Widźał,słyšał, napisał (14.03.22)

Montag, 14. März 2022
Artikel bewerten
(0 Stimmen)
Awtor dźensa Křesćan Korjeńk

,,Karusel, karusel chětře daj nam wjerćeć so ...“ ­Takle spěwa Eva-Maria Pieckert wo wjerćatym so karuselu, kotryž drje wjetšina z nas z kermušneho hermanka znaje. Hladaš-li do wočow a mjezwočow dźěći, kotrež tam w awtkach, na koleskach, konikach abo hinašich nastrojach sedźa, wuhladaš wjeselo a radosć. Snano so nětko prašeće, što da ma karusel ze sportom činić? Tajku móžnosć sportowanja dźě njeznajemy. Znajerjo materije pak zdawna wědźa, dokal chcu was wodźić, mjenujcy na tak mjenowany trenarski karusel. Haj, tón so wobstajnje wjerći, a hdyž kruće a wěsće na nim njesedźiš, je městno fuk. Před wjele lětami mějachu na hermankach wjerćatu so tarč – ludźo so na nju zesydachu abo zestupachu a tarč so dale a spěšnišo wjerćeše. Z fyziki znajemy: Čim bliže sy srjedźišću tarče, ćim mjeńše je riziko, zo budźeš won ćisnjeny. Trenarjo někotrych sportowych klubow sedźa permantnje na wonkownej kromje tajkeho wjerćateho so nastroja. Su to trenarjo koparskich klubow z wosebje wysokimi narokami a wočakowanjemi. A k tym přiličam Dynamo Drježdźany.

Veröffentlicht in Sport
Bitte anmelden, um einen Kommentar zu posten

Serbska debata

Neuheiten LND