Łužicu dotal wuspěšnje saněrowali

Montag, 07. September 2015
Artikel bewerten
(0 Stimmen)

Zły Komorow (SN/JK). Mócnje klinčeše minjeny pjatk hórniska hymna po swjedźenskim stanje w Złym Komorowje. Znamjo to, zo bě so swjatočny dźěl zarjadowanje składnostnje 20lětneho wobstaća Łužiskeje a srjedźoněmskeje towaršnosće hórnistwoweho zarjadnistwa (LMBV) skónčił a zawodny swjedźeń nimale 700 přistajenych předewzaća zahajił.

W swojich postrownych słowach hódnoćachu do toho ministerskaj prezidentaj Braniborskeje Dietmar Woidke (SPD) a Sakskeje Stanisław Tilich (CDU) kaž tež zastupjer zwjazkoweho knježerstwa, parlamentariski statny sekretar Jens Spahn (CDU) wuspěchi wuchodoněmskeho předewzaća za rekultiwowanje a saněrowanje hórniskeje naslědneje krajiny.

„We Łužicy je so telko na dobro kraja změniło, wo čimž njejsmy spočatnje žane prawe předstawy měli“, wopisowaše Dietmar Woidke změny we Łužicy. Wón wupraji so za dalše wuwiće brunicoweho hórnistwa a wuzběhny, zo wostanje energijowe hospodarstwo dale žro Łužicy. Wšo druhe by po jeho słowach wopak było. Za to­ žněješe wón sylny přiklesk a mócne přihłosowanje přitomnych.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND