Po poražkomaj doma volleyballistki z Pančic skónčnje wuspěch ...
Tabulka wuchodosakskeje volleyballoweje ligi žonow
1. OSC Lubij 12 33 : 15 29
2. MSV Budyšin 04 12 31 : 18 26
3. TSV Kundraćicy 12 28 : 21 21
4. Módro-běłe Wojerecy 12 25 : 21 19
5. Marijine hwězdźički 12 24 : 25 18
6. Ochran. volleyfantki 12 20 : 23 17
7. JTVG Koblicy 12 23 : 24 16
8. ST Kupoj/Nowa Łuka 12 14 : 32 9
9. VV Žitawa II 12 15 : 34 7
Marijine hwězdźički – Kupoj/Nowa Łuka 2:3 (14:25, 25:20, 25:22, 20:25, 14:16)
ST Kupoj/Nowa Łuka a OSC Lubij rěkaštej přećiwnikaj w zašłej domjacej hrě Marijinych hwězdźičkow. Prěnja sadźba přećiwo Kupoji/Nowej Łuce započa so za Pančičanki z jasnej poražku. W dalšimaj sadźbomaj steještej zbožo a wuspěch na boku domjaceje šestki. Přez wěste nadběhi a indiwiduelnu klewernosć zawěsćichu sej Marijine hwězdźički dobyći. Naslědnu sadźbu wotedachu na hosća. Poslednja hra bě za wobě mustwje wurunana. Duel bě charakterizowany přez horcy bój při saku. Naposledk podležachu volleyballistki ST Marijineje hwězdy w tiebreaku ST Kupoji/Nowej Łuce.
Marijine hwězdźički – OSC Lubij 1:3
(13:25, 25:19, 16:25, 17:25)
Olympiske hry po horcej a zajimawej kónčnej fazy zakónčene
Kónčny staw po 102 rozsudomaj:
1. Norwegska 14 14 11
2. Němska 14 10 7
3. Kanada 11 8 10
4. USA 9 8 6
5. Nižozemska 8 6 6
6. Šwedska 7 6 1
Poražka njetrjebawša była
ST Kinspork/Łužnica – Sokoł Ralbicy/Hórki 3:2 (2:1)
Zestawa hosći: Ch. Gloxyn – Rawš, Bjeńš, Šewc, Lulak, Šołta, D. Gloxyn, Strelow, Janca (62. Zynda), Matka, Domaška
Koparjo Sokoła Ralbicy/Hórki chcychu po poražce minjeny raz přećiwo načolnikej z Großröhrsdorfa nětko z Kinsporka znajmjeńša z dypkom so nawróćić. To pak so jim nažel njeporadźi. Přičinow mějachu tójšto. Do hry běchu so chorosće dla hnydom wjacori koparjo wotzjewili – tež trenar Jiří Krohmer bě chory, a tak přewza Chrystof Gloxyn we wrotach stejo rólu trenarja. Dale wupomhachu delanskemu mustwu Dirk Šołta, Heiko Zynda a André Strelow.
Blidotenisowe wuslědki
We wobwodnej blidotenisowej klasy měješe TTV Kulow přećiwo ST Łazej II domjacu lěpšinu. Z jasnym dobyćom 11:4 je ju tež połnje wužił. Najlěpšej Kulowčanaj běštaj bratraj Křesćan a Michał Měškank z optimalnymi 2,5 dypkami. Tež Matijas Bart, Jens-Peter Meier a Norbert Měškank, wšitcy z dwěmaj dypkomaj, pokazachu dobry wukon. Jeničce Pětr Měškank wosta bjez dypka.
W prěnjej wokrjesnej lize dyrbješe blidotenisowa šestka DJK Konjecy k načolnej hrě pola TuS Gersdorfa II nastupić a podleža tam 5:9. Poražka bě bolostna, ale z Michałom Elstnerom a Andrejom Čórlichom hnydom dwaj wažnaj hrajerjej wupadnyštaj. Maćij Kokla njebě tohorunja fit, dokelž ma problemy z kolenom. Dierk Šewc (1,5) a Alojs Čóška (1,5) běštaj najlěpšej swojeho mustwa. Dietmar Hrjehor doby za Konjecy jedyn dypk, Pětr Bejma a Maćij Kokla dyrbještaj so z poł dypkom spokojić.
Na jědnatym hrajnym dnju je so Worklečanska prěnja blidotenisowa ...
Widźał,słyšał, napisał (26.02.18)
„Citius, altius, fortius-spěšnišo, wyše, sylnišo“ – je moto olympiskich hrow našeho časa. Oficialnje citowane bu wone na olympiskich hrach 1924 w Parisu. Wo slědźe tutych třoch słowow su rozdźělne informacije. Přiwšěm móžemy snano z toho wuchadźeć, zo njech stajnje najlěpši dobudźe! Zajimawa pak je tež stawiznička wo dalšim citaće olympiskich hrow, w kotrymž rěka: „Pódla być je wšitko!“ Tu so poprawne olympiske moto runjewon znapřećiwja. Njeńdźe wo wobdźělenje na hrach k powšitkownej zabawje, ale wo bój wo najlěpše wuslědki, dać swoje najlěpše! Nětko pak dosć wšeje teorije a stawiznow olympiskich hesłow.
Zymske olympiske hry w Južnej Koreji su zakónčene. Dožiwili smy wulkotny sportowy podawk z někotrejžkuli překwapjenku, ze zwrěšćenjom jasnych faworitow a z překwapjacymi, njewočakowanymi dobyćerjemi. Na kóncu bě Norwegska najwuspěšniši kraj ze 14 złotymi, 14 slěbornymi a jědnaće bronzowymi medaljemi.
Wuslědki (26.02.18)
Kopańca, regionalna liga muži
Energija Choćebuz – Halberstadt 3:1 (2:0)
Neugersdorf – Berlinski AK 1:2 (1:1)
Chemija Lipsk – Auerbach 2:2 (0:1)
FC Viktoria – Lok Lipsk 0:0 (0:0)
wokrjesna wyša liga
ST Budyšin – Módro-běli Kulow 0:3 (0:0)
Kumwałd – Drohotka Ramnow 2:3 (0:1)
Großröhrsdorf – Hnašecy-Dobr. 3:0 (3:0)
Wojerowski FC – LSV Hory 2:1 (2:0)
Rakecy – SG Großnaundorf 3:2 (0:2)
ST Radwor – Zeleno-běli Bukecy 4:1 (2:1)
Póst Germ. Budyšin – Wjelećin 6:2 (0:2)
Po triumfje němskich kombiněrarjow wulka plajta biatletkow
Staw medaljow po 88 ze 102 rozsudow
złoto slěbro bronza
1. Norwegska 13 12 10
2. Němska 13 7 5
3. Kanada 10 8 9
4. USA 8 7 6
5. Nižozemska 7 6 4
6. Šwedska 5 5 0
7. Francoska 5 4 6
Němscy nordiscy kombiněrarjo su w Južnej Koreji dale njeporaženi. Po dobyćach Erica Frenzela a Johannesa Rydzeka swjećachu naši atleća wčera wulki triumf w mustwowym wubědźowanju. To je prěnje teamowe złoto po olympiskich hrach 1988. Złota medalja kombiněrarjow – štwórku wudospołništaj Fabian Rießle a Vinzenz Geiger – bě třinata němskeho mustwa w Južnej Koreji. Hišće ženje do toho njebě wubranka Němskeho olympiskeho sportoweho zwjazka telko dobyćow swjećiła.
Sport (23.02.18)
Kónctydźenska kopańca
24.02. 13:00 Jednota Kamjenc
– Biskopičanske KT
24.02. 13:30 FC Energija Choćebuz
– VfB Germ. Halberstadt
24.02. 13:30 Budissa Budyšin
– Meuselwitz
24.02. 14:00 ST Budyšin
– Módro-běli Kulow
25.02. 12:00 SJ Chrósćicy II
– ST Marijina hwězda
25.02. 13:30 Rakečanske ST
– SG Großnaundorf
25.02. 14:00 ST Radwor
– Zeleno-běli Bukecy
25.02. 14:00 ST Kinspork/Łužnica
– Sokoł Ralbicy/Hórki
25.02. 14:00 SJ Njebjelčicy
– HZ Wulke Ždźary
Pytaja pomocnikow
Sportowe towarstwo Módro-běli Kulow pyta we wšitkich wobłukach čestnohamtskich pomocnikow. Zajimcy njech so pod přizjewja.
Stari knježa na parkeće
Stara garda Sokoła Ralbicy/Hórki zarjaduje dźens w Ralbicach halowy turněr za koparske mustwa starych knjezow. Přeprošene su cyłki z Hórkow, Chrósćic, Pančic a Njebjelčic. Akterojo zetkaja so we 18 hodź., mocyměrjenje započnje so poł hodźiny pozdźišo.
Plan za dumperowe běhi steji
Finalny běh wo němske dumperowe mišterstwa 2018 budźe znowa w Hórkach. Tu dalše terminy:
29.04. Adelsdorf
03.06. Bad Freienwalde
07.08. Mildenberg
08.09. Drjowk
30.09. Hórki
Wolejbulisća witaja nalěćo
Dalši triumf w bobowym sporće a sensacija w lodohokeju
Staw medaljow po 81 ze 102 rozsudow:
złoto slěbro bronza
1. Norwegska 13 11 9
2. Němska 12 7 5
3. Kanada 9 6 7
4. USA 8 7 6
5. Nižozemska 6 6 4
6. Francoska 5 4 5
7. Šwedska 5 4 0
8. Awstriska 5 2 5
9. Južna Koreja 4 3 2
Před štyrjomi lětami bě němski bobowy sport historisku plajtu dožiwił: Na Olympiskich zymskich hrach w Sočiju wosta Němska bjez medalje. To bě zdobom zakład mnohich diskusijow wokoło materiala a wulkeje bjezradnosće.
W Pyeongchangu pak naši atleća swoju rólu jako faworića spjelnjeja. Póndźelu dobyštaj Francesco Friedrich a Thorsten Margis z bobowym dwusydłakom, wčera přesadźištej so Mariama Jamanka a Lisa Marie Buckwitz přećiwo bobowymaj dwójkomaj z USA a Kanady.
