hrajne podźěle 61:39 procentow nic. ­Za Mexiko bě to historiske dobyće přećiwo amtěrowacemu swětowemu mištrej, za Němsku historiska poražka. Sobotu w hrě přećiwo Šwedskej liči za chowancow trenarja Jogija Löwa jenož dobyće.

Z wothwizdanjom wurunali

Montag, 18. Juni 2018 geschrieben von:

ST Marijina hwězda

– HZ Łaz/Běły Chołmc 2:2 (1:1)

Zestawa domjacych: O. Schmidt – Wróbl, T. Škoda, Jurš, Lipič, Winkler (67. Rab), Kuring, O. Hawš, P. Schmidt (46. R. Hawš), Eldor (46. A. Škoda), Pakoßnick

K poslednjej domjacej hrě sezony 2017/2018 pohosćichu koparjo ST Ma­rijineje hwězdy mustwo Hrajneho zjednoćenstwa Łaz/Běły Chołmc. Po wulkim boju dźěleštej so cyłkaj ze sprawnym 2:2. Kaž hižo tydźenja měješe trenar Erwin Kleinmann wšitkich hrajerjow k dispoziciji. Po dewizy „never change a winning team“ započachu kaž při dobyću w Rychbachu.

W prěnich dwaceći mjeńšinach wotměwaše so hra mjez šěsnatkomaj. Wo­sebje w srjedźnym polu nastachu chětro bojowniske duele. Pančičenjo pospytachu so z dołhimi třělwami, štož wjedźeše k 1:0. Po kopje Matijasa Wróbla njeběštaj sej posledni muž a wrotar hosći pře­zjednaj. Bul skoči před lěwu nohu Jako­ba Pakoßnicka, a hižo domjacy nawjedowachu (23.). Nětko mějachu woni wjace hrajnych podźělow a šansow. Bul pak so do wrotow njenamaka (25., 30., 34.). 1:1 (41.) bě dar hosćićela.

Serbska koparska wubranka žonow hotuje so na turněr w Šwicarskej, kotryž budźe spočatk julija pola narod­neje mjeńšiny Retoroma­now. W Ralbicach zwučowachu serbske koparki mjez druhim přiwzaće bulow, dwójne přihrawki we wuskich rumach a třělenje na wrota. Jörg Stephan

Poslednja hra za kapitana

Montag, 18. Juni 2018 geschrieben von:

ST Hnašecy-Dobruša – ST 1922 Radwor 2:4 (1:2)

Zestawa hosći: Fa. Wróbl – Omran, Bauer, Henke, Zimmermann, Wjeńka, Nuk, Rachel, Fi. Wróbl (60. Hančik), Šěrak, Schulze (87. Kubitz)

Hižo do partije bě jasne, zo je poslednja dypkowa hra sezony 2017/2018 zdobom tež poslednja hra kapitana Paula Zimmermanna. Wón chce so ze stro­wot­niskich přičin wróćo sćahnyć. Hrajne lěto chcychu koparjo ST Radworja, po słabym wukonje tydźenja w derbyju pře­ćiwo Soko­łej Ralbicy/Hórki, z dobyćom krónować.

Wubědźuja so wo Kulow-cup

Montag, 18. Juni 2018 geschrieben von:
Kulow (jh/SN). Mustwo Company of Kulow wuhotuje lětuši 29. koparski turněr Kulow-cup. Startowy signal budźe pjatk, 22. junija, wot 21.30 hodź. party. Sobotu, 23. junija, wot 13.30 hodź. wotměje so koparski turněr z dźesać cyłkami Kulowskich młodźinskich klubow.

Awtorka dźensa

Halena Jancyna

Volleyball Nations League je nowosć na polu wolejbula w lěće 2018. W nowym formaće hraje 16 mustwow dohromady šěsć tydźenjow dołho wo titul. Předkoło traje 35 dnjow, finalne sydom. Najprjedy hraje kóždy přećiwo kóž­demu, w šestym a zdobom poslednim tydźenju postaji šěsć najlěpšich mustwow dobyćerja.

Pola žonow hraja lětsa narodne mustwa z Němskeje, Brazilskeje, Chiny, Italskeje, Japanskeje, Nižozemskeje, Ruskeje, Serbiskeje, Južneje Koreje, Thailandskeje, Turkowskeje a USA. To su tak mjenowane coreteamy, kotrež tworja jadro. Nimo nich wobsteji polo wobdźělnikow hišće z challengerteamow, kotrež mjenowane wubranki wužaduja. To su Argentinska, Belgiska, Dominikanska republika a Pólska. Pola muži je zestawa trochu hinaša: Argen­tinska, Brazilska, China, Francoska, Iran, Italska, Japanska, Pólska, Ruska, Serbi­ska a USA su coreteamy, Awstralska, Bołharska, Kanada a Južna Koreja challengerteamy. Tučasnje je tak, zo hrajetej w Stuttgarće a Ludwigsburgu žónske a mu­­ske narod­ne wolejbulowe mustwo w nations league.

Z wuspěchom so pyšić?

Freitag, 15. Juni 2018 geschrieben von:
Nětko wona zaso knježi: kopańca! Prašenje, kak měli so fanojo a přihladowarjo před wobrazowkami nastupajo politisku debatu kołowokoło swětowych mišterstwow zadźeržeć, je runje tak wažne kaž njetrjebawše. Budźmy sprawni: Politikarjo su hižo přeco sportowe wulkopodawki ­jako swoje jewišćo (znje)wužiwali. Bjez dźiwa – wšako móže sylna identifikacija z načasnymi gladiatorami zhromadnosć šěrić abo njelubozne rozsudy kaž tež přeco zestajanych parlamentow kašěrować, druhdy samo runočasnje. Dołhož je nam wědome, zo njehodźitej so sport a politika (wjace) dźělić, smě sej kóždy woměrje hry wobhladać a so nad wukonom „swojeho“ mustwa wjeselić. Hač damy so wot prominentnych wosobinow wobwliwować, mamy přeco hišće sami w rukach. ­Jenož telko: Pan Putin, towarišć Trump abo eminenca Erdoğan, ale tež maći Merkel na hrajnišću njesteja. Bosćan Nawka

Anzeige