Dorost w Habrachćicach hrał

Dienstag, 13. Juli 2021 geschrieben von:
Koparskej mustwje młodźiny D Sportoweho towarstwa Marijina hwězda a Sportoweje jednotki Chrósćicy stej so sobotu w Habrachćicach-Nowych Jěžercach (Ebersbach-Neugersdorf) wuspěšnje na koparskim turněrje wobdźěliłoj. Koparjo z Pančic-Kukowa su wubědźowanje samo dobyli, Chróšćenjo wobsadźichu druhe městno. Jako najlěpšeho wrotarja wuznamjenichu Jana Hermanna z Pančic-Kukowa (srjedźa, Pančicy-Kukow), najlěpši třělc bě Samuel Paška (nalěwo, Pančicy-Kukow) a najlěpši kopar Hórčan Milan Jurk (naprawo, Chrósćicy). Foto: Borbora Frenclowa

Nowe zestawy koparskich staflow NOFV

Dienstag, 13. Juli 2021 geschrieben von:

Prezidij Sewjerowuchodneho koparskeho zwjazka (NOFV) je po swojim zjězdźe 25. junija 2021 slědowacym zjednoćenstwam přizwolenje wudźělił a rjadowanje staflow za hrajne klasy NOFV za sezonu 2021/2022 wobzamknył.

Regionalna liga-sewjerowuchod

1. FC Lokomotiwa Lipsk

Berlinski AK 07

BFC Dynamo

BSG Chemija Lipsk

Kamjeničanski FC

FC Carl Zeiss Jena

FC Eilenburg

FC Energija Choćebuz

FSV 63 Luckenwalde

FSV Optik Rathenow

FSV Union Fürstenwalde

Hertha BSC

SV Babelsberg 03

SV Lichtenberg 47

SV Tasmania Berlin

Tennis Borussia Berlin

VfB Auerbach 1906

VfB Germania Halberstadt

VSG Altglienicke

ZFC Meuselwitz

(Dalše zestawy staflow hišće wozjewimy.)

Kilian Hrjehor

Italska druhi raz europski mišter

Montag, 12. Juli 2021 geschrieben von:

Napjate koparske finale z dwojimi wrotami, podlěšenjom a wosebitym třělenjom jědnatkow

London (kh/SN). W nocy wot njedźele na póndźelu přesadźi so Squadra Azzurra přećiwo wu­brance Jendźelskeje ze 4:3 po třělenju jědnatkow na europ­skich mišterstwach (EM) a je sej tak europsku koparsku krónu na hłowu stajiła.

Napjatosć kaž při wulkich mišterstwach

Montag, 12. Juli 2021 geschrieben von:

Wulkotna nalada knježeše sobotu na area­lu Budyskeho sportoweho towars­twa Post Germania. Tam wuhotowachu sobustawy towarstwa znowa kopańcowy turněr pěstowarnjow.

Při najrjeńšim wjedrje pokaza wjace hač 30 dźěći w sydom mustwach swój talent. Nimo mustwa hosćićelow hrajachu młodej koparce a młodźi koparjo z Budy­skeju pěstowarnjow „Katolski dom dźěći“ a „Sebastian Kneipp“, z Bukečanskeje a Kubšiskeje pěstowarnje. Na kromje polow­ pohonješe dobre sto sotrow, bratrow, staršich, wowkow, dźědow a přećelow hłósnje palcowacu a třělacu dźěćinu. Naposled bě jenož dobyćerjow, ze słódnym lodom swjećachu wšitcy krasne doži­wjenje. Zjawny dźak słuša hłownymaj organizatoromaj Dieterej Branskyjej a Lutzej Voigtej, kotrajž hižo dołhe lěta na polu dorosta skutkujetaj a holcy a hólcow za kopańcu zahorjataj, a wězo wšěm čestnohamtskim pomocnikam.

Serbske mustwo so bohužel njewobdźěli, ale serbski hólčec z druheho mustwa Katolskeho domu dźěći bě z pjeć wrotami mjez najwuspěšnymi třělcami.

Awtor dźensa Pětr Šołta

Tampa Bay Lightning, Stanley-Cup Champion 2021! Nětko, nimale srjedź julija, je rozsud potajkim padnył. Najpo­žadaniša trofeja lodo­hokeja dźe wospjet do słónčneje Floridy. W rozsudnej finalnej bitwje napřećo Kanadźanam z Montreala přesadźi so amtěrowacy champion po pjeć hrach. Ja wšak hokejistam z Tampy titul wjace hač popřeju. Sprěnja maja wulkotne mustwo, kotrež hraje krasny, ale zdobom tež jara efektiwny lodohokej. Zdruha smětaj so z dobyćom dalšej čěskej hrajerjej z gra­wuru w pokalu Lorda Stanleyja zwěčnić: Jan Rutta a Ondřej Palát. Wosebje Palát je ze swo­jim njesprócniwym twjerdym „dźěłom“ před wrotami přećiwnika tójšto k wuspěchej mustwa přinošował. A střeća smědźachu so hrajerjo Tampy lětsa po dobyću mišterstwa w nimale połnej domjacej arenje tak prawje wot swojich fanow swjećić dać. Porno tomu běše lońše dobyće před prózdnymi kulisami (korona!!!) kaž dźěćaca narodninska party bjez limonady a słódkosćow. Za přiwisnikow kanadiskich mustwow woznamjenja přěhrate finale Montreala dalše čakanje na požadany 20 kg ćežki pokal.

Sport (09.07.21)

Freitag, 09. Juli 2021 geschrieben von:

Póndźelu startuje bičtura

Bičwolejbulowa tura Radija Satkula lětsa zaso budźe, a to wot 12. julija do 30. awgusta. Stajnje póndźelu přewjedźe so wot 18 do 22 hodź. dohromady sydom turněrow pod hołym njebjom. Wulke fina­le budźe kónc awgusta pod třěchu w Bobkec jěchanskej hali w Miłoćicach.

Terminy: 12.07. Wotrow, 19.07. Kulow, 26.07. Worklecy, 02.08. Radwor, 09.08. Róžant, 16.08. Konjecy, 23.08. Budyšin, 30.08. Miłoćicy

Testowe koparske hry

09.07. 18:30 Sokoł Ralbicy/Hórki –

Hermsdorf (stara garda)

09.07. 18:30 HZ Wóslink/Skaskow/Kulow II – Sokoł Ralbicy/Hórki (w Kulowje)

10.07. 12:00 ST Marijina hwězda – Drježdź. SC (młodźina E)

10.07. 13:30 VfB Běła Woda 1909 – FSV Budissa Budyšin

10.07. 15:00 SJ Chrósćicy –

  ST Hnašecy-Dobruša

10.07. 16:00 Motor Kumwałd –

  Traktor Malešecy

11.07. 11:00 Sokoł Ralbicy/Hórki –

  ST Ćisk

11.07. 15:00 ST 1922 Radwor –

  LSV Hory

16.07. 18:30 Rakečanske ST –

  FSV Budissa Budyšin

17.07. 14:00 Zeleno-běli Lubnjow –

  FSV Budissa Budyšin

17.07. 17:00 Sokoł Ralbicy/Hórki –

  Zeleno-běli Bukecy

24.07. 13:00 FSV Budissa Budyšin –

  Brjazki-Zły Komorow

Triatlonowe wubědźowanje

Jendźelska Dansku z darom sudnika přewinyła

Donnerstag, 08. Juli 2021 geschrieben von:

London (kh/SN). Dobyće 2:1 po po­dlěšenju połfinala Jendźelskeje přećiwo Danskej wčera wječor w Londonje je hladajo na hrajne podźěle w porjadku. Hrajnu scenu do druhich wrotow Jendźelčanow pak by sej sudnik Danny Makkeile hišće raz dokład­nje wobhladać dyrbjał. Jendźelska nastupi tuž nětko njedźe­lu, 11. julija, w 21 hodź. přećiwo Italskej wo titul europskeho mištra.

Třo wotešli, jedyn podlěšił

Donnerstag, 08. Juli 2021 geschrieben von:

Z Bradom a Nickom Rossom kaž tež Ericom­ Steffenom su třo dalši Łužiske lodo­hokejowe liški Běła Woda wopušćili. Nick Ross je w sezonje 2020/2021 wot madźarskeho kluba DVTK Jegesmedvék do Běłeje Wody přišoł. Wón absolwowaše cyłkownje 44 hrow za Liški a nazběra w tym času 37 scorer-dypkow. Steffen je Běłowodźanow wopušćił. 20lětny wrotar bě w lěće 2019 ze spěchowanskej licencu wot Lodowych mjedwjedźow z Berlina přišoł. Byrnjež minjenu sezonu z Běłej Wodu krute zrěčenje měł, pak je wón cył­kow­nje jenož jědnaće razow na hrajnišću stał. Zamołwići Liškow dojednachu so z woběmaj hrajerjomaj, jeju angažement we Łužicy njepodlěšić. Woni dźakuja so Nickej a Erikej za jeju zasadźenje w tri­koće módro-žołtych a přeja jimaj wšo dobre­ za sportowy a priwatny přichod.

Wubranka młodźiny D trenowała

Donnerstag, 08. Juli 2021 geschrieben von:
W Ralbičanskim Stadionje přećelstwa bě kónc junija po dołhim času zaso raz ­trening Serbskeje koparskeje wubranki młodźiny D. Pod nawodom trenarskeje dwójki Tadej Cyž (Jednota Kamjenc)/Křesćan Bejmak (Sokoł Ralbicy/Hórki) zwu­čowachu holcy a hólcy ćežišći technika kaž tež ofensiwne a defensiwne dwu­boje. Wot Biskopičanskeho KT 08 wobdźělištej so Ralbičanskej koparce Stella Pilcec a Lawinija Frenclec. Hólcy běchu ze sportowych towarstwow Chrósćicy, Pančicy­Kukow, Kamjenc a Ralbicy. Přichodny raz přidruža so jim tež koparjo z Radworja a Njebjelčic. W mjenje wšitkich serbskich koparkow a koparjow dźakujetaj so ­Tadej Cyž a Křesćan Bejmak Ralbičanskim Sokołkam a Sokołam za přewostajene sport­nišćo. Foto: Konstantin Hrjehor

Jasnemu faworitej paroli skićili

Mittwoch, 07. Juli 2021 geschrieben von:

ST Marijina hwězda

– Biskopičanske KT 08 1:6 (0:2)

Za domjacych zasadźeni: O. Schmidt, Matik – R. Cyž, R. Hawš, Zelnak, Ch. Cyž, Pjetaš, P. Schmidt, O. Hawš, Langer, Eldor, Pakoßnick, Peschmann, Lugge, Lipič, Jurš, Čornak, Celik

Anzeige