Z dźesać mužemi bjez šansy byli

Dienstag, 08. März 2016 geschrieben von:

LSV Nowe Město nad Sprjewju II

– Sokoł Ralbicy/Hórki II 4:0 (4:0)

Zestawa hosći: Cyž – Bogusz, Materna, M. Matka, Šołta, Jakubaš, Kobalc, T. Matka, Čornak, Šmit

Koparjo Sokoła II nastupichu daloku jězbu do Noweho Města z jeničce dźesać mužemi. Porno hrě před tydźenjomaj běše mustwo na wosom pozicijach změnjene. Hubjene to předznamjenja. Prěnje štwórć hodźiny pak Sokoljo wěsće stejachu. Zo to cyłu hru njezamóža, běše jasne. W 17. min. startowachu domjacy nadběh, Tomaš Matka a Bogusz pak tróšku přepozdźe zakročištaj. Buder Cyža k 1:0 přewiny. Dwě mjeńšinje pozdźišo postaji sudnik wólny kop. Tež tón Fallant přez murju do hornjeho třiróžka přetwori. Cyž běše bjez šansy. Dalše njezbožo bě, zo Bogusz w 23. min. do swójskich wrotow trjechi, chcyjo nisku flanku wotwobarać. W 39. min. znowa klinkaše. Fallant połoži sej bul k wólnemu kopej a trjechi direktnje k 4:0. Wospjet nastupi k wólnemu kopej, ale trjechi na zbožo jeno žerdź. W poslednjej mjeńšinje zawinowa Kobalc jědnatku. Třělc pak sadźi kulowatu kožu pódla wrotow.

Hišće wyše dobyć móhli

Montag, 07. März 2016 geschrieben von:

Zeleno-běli Bukecy

– Sokoł Ralbicy/Hórki 1:5 (1:1)

Zestawa hosći: Gloxyn – Korjeńk, Schultz, Bjeńš, K. Matka, Šewc, Šołta, Wałda (88. M. Kurjat), T. Bejma (72. M. Matka), G. Kurjat, Domaška

Zeleno-běłym koparjam z Bukec jako štwórtym wot zady w tabulce hrozy zestup­ a tak trjebaja kóždy dypk. Sokoł steji porno tomu na dobrym štwórtym městnje w hornjej třećinje tabulki. Při­wšěm njebě w minjenych hrach přećiwo nim wuspěšny. Z Křesćanom Bejmakom a Stefanom Bjeńšom dyrbješe tónkróć dweju stajneju hrajerjow narunać.

Hórčenjo pola Sokoła wyskali

Montag, 07. März 2016 geschrieben von:

Sedmy raz přeprosychu sej stari knježa Sokoła Ralbicy/Hórki na halowy turněr staru koparsku gardu z Chrósćic, Njebjelčic, Hórkow a Pančic-Kukowa.

Chróšćenjo pak njeběchu připrajili, a Njebjelčenjo krótkodobnje wotprajichu. To bě wězo mjerzace a žněješe při wuhódnoćenju ze wšěch stron kritiske słowa. Tak nastupichu w Ralbicach minjeny pjatk wječor jeničce štyri mustwa. ST Marijina hwězda kaž tež Hórčenjo přeprošenje sćěhowachu, a Sokoł nastupi z dwěmaj cyłkomaj.

Susodny derby wuspěch za hosći

Montag, 07. März 2016 geschrieben von:

HZ Wulka Dubrawa/Minakał

– Traktor Malešecy 0:4 (0:2)

Zestawa hosći: Seiler – Bolz, Meier (69. Bayer), Steffek, Hasse (57. Ludwig), Brumme (46. Pietke), Stewig, Zichel, Benad, Finke, Koksch

Malešanscy koparjo běchu tydźenja nachwatansku hru z 1. połserije we Wjernarjecach 1:0 snadnje dobyli a steja tučasnje na 2. městnje tabulki. Tutu poziciju chcychu woni w derbyju susodow z dobyćom zakitować. Před wjace hač 100 přihladowarjemi docpě mustwo Traktora jasne 4:0. Wot zakopa trubješe wone k nadběham, ale domjacy swoju klětku z wulkej bojownosću zakitowachu. Tak docpě hakle w 39. min. Bolz z wólnym kopom nawjedowanje. Krótko do přestawki zwyši Florian Finke po rjanej kombinaciji na 0:2 (44.) za Malešecy.

W druhim połčasu běše nadběhowar Pietke dwójce wuspěšny. Najprjedy třěli wón bul do delnjeho kuta (55.) a w 77. min. zhłójčkowa jón wyše domjaceho wrotarja. Wuslědk móhł samo hišće wyši wupadać. Benad pak trjechi jeno žerdź a agilny Zichel­ jenož łatu. Hosćićel njeměješe w cyłych 90 minutach ani jeničku móžnosć. Kurt Lorenc

Wjace wrotow so nadźijeli, přiwšěm dobyli

Montag, 07. März 2016 geschrieben von:

SJ Chrósćicy

– TSV Wachau 2:1 (0:0)

Zestawa domjacych: Králíček – Pöpel, Cyž, Šafář (75. Bogusz), Bětnar, Kunze, Runt, Zahrodnik, Dehn (75. Młynk), Schulze, Domaška

Njedźelu běše koparski cyłk z Wachauwa hósć na Chróšćanskim sportnišću. Hačrunjež steji tón na zestupnym městnje, běše wčerawša partija wšo druhe hač jednora. Wosebje mustwa z pincy tabulki chcedźa jasnych faworitow mjerzać a jim hru tak ćežku kaž móžnu sčinić. Jich strategija: zady z dwójnej murju škitać a do ofensiwy přez dołhe bule a spěšne kon­tery so předrěć. Tak abo tróšku podob­nje wčera tež bě. Domjacy jasnje dominowachu, sej stajnje bul tam a sem třě­lachu, na swobodne haski łakachu, wjele flankowachu a pospytachu so z kopami ze zdalenosće. Přiwšěm so jim w prě­nim połčasu žane wrota njeporadźichu. Jónu drje klinkaše w saku hosći, pobóč­ny sudnik­ pak rozsudźi na dwělomnu nimohru­. Dwójce steješe žerdź na pu­ću, a tamne pospyty klětku misnychu. Na stronje hosći hodźi so jeničce dwělomna jědnatka naspomnić. Chróšćenjo běchu z rozsudom wšo druhe hač pře­zjedni a wrotar Petr Králíček třělwu wotwobara.

Widźał, słyšał, napisał (07.03.16)

Montag, 07. März 2016 geschrieben von:

Awtor dźensa

Tadej Cyž

Wuslědki (07.03.16)

Montag, 07. März 2016 geschrieben von:

Wokrjesna wyša koparska liga

Kumwałd – Wjelećin3:3 (3:1)

Póst Budyšin – Hory4:1 (1:1)

Großröhrsdorf – Kulow 3:2 (3:0)

Bukecy – Ralbicy/Hórki 1:5 (1:1)

Rakecy – Ramnow 4:3 (1:0)

Łuty – Połčnica0:1 (0:1)

Kinspork – Ćisk2:2 (1:1)

Chrósćicy – Wachau2:1 (0:0)

1. Chrósćicy 21 49  : 17 52

2. Hory 21 54  : 19 42

3. Großröhrsdorf 21 59  : 33 42

4. Ralbicy/Hórki 21 47  : 21 38

5. Rakecy 21 41  : 33 35

6. Kumwałd 20 55  : 38 34

7. Ramnow  21 46  : 46 32

8. Hnašecy 20 44  : 28 30

9. Póst Budyšin 21 47  : 44 30

10. Połčnica 21 34  : 36 28

11. Ćisk 21 44  : 46 27

12. Kinspork 21 41  : 40 22

13. Kulow 21 34  : 36 22

14. Bukecy 20 23  : 55 14

15. Wjelećin 20 29  : 66 13

16. Wachau 21 31  : 70 12

17. Łuty 20 17  : 67 10

Wokrjesna liga, stafla I

Wulka Du./Minakał – Malešecy 0:4 (0:2)

Załom – HZ Budestecy 0:2 (0:1)

Hodźij – Radwor3:0 (1:0)

Mały Wjelkow – Wjazońca 0:2 (0:1)

Kubšicy – Hnašecy II wupadnyła

ST Budyšin – Wjernarjecy 0:1 (0:1)

Porchow – Wóspork5:4 (2:3)

1. ST Budyšin 16 51  : 21 41

2. Malešecy 16 48  : 22 34

3. HZ Budestecy 17 52  : 33 33

Sport (04.03.16)

Freitag, 04. März 2016 geschrieben von:

SJ Chrósćicy wotměje „hłownu“

Sportowa jednotka Chrósćicy změje 11. měrca, swoju hłownu a wólbnu zhromadźiznu. Na nju su čłonojo wot 20 hodź. do wjacezaměroweje hale „Jednota“ přeprošeni. Na dnjowym porjedźe steja mjez druhim bilancy jednaćela Tadeja Cyža za lěće 2014 a 2015, rozprawa pokładnika Ronyja Škody, pruwowanske rozprawy za lěta 2013, 2014 a 2015 kaž tež wólby předsydstwa. Po tym budźe mały imbis spřihotowany. Pokiwy a prašenja do zhromadźizny su móžne pola Tadeja Cyža pod telefonowym čisłom 0160/ 711 20 46.

Akcija Budissy w centeru

„Nochcemy fanow přesłapić“

Donnerstag, 03. März 2016 geschrieben von:

Mustwje muži a žonow Serbskeje koparskeje wubranki hotujetej so na Europeadu 2016 w italskim Južnym Tirolu. Z Janiku Bětnarjec, koparku wubranki, je so Hanspeter Benad za Serbske Nowiny rozmołwjał.

Janika! Wot hdy koparska wubranka žonow poprawom eksistuje?

J. Bětnarjec: Loni w oktobrje smy so zešli a mustwo załožili.

Što bě přičina, wutworić prěnju serbsku žónsku koparsku wubranku?

J. Bětnarjec: Tež my žony chcemy zjawnosći pokazać, zo móžemy z bulom wobchadźeć.

Z kotrych sportowych towarstwow ko­parski su?

J. Bětnarjec: Wone su z Biskopičanskeho FV 08, z ST Hnašec/Dobruše a z někotrych towarstwow, hdźež su raz žónske mustwo měli, na přikład SJ Chrósćicy. Tele hrajerki su jónu za bulom honili, njejsu pak hižo aktiwne.

Kak so na koparske mišterstwa w juniju přihotujeće?

J. Bětnarjec: W januarje pobychmy w treningowym lěhwje w Čěskej. Tam smy w Bedřichovje na přikład sněha­kowali a w Liberecu trenowali. Nětko wšitcy pilnje doma zwučujemy, same, ale tež zhromadnje. Testowu hru, snano tež dwě abo tři, do europeady zawěsće tež hišće přewjedźemy.

Přewšo wažnu hru dobyli

Donnerstag, 03. März 2016 geschrieben von:
We wokrjesnej wyšej koparskej lize su Módro-běli z Kulowa w domjacym stadionje tak mjenowanu šěsćdypkowu hru přećiwo zestupej do wokrjesneje ligi dobyli. Woni přewinychu ST Kinspork/Łužnica z 2:1. W prěnim połčasu wšak nawje­dowachu najprjedy­ hosćo přez wrota Davida Grimma. Před 75 přihladowarjemi pak zwjertnyštaj hru po přestawce Maik Nicolaides a Norbert Kubaink. W tabulce maja Módro-běli nětko dźesać dypkow předskoka na zestupne městna. Foto: Werner Müller

Anzeige