Kónčna tabulka krajneje klasy

1. LSV Nowe Město 26 85 : 25 61

2. SZ Drježdźany-Strěžin 26 62 : 27 56

3. Laubegast 26 71 : 38 51

4. FSV Oderwitz II 26 48 : 40 40

5. FC Neugersdorf II 26 49 : 38 39

6. VfB Běła Woda 1909 26 58 : 50 34

7. SG Weixdorf 26 51 : 53 33

8. Rotacija Drježdźany 26 53 : 58 30

9. SC Großröhrsdorf 26 39 : 46 30

10. SJ Chrósćicy 26 53 : 66 30

11. SC Borea Drježdźany 26 40 : 57 28

12. ST Ćisk 26 39 : 60 28

13. ST Horni kraj-Sprjewja 26 52 : 97 25

14. ST Trjebin 26 32 : 77 14


ST Drježdźany-Strěžin – SJ Chrósćicy 7:1 (3:1)

Zestawa: Králíček – Püschel, Cyž, Sentivan, L. Zahrodnik (68. Mark), M. Zahrodnik, G. Zahrodnik, Henzl, Henčl, Runt (68. Špitank), Młynk (60. Bogusz)

Tři změny w mustwach

Mittwoch, 03. Juli 2019 geschrieben von:

Hrajerjo Serbskeje koparskeje wubranki Dirk Šołta, Jonas Krawčik a Tom Henčl swoje koparske mustwa změnja. Rodźeny Njebjelčan Krawčik dźe wot Budissy Budyšin k Jednoće Kamjenc a budźe w sezonje 2019/2020 w krajnej lize pod trenarjom Frankom Ričelom za bulom honić. Konječan Dirk Šołta wopušći Sokoł Ralbicy/Hórki a dźe do Rakec k tamnišemu ST w krajnej klasy. Tom Henčl z Łusča, dotal kopar Sportoweje jednotki Chrósćicy, přizamknje so krajnemu ligistej Budissy Budyšin.

Dale w nowinarskej zdźělence FSV Budissy Budyšin steji, zo nowe 1. koparske mustwo rosće. Tak wostanje na přikład škitar Pavel Patka Budissy swěrny a w krajnej lize dale hraje. 1,85 metrow wulki nutřkowny škitar bě w lěće 2013 do Budyšina přišoł a je tam po słužbnych lětach najstarši kopar. Z Florianom Kärgerom nawróći so rodźeny Budyšan. 22lětny bě do toho pola Dynama Drježdźany hrał a w dorostowych cyłkach FC Nürnberga a Boreje Drježdźany. Jurij Bjeńš

Koparki SGB štwórte

Dienstag, 02. Juli 2019 geschrieben von:

Wulke wjeselo knježeše mjez kopar­ka­mi Serbskeho gymnazija Budyšin (SGB) starobneje klasy IV (5.–6. lětnik), jako zhonichu, zo su za sakske finale kwa­lifikowane, kotrež wotmě so srjedź junija­ w Lipsku.

Situacija do turněra bě samsna kaž w zašłej hrajnej dobje: W předkole běchu přizjewjene šule za krajne finale wotprajili. Tak su holcy SGB direktnje koło dale přišli. Za Lipsk běchu so dohromady štyri holče a šěsć hólčich mustwow z cyłeje Sakskeje kwalifikowali.

EVSE-cup w Rakecach přewjedli

Dienstag, 02. Juli 2019 geschrieben von:

Nětko hižo sedmy raz wotmě so minjenu sobotu w Rakecach koparski turněr młodźiny F a D. Wuhotowar turněra je energijowy zawod EVSE ze Salowa. Wón wubědźowanje stajnje něhdźe druhdźe přewjeduje.

Při najrjeńšim lětnim wjedrje wojowachu młodźi koparjo wo dypki, medalje a pokale. We woběmaj starobnymaj klasomaj wobdźělichu so cyłkownje štyri mu­stwa. Kóždy hraješe přećiwo kóždemu, a to w dwěmaj kołomaj. Bohužel pak su krótkodobnje tež cyłki wotprajili. Turněr pak bě wuběrnje organizowany, a dźěći běchu ze wšěm jara derje zastarane.

Pola młodźiny F so Njebjelčanski cyłk ze 16 dypkami jasnje přesadźi. Jako najlěpšeho hrajerja wuzwolichu Kiliana Cyža­ z dobyćerskeho mustwa. Tež dalši titul wudoby sej serbski kopar. Jan Šmit z Chróšćanskeho cyłka dósta za wuběrne refleksy pokal najlěpšeho wrotarja. A jeho bratr Ben dźeržeše runje tak pokal w rukomaj. Wón bě mjenujcy najmłódši hrajer turněra.

Zazběh bičwolejbuloweje tury

Dienstag, 02. Juli 2019 geschrieben von:
Tež lětsa organizuje młodźinske Radijo Satkula swoju tradicionalnu bičwolejbulowu turu. Prěnja stacija bě wčera Radwor. Cyłkownje 14 mustwow wojowaše tam wo dobyće, na kóncu přesadźi so mustwo Kolegojo z Wotrowa. Něhdźe 150 ludźi bě na zazběh­ tury na Radworske sportnišćo přijěło. Přichodnu póndźelu wubědźuja so w Njebjelčicach. Foto: Darius Budar

Wojuja zaso pod wysokim sakom w pěsku

Dienstag, 02. Juli 2019 geschrieben von:

Hdyž maja koparjo a mjetarjo, kotřiž­ hewak w hali hraja, lěćnu přestawku, so nětko wonka w pěsku kuri. Tež lětsa je zaso serbska bičwolejbulowa liga. Kilian­ Hrjehor je so jeje załožerja Jurja Bjeńša z Róžanta mjez druhim prašał, kelko hrow su dotal hižo přewjedli a kak steja šansy, zo so liga lětsa raz hač do kónca wotměje.

Witaj, Jurjo. Znowa je so ći poradźiło dosć dwójkow namakać a tak serbsku bičwo­lejbulowu ligu startować.

J. Bjeńš: Zajimcow namakać scyła tak ćežko njebě. Jedna powěsć do našeje whatsapp-skupiny minjenych lět, w kotrejž je najwjetši dźěl hrajerjow, a hižo bě nas zaso wosom cyłkow, kotrež chcedźa lětsa wo imaginarnu trofeju sobu hrać.

Mamy spočatk julija, přewjele dwubojow pak hišće njebě, abo? Znajmjeńša w Róžeńće nic.

J. Bjeńš: Dźesać hrow je hižo wotmětych. To je tola dobry start, a tak je wjac hač třećina duelow wuhrata. Tohodla sym dobreje mysle, zo lětsa prěni raz ligu dokónčimy.

Sam pak hišće ze swojim partnerom Stefanom Gedikom a dalšej hrajerku w teamje Rejzku Rawšec hrał njejsy. Čehodla nic?

Wuslědki (02.07.19)

Dienstag, 02. Juli 2019 geschrieben von:

Tabulka koparskeho dorosta Zapadołužiskeho koparskeho zwjazka WFV

młodźina B, wokrjesna liga, stafla 1

1. HZ Radwor/Wulka Dubr. 14 43 : 10 36

2. Póst Germania Budyšin 14 66 : 17 33

3. ST Horni kraj Sprjewja 14 44 : 7 31

4. HZ Bukecy/Kubšicy/

Wóspork/Hrodźišćo 14 38 : 42 18

5. HZ Huska/Hodźij/Palow 14 27 : 57 17

6. ST Hnašecy-Dobruša 14 21 : 37 13

7. HZ Załom/Wopaka/

Wjernarjecy 14 22 : 51 7

8. SZ Wjelećin 14 13 : 53 4

Duel mjez Sokołami lětsa bjez dobyćerja

Montag, 01. Juli 2019 geschrieben von:

Čěsko-serbsku sportowu wuměnu 54. raz přewjedli

Mjeztym 54. raz zetkachu so wot mi­njeneho pjatka do wčerawšeje njedźele w Ralbicach tamniši sportowcy a čěscy hosćo ze Spálenym Poříčí, městačka blisko Plzenja. Tež gmejna Ralbicy-Róžant a městačko Spálené Poříčí wudźeržujetej hižo 14 lět styki, a to z mjezsobnej wuměnu. Lětsa pak nastupi nowy starosta města Jindřich Jindřich (njestronjan) puć do Ralbic. Jindřich bu loni kónc lěta woleny a bě tuž nětko prěni króć ofi­cialnje jako nowy měšćanosta Spáleneho Poříčí hósć we Łužicy. Znowa podpěrał bě wuprawu čěskich přećelow „Čěsko-němski fonds do přichoda“.

Po pjatkownym přijězdźe a wutrobnym witanju podachu so čěscy hosćo sobo­tu do Wochoz, hdźež su sej zhromadnje park błudźenkow wobhladali. Popołdnju wobdźělichu so w Ralbicach na swjedźenskim zarjadowanju „10 lět dorostowa wohnjowa wobora Ralbicy-Róžant“, we wobłuku kotrehož so mjez druhim dorost wubědźowaše. Přizam­k­ny­ła je so zaso tradicionalna čěsko-serbska koparska hra.

Sokoł Ralbicy/Hórki –

TJ Sokol Spálené Poříčí 15:15

po třělenju jědnatkow (4:1, 5:5)

Terminy bičtury Radija Satkula jasne

Montag, 01. Juli 2019 geschrieben von:
Tež lětsa poda so Radijo Satkula, młoda žołma Serbskeho rozhłosa, zaso na bičturu. Dźensa hraja bičwolejbul w Radworju, přichodnu póndźelu wubědźuja so potom w Njebjelčicach. Dalše terminy: 15.07. Hórki, 22.07. Pančicy, 29.07. Kulow, 05.08. Worklecy, 12.08. Konjecy a 19.08. Budyšin; wulke finale budźe lětsa 27. awgusta w Miłoćicach.

Awtorka dźensa

Halena Jancyna

Anzeige

  • Jara awtentiske běchu poskićenja ansambla Zabava z Ruskeje.
  • Na zahajenju festiwala štwórtk w Budyskim NSLDź počesćichu přitomni Juraja Kubánku (3. wotprawa) z trójnej serbskej sławu.
  • Hosćo z Peruwa zbudźichu ze swojimi přewšo pisanymi kostimami tójšto zajima.
  • Pólski cyłk z Bolesławieca na štwórtkownym swjedźenskim ćahu k zahajenju festiwala "Łužica 2019" po Budyšinje
  • Algeričenjo na jewišću NSLDź
  • Rejwarjo z Boliwiskeje
  • XIII. mjezynarodny folklorny festiwal "Łužica 2019" je zahajeny. Tule namakaće impresije z prěnich wustupow wobdźělenych skupin. Tule předstajichu skupiny štwórtk dopołdnja w Němsko-Serbskim ludowym dźiwadle hižo raz dźěćom swoje poskićenja, na wobra
  • Rejwarki a rejwarjo Serbskeho folklorneho ansambla Wudowor su zdobom hosćićeljo festiwala.
  • Rejwarki a rejwarjo z pólskeho Bolesławieca
  • Zajim zbudźi tež skupina ze Sewjerneje Makedonskeje
  • Dalši hosćićeljo łužiskeho mjezynarodneho festiwala: Serbska rejwanska skupina Smjerdźaca z hudźbnikami folklorneje skupiny Sprjewjan
  • Překwapjenka běchu mnohim wuměłcy z Peruwa.
  • Prěni raz spožčichu lětsa zarjadowarjo mjezynarodneho folklorneho festiwala wosebite myto a diplom za wurjadny wuměłski wukon. Jón dósta słowakski ansambl Bobańovci za swoju přirodnosć, awtentiskosć a originalitu.
  • Rejwarjo algeriskeho cyłka Couleurs d‘ Algerie
  • Boliwiscy rejwarjo a rejwarki w kostimach na jewišću
  • Boliwičenjo "in action"
  • Sobotu wječor běchu po Chrósćicach mnozy nadróžni muzikanća po puću.
  • Pólski młodźinski orchester z Leśnicy zahaji sobotny wječor na farskim dworje.
  • Tójšto ludźi zhromadźi so na programy na jewišću při gmejnskim zarjedźe ...
  • ... a wobhlada sej poskićenja skupin.
  • Na Koklic statoku předstajichu so tež čłonojo skupiny Wotała. Wšitcy z nich su bywši rejwarjo Smjerdźečanskeje rejwanskeje skupiny.
  • Smjerdźečanscy rewjarjo na jewišću pola Koklic
  • Pohlad z jewišća na dwór Wjeselic statoka
  • Na Zahrodnikec-Grutekc statoku pokaza mjez druhim tež Slepjanski folklorny ansambl dźěle swojeho programa.
  • Tež Slepjanscy wuměłcy hižo zahe na dorost mysla.
  • Wšitcy sobuskutkowacy słowakskeho ansambla Bobańovci zamóža znajmjeńša jedyn instrument piskać, spěwać a rejwać.
  • Na Kralec statoku knježeše čiła atmosfera.
  • Schow před krótkim dešćom pytachu sej tež hosćo na Kilankec statoku pod wulkimi předešćnikami.
  • Pólscy hosćo z pokazku ze swojeho programa na Kilankec statoku
  • Wo tym, zo bě sej na lětuši festiwal sobotu a njedźelu do Chrósćic wjac hosći dojěło hač hewak, swědčachu kopate połne parkowanišća.
  • Kultura zwjazuje, kaž tule Smjerdźečanskej rejwarce a algeriskeho rejwarja.
  • Sčasami nimale přepjelnjeny bě Koklic statok.
  • Wudworscy při poslednich přihotach na sobotny wustup na farskim dworje.
  • Wudworscy na farskim dworje
  • Jewišćo při gmejnje bě stajnje derje wopytane.
  • Rjanolinki-rejwarki Smjerdźečanskeje rejwanskeje skupiny
  • Serbska reja je jewišću při gmejnje tójšto pasantow do rejki prosyła.
  • Lóze hólcy wječor na jewišću Zahrodnikec-Grutkec statoka
  • Kabaretna skupina Lózy hólcy pokazachu přitomnym we wobłuku programa "Chróšćan special" na Zahrodnikec-Grutkec statoku, zo njejsu w běhu lět ničo zabyli
  • Na Wjeselic statoku zahudźi skupina NIMO ...
  • ... band wokoło Brězanec bratrow Józefa a Jana.
  • Tež němska skupina Slapstickers pokaza, što zamóže.