Wyši ligist Biskopičanske KT 08 je do noweje hrajneje doby 2023/2024 ...
Zazběhowa poražka kaž loni
Viktoria Berlin – FC Energija Choćebuz 2:1 (1:0)
Energija Choćebuz: Bethke (15. Sebald) – Slamar (46. Oesterhelweg), Hildebrandt, Campulka, Hasse, Putze (63. Ndualu), Hofmann, Borgmann, Euschen (46. Heike), Thiele, Halbauer (46. Prokopenko)
sudnik: Neter (Njeswačidło)
slěd wrotow: 1:0 Yildirim (45.+3), 2:0 Mensah (62.), 2:1 Hildebrandt (78./jědnatka)
To jeničke, štož po prěnjej hrě w nowej hrajnej dobje zwostanje, je nadźija. Tež k startej sezony 2022/2023 bě FC Energija k zazběhej podležała, zo by měsacy pozdźišo jako staflowy dobyćer přez cil šła. Wězo wostanje tajki „happyend-scenarij“ po špatnym wustupje w Berlinje-Lichterfeldźe wokomiknje jara njewěsty.
Z tójšto chwalbami z wosom testowych hrajnych dobyćow z wrotowym poměrom wot 97:3 je FCE do winowatostnych hrow startował a so jako staflowy faworit blamował. Njesmě tež jako zamołwjenje płaćić, zo je mustwo přez sportowe njezbožo swojeho wrotarja Eliasa Bethke zaměrne hraće přisadźiło. Po šěsć mjeńšinach zrazy Bethke z nadběhowarjom Viktorije Uzoma hromadźe.
Widźał, słyšał, napisał (31.07.23)
Chceš-li sej zaso raz wuwědomić, kelko w našim swěće takle wšo křiwje běži, wudani so tele dny wosebje do swěta kopańcy pohladać. Tak zhoniš, zo w Saudi-Arabskej runje w dimensijach z pjenjezami wokoło so mjetaja, kotrež móžeš lědma wopřimnyć. Europskich topkoparjow dosćehnje tak jedyn njemoraliski poskitk po druhim. Cil: Telko koparskeje prominency kaž móžno do pusćiny wabić.
Wuslědki (31.07.23)
Kopańca
regionalna liga muži
Hertha BSC II – BSG Chemija Lipsk3:0 (2:0)
Lok Lipsk – VSG Altglienicke 2:1 (0:1)
Erfurt – F.C. Hansa Rostock II 2:0 (0:0)
BFC Dynamo – FSV Zwickau 3:0 (1:0)
Greifswaldski KK – FC Eilenburg 3:1 (3:0)
Kamjeničanski FC – Jena 0:0 (0:0)
Vikt. Berlin – FCE Choćebuz 2:1 (1:0)
Luckenwalde – Berlinski AK 6:0 (3:0)
SV Babelsberg – ZFC Meuselwitz 2:1 (1:0)
1. FSV 63 Luckenwalde 1 6:0 3
2. BFC Dynamo 1 3:0 3
2. Hertha BSC II 1 3:0 3
4. Greifswaldski KK 1 3:1 3
5. FC Čerwjeno-běli Erfurt 1 2:0 3
6. Lok Lipsk 1 2:1 3
6. SV Babelsberg 1 2:1 3
6. Viktoria Berlin 1 2:1 3
9. Kamjeničanski FC 1 0:0 1
9. FC Carl Zeiss Jena 1 0:0 1
11. FC Energija Choćebuz 1 1:2 0
11. VSG Altglienicke 1 1:2 0
11. ZFC Meuselwitz 1 1:2 0
14. FC Eilenburg 1 1:3 0
15. F.C. Hansa Rostock II 1 0:2 0
16. BSG Chemija Lipsk 1 0:3 0
16. FSV Zwickau 1 0:3 0
18. Berlinski AK 1 0:6 0
wyša liga, mužojo
Biskopičanske KT 08 – SC Freital 1:0 (0:0)
Arnstadt – Budissa Budyšin 2:2 (1:1)
Motor Marienberg – VFC Plauen 1:0 (1:0)
Magdeburg II – Ludwigsfelde 3:1 (1:0)
Jednota Rudolstadt – Kśišow 0:1 (0:0)
Sandersdorf – Halberstadt 1:2 (0:0)
VfB Auerbach – FC Grimma 1:2 (0:2)
Halle – FC Jednota Wernigerode 1:3 (0:1)
1. 1. FC Magdeburg II 1 3:1 3
1. FC Jednota Wernigerode 1 3:1 3
3. FC Grimma 1 2:1 3
3. Germania Halberstadt 1 2:1 3
5. Biskopičanske KT 08 1 1:0 3
5. Motor Marienberg 1 1:0 3
5. VfB 1921 Kśišow 1 1:0 3
8. Budissa Budyšin 1 2:2 1
8. ST 09 Arnstadt 1 2:2 1
10. SG Union Sandersdorf 1 1:2 0
10. VfB Auerbach 1 1:2 0
12. FC Jednota Rudolstadt 1 0:1 0
Sport (28.07.23)
Pytaja stadionoweho rěčnika
Zamołwići Wojerowskeho FC pytaja stadionoweho rěčnika, kotryž tamnišemu prěnjemu a druhemu koparskemu mustwu na domjacych hrach k hišće wjetšej zahoritosći dopomha. Wón abo wona měła wurazliwy hłós, zamóžnosće moderacije, rozpalitosć za kopańcu a lubosć k HFC měć. Požadanje inkluziwnje krótkeho wideja přez e-mejlku na .
Sport w Serbskich Pazlicach
We wobłuku wjesneho swjedźenja w Serbskich Pazlicach wubědźujetej so dźensa wječor wot 19:30 hodź. hornja wjes a delnja wjes přećiwo sebi. Jutře, sobotu, změja na nowym sportnišću wot 13 hodź. koparski turněr.
Kónctydźenski konjacy sport
Španiska a Japanska dočasnje we wosmifinalu
Japanska je tež swoju druhu hru na swětowym mišterstwje kopańcy žonow w Awstralskej a Nowoseelandskej bjez wulkeje prócy dobyła. Přećiwo wubrance Kosta Riki bě wona z 2:0 wuspěšna. Do turněra běštej wobě mustwje jara rozdźělnje startowałoj. Mjeztym zo wosta Kosta Rika při 0:3 přećiwo Španiskej přez 90 mjeńšin dospołnje bjez šansy, pokazachu Japanjanki při 5:0 přećiwo Sambiji přeswědčacy wukon. Najebać suwereneho dobyća měješe trenar Futoshi Ikeda štyri změny mjez prěnimi jědnaće hrajerkami. Pola Kosta Riki běštej drje to jenož dwě personelnej, za to pak rozsudna taktiska změna. Poprawom wot niwowa słabše mustwo agěrowaše na hrajnišću bytostnje wyše a spytaše přećiwnika w srjedźnym polu wjazać. Hišće raz nochcychu, zo nastanje poměr na šansach wot 1 k 46, kaž přećiwo Španiskej. 1:0 wobstara potom Hikaru Naomoto, kotraž swjećeše z 29 lětami swój WM debit. Z połlěweje pozicije zapali wona bul mócnje do dołheho róžka (25.). Jenož dwě mjeńšinje pozdźišo slědowaše 2:0.
Wuspěšna sezona za WFV
Radworski sportowy reporter Werner Müller je na kóncu hrajneje doby 2022/2023 z 1. wiceprezidentom a předsydu hrajneho wuběrka Zapadołužiskeho koparskeho zwjazka (WFV) Ingolfom Hornom porěčał.
Sće ze zašłej hrajnej dobu spokojom?
I. Horn: Wot organizacije a tež wot wjedra sem běžeše sezona 2022/2023 wulkotna. Wšitke hry su so dypkownje přewjedli. Jednotliwe wupady, kotrež pak buchu nachwatane, su normalne. Tež hdyž njeje so na někotrych městnach hrać hodźało, organizowachu towarstwa kaž na přikład ST Radwor, ST Kubšicy swoje winowatostne hry na hrajnišćach z kumštnymi trawnikami w regionje. Tak móžachmy sezonu dypkownje ze wšěmi hrami zakónčić.
Nowa hrajna doba 2023/2024 je hižo spřihotowana. Buchu mustwa wotzjewjene abo snano tež nowe přizjewjene?
I. Horn: Wotzjewiło je so mustwo SC Mały Wosyk. BSG Załom-Wopaka je dwě lěće w koparskim zwjazku Hornja Łužica hrała, nětko je so zaso pola Zapadołužiskeho koparskeho zwjazka přizjewiła. Nowe cyłki su FSV Łuty II, FV Ottendorf-Okrilla II, kaž tež znowa załoženy cyłk ST Zemicy- Tumicy.
Dawaja wosebitosće při rozdźělenju staflow?
Napjaty dumperowy sport
Wubranka Filipinjankow sensaciju docpěła
Kolumbiska je swoju prěnju skupinsku hru na swětowym mišterstwje kopańcy žonow dobyła. Přichodny přećiwnik Němskeje přewiny Južnu Koreju wčera w Sydneju z 2:0. Južnoameričanki pokazachu při tym wosebje w druhim přechodźe, zo maja potencial, so stać z překwapjenku turněra. Finalist Copa América 2022 skedźbni wosebje na so přez spěšnu a technisce naročnu kopańcu. Přiwšěm steješe k přestawce po jědnatce Cataliny Usme (30.) a wrotach Lindy Caicedo (39.) hižo 2:0.
W druhej połojcy wosta při zasłuženym kolumbiskim dobyću. Jedna Južnokorejska koparka pak měješe potom tola hišće přičinu k wjeselu: Casey Phair. W USA rodźena 16lětna bu w 78. min. zaměnjena a je nětko najmłódša hrajerka, kotraž je hdy při jednej WM nastupiła.
Němska wubranka wuspěšnje do WM startowała
Němske narodne mustwo žonow je z wulkotnym wukonom do swětoweho koparskeho mišterstwa startowało a njewostaji wubrance kraja Marokko při 6:0 triumfje žanu šansu. Kapitanka Alexandra Popp při tym ze swojimi dwojimi wrotami puć runaše.
Z dobrej hrajnej kontrolu kombinowaše so wubranka DFB wot spočatka sem wušiknje přez wuske rjećazy Marokkočankow, prěnje přibliženje k wrotam přez Klaru Bühl pak wosta hišće bjez wuspěcha. Tola hižo w 11. min. so suk torhny. Po flance Kathrin Hendrich skoči Popp w šěsnatce najwyše a zhłójčkowa mócnje k 1:0 do wrotow. Tež defensiwnje agěrowaše němski team jara kedźbliwje, pressing fungowaše runje tak derje kaž zawěsćenje konterow.
Po dobrej spočatnej fazy němska hra po 20 mjeńšinach trochu wosłabi. Žony DFB partiju drje dale dominowachu, njepřińdźechu pak strašnje před wrota wrotarki Khadija Er-Rmichi, doniž Popp znowa njetrjechi, jako wona bul po róžku Bühl artistisce z chribjetom k wrotam a z hłowu do saka stłóči (39.). Z wulce zasłuženym 2:0 dźěchu Němki do kabiny.
