Stari knježa Sokoła z druhim wotrězkom spokojom
Započatk awgusta startowachu Ralbičanscy koparscy stari knježa po lětnjej přestawce do winowatostnych hrow. W přestawce pak njeběchu lěnjeho pasli. Město toho absolwowachu tři přećelske partije, zo bychu w treningu wostali. Mustwu Askania Šejkow (Schipkau) njezbožownje z 0:2 podležachu, byrnjež dwě jědnatce dóstali. Přećiwo koparjam z Małeho Wosyka a Ringenhaina pak jasnje dobychu a dźěchu skrućeni do druheje połojcy sezony.
Jenož na škit so koncentrowali
FSV Wacker 90 Nordhausen
– FSV Budissa Budyšin 1:0 (1:0)
Zestawa hosći: Wohlfeld – Kolan, Klippel, Patka, Heppner, Müller (74. Šisler), Hoßmang, Pfanne, Milde, Barth (80. Němec), Salewski (80. Hermann)
Šěsć razow bě Budissa hižo přećiwo mustwu z Nordhausena hrała. Jenož prěni duel je dobyła, pjeć dalšich přěhrała. Koparjo Wackera chcedźa ze swojim trenarjom Tomislavom Piplicu w načolnej skupinje regionalneje ligi sobu hrać a po móžnosći tež wo postup do třećeje ligi. Budissa koncentrowaše so jenož na škit, dokelž chcyše rady z dypkom domoj jěć. Za domjacych nastachu tuž chětro wuske rumy, a Budyšenjo so prědku nimale docyła njepokazachu. Nordhausen hru jasnje postajowaše, wulke móžnosće pak njenastachu. Jako běchu hosćo prěni połčas nimale přetrali, wuži Nils Pichinot dźěru w jich škiće k 1:0 (40.).
W druhim połčasu drje spyta trenar Budissy Reimund Linkert na hrě swojich chowancow hišće něšto změnić a třoch koparjow wuměni. Tež to pak ničo ličomneho njewunjese. Clemens Werner
Widźał, słyšał, napisał (24.10.16)
Awtor dźensa
Michał Nuk
„To je postup do zwjazkoweje ligi marathonow!“, běše wčera z wótřerěčakow podłu čary Drježdźanskeho marathona słyšeć, jako doběhny Keničan Joseph Kyengo Munywoki w 2:10:21 h do cila před krajnym sejmom. Tajkale zwjazkowa liga drje njeeksistuje, tola wukonaj prěnjeho a druheho běharja pokazujetej, zo słuša Drježdźanski marathon nětko k prěnim adresam w Němskej. Po Berlinje, Hamburgu a Kölnje bu tu lětsa štwórty najlěpši čas docpěty, štož je hladajo na dosć naročnu čaru z plesternakami, mnohimi křiwicami a mostami čim kedźbyhódniše. A wjace hač 7 500 wobdźělnikow z 61 krajow je znamjo za to, zo je sej Drježdźanske wubědźowanje mjezynarodne připóznaće nadźěłało.
Wuslědki (24.10.16)
Wokrjesna wyša koparska liga
LSV Hory – Módro-běli Kulow 1:3 (1:2)
Ralbicy/Hórki – TSV Połčnica 5:0 (3:0)
1. ST Ćisk 10 35 : 4 27
2. Rakečanske ST 10 26 : 14 21
3. Motor Kumwałd 10 20 : 17 19
4. Sokoł Ralbicy/Hórki 10 26 : 12 17
5. SC Großröhrsdorf 10 10 : 6 17
6. ST Kinspork/Łužnica 10 24 : 17 16
7. Módro-běli Kulow 10 22 : 16 15
8. Póst Germ. Budyšin 10 18 : 19 15
9. ST Hnašecy-Dobruša 10 17 : 18 15
10. Wojerowski FC 10 20 : 23 12
11. LSV Hory 10 27 : 20 11
12. Drohotka Ramnow 10 15 : 20 9
13. FV Ottendorf-Okrilla 10 15 : 30 9
14. Zeleno-běli Bukecy 10 18 : 40 8
15. TSV Połčnica 9 12 : 24 6
16. ST Wjelećin 9 14 : 39 2
krajna liga
Taucha – Kamjenc0:4 (0:2)
1. Kamjenc 9 20 : 10 19
2. Eilenburg 8 20 : 7 18
3. Grimma 7 17 : 7 17
4. Pirna-Copitz 9 16 : 10 17
5. Wocl Riesa 8 16 : 10 15
6. Markkleeberg 7 15 : 10 11
7. Hohenstein-E. 7 15 : 14 10
8. Rapid Kamjenica 9 14 : 18 9
9. Taucha 8 12 : 19 8
10. Freiberg 7 11 : 15 6
11. Niska 7 7 : 12 6
12. Lößnitz 8 7 : 13 6
13. Reichenbach 8 3 : 14 6
14. Zwenkau II 7 8 : 15 5
Sport (21.10.16)
Jěchanski turněr w Jěžowje
Na Grofic jěchanskim dworje w Jěžowje maja wot dźensa do njedźele jěchanski a skakanski turněr za nowačkow a wólnočasnych jěcharjow. Jutře steji wot 8 hodź. do 18 hodź. dresura w srjedźišću, njedźelu změja za skakanje sydom wšelakich parcoursow spřihotowane.
Volleyball w Ralbicach
Worklečanske volleyballistki a volleyballisća su jutře, sobotu, cyły dźeń w Ralbičanskej ćěłozwučowarni. Wot 10 hodź. hraja Worklečanki we wobwodnej klasy přećiwo holcam VV Žitawy 09 III a volleyballistam z Hamora/Běłeje Wody. Wot 14 hodź. su Ralbičansku sportowu halu Worklečanscy volleyballisća knihowali. Načolnik wobwodneje ligi wočakuje OSC Lubij a VfB Zhorjelc.
Sakska přećiwo Pruskej
Wutoru, 15. nowembra, wuhrajetej Pěskečanska a Sulšečanska młodźina koparski duel „Sakska přećiwo Pruskej“. Hrać budźe so w Pěskecach, a to wot 18.30 hodź. pod swětłomjetakami.
Počuchać a šach hrać
We wobłuku KOMM-PROJEKTA zarjaduje Sportowy zwjazk Budyšin 22. oktobra w Budyšinje w Kamjentnym domje wot 9 do 12 hodź. móžnosć, so w sportowej družinje šach wuspytać.
Prěnja domjaca hra w nowej sezonje
Po zhromadnym treningowym lěhwje w Grünheide je tež za volleyballistki prěnjeho mustwa Marijinych hwězdźičkow sezona we wobwodnej lize zaběžała.
Tak su Pančanki hižo prěnju hru w Zhorjelcu absolwowali. Nažel pak nic z wočakowanym wuslědkom. Spočatk septembra podležachu chowanče trenarja Ralfa Wachsmanna z 2:3. Hwězdźički njejsu prawy zazběh namakali, štož zaleži zawěsće na trochu změnjenym mustwje. Tak stej dwě hrajerce nowej a dwě stej so do přestawki rozžohnowałoj. Jedna strowotnych přičin a druha maćerneho dowola dla. Tež Leńka Bartec njesłuša hižo k mustwu. Wona přewjedźe tučasnje swobodne lěto w Saksko-Anhaltskej. Nowa to situacija za hwězdźički. Móžeće sej sami wobraz činić, kak woni to zmištruja. Na prěnim domjacym hrajnym dnju 22. oktobra wočakuja Marijine hwězdźički wot 14 hodź. nowopřichad Koblicy a wot 16 hodź. hraja přećiwo tučasnemu načolnikej tabulki z Chróstawy. Wšitcy su sobotu wutrobnje do Pančanskeje sportownje witani. Halena Jancyna
Dypk w pinčnym duelu
LSV Nowe Město nad Sprjewju
– Sokoł Ralbicy/Hórki II 1:1 (0:0)
Zestawa hosći: Cyž – Serbin (60. J. Matka), Bogusz, T. Matka, Kobalc, Šnajder, Čórlich (69. M. Matka), Materna, G. Kurjat, Jakubaš, M. Kurjat (84. Šmit)
Na žadyn pad přěhrać, rěkaše dewiza Sokoła Ralbicy/Hórki w Nowym Měsće nad Sprjewju. Po prěnim dobyću tydźenja doma přećiwo cyłkej z Blunja chcychu na hrajny wukon nawjazać, byrnjež prawy centralny motor w srjedźnym polu pobrachowaše. Najlěpšu móžnosć k nawjedowanju měješe kaž před tydźenjom młody Gabriel Čórlich. Domjacy bul w hrajnym natwarje zhubichu, ale nažel sadźi wón hrajny nastroj na žerdź. Pola Noweho Města skedźbni Martin Fallant z rjanej třělwu na so. Wjace naspomnjenja hódneho so njesta. Wobě mustwje so neutralizowaštej a škitaj steještej dosć wěsće.
Wuslědki (20.10.16)
Wokrjesna koparska wyša liga
ST Ćisk – FV Ottendorf-Okrilla 5:0 (3:0)
TSV Połčnica – Motor Kumwałd 1:2 (1:2)
Großröhrsdorf – Ralbicy/Hórki 1:1 (0:0)
Kulow – Hnašecy-Dobruša 1:2 (0:0)
ST Wjelećin – Póst Budyšin 2:6 (2:2)
1. ST Ćisk 9 29 : 3 24
2. Rakečanske ST 9 24 : 12 20
3. Motor Kumwałd 9 17 : 15 16
4. ST Kinspork/Łužnica 9 21 : 14 15
5. ST Hnašecy-Dobruša 9 17 : 17 15
6. Sokoł Ralbicy/Hórki 9 21 : 12 14
7. SC Großröhrsdorf 9 9 : 6 14
8. Póst Germania Budyšin 9 16 : 17 14
9. Módro-běli Kulow 9 19 : 15 12
10. LSV Hory 9 26 : 17 11
11. Wojerowski FC 9 17 : 20 11
12. Drohotka Ramnow 9 14 : 17 9
13. Zeleno-běli Bukecy 9 17 : 34 8
14. TSV Połčnica 8 12 : 19 6
15. FV Ottendorf-Okrilla 9 12 : 29 6
16. ST Wjelećin 8 12 : 36 2
wokrjesna liga, stafla I
1. ST Horni kraj-Sprje. II 9 37 : 10 22
2. Traktor Malešecy 9 27 : 10 20
3. TSV Wjernarjecy 9 25 : 15 19
4. FV Concordia Załom 9 35 : 15 18
5. ST Porchow 8 13 : 8 15
6. HZ Wulka Du./Minakał 9 20 : 21 15
7. ST Budyšin 9 17 : 11 12
8. Germania Budyšin II 9 21 : 25 11
Skónčnje tři dypki
SJ Njebjelčicy
– Zeleno-běli Sepicy 2:1 (1:0)
Zestawa domjacych: Hahn – Pawlik, Hommel, Haška, Šołta, Hanuza, Cyž, Hrjehor, Lejnart (62. Hoelzel), Korjeńk (78. Kral), Čornak (89. Zeller)
Trochu zbožownje a nic runjewon zasłužbnje nawjedowaše k přestawce cyłk trenarskeje dwójki Detlefa Panica/Handrija Krawčika z 1:0. W 37. min. bě hóstny wrotar w šěsnatce Njebjelčan nadběhowarja Handrija Korjeńka potorhnył a čerwjenu kartu dóstał. Postajenu jědnatku přetwori Rony Hanuza wěsće. Do toho pak so Njebjelčanam ničo naspomnjenja hódneho poradźiło njebě. Po nawjedowanju přez jědnatku so hrajerjo wokoło kapitana Tadeja Cyža stabilizowachu.
Zasłužene domjace dobyće
ST Marijina hwězda
– ST Natwar Němske Pazlicy 2:1 (0:1)
Zestawa domjacych: Matik – C. Škoda (46. Smoła), Rab, T. Jurš, Lipič, Njek, Bělk, Hawš, Schmidt, D. Jurš, Peschmann (86. Wagner)
Při najrjeńšim nazymskim wjedrje nastupichu chowancy trenarja Tobiasa Škody přećiwo susodam z Němskich Pazlic. Znowa pobrachowaše sep stajnych hrajerjow a Clemens Škoda swjećeše swój debit. Hra wotmě so na twjerdym hrajnišću. We 28. min. njemóžachu Pančanscy škitarjo bul prawje wujasnić a Dennis Garbe třěli ze zdalenosće 16 metrow 0:1. Mjeńšinje pozdźišo wuznamjeni so wrotar Dawid Matik, jako wón dalšim wrotam z wulkotnej paradu zadźěwa. Z lochkim plusom na šansach a zastatkom 0:1 poda so hosćićel do kabiny.
