Kak so Vattenfall rozsudźi ? Empfehlung

Mittwoch, 07. Oktober 2015
Artikel bewerten
(0 Stimmen)
Wobswětoškitna organizacija Greenpeace angažuje so přewažnje na polu škita wobswěta a je hižo w měrcu podpěrała zapodaće skóržby přećiwo planowanju rozšěrjenja wuhloweje jamy Wochozy II w Budyšinje. Nětko pokaza samo zajim na přewzaću brunicoweje sparty koncerna Vattenfall. Foto: SN/Maćij Bulank Wobswětoškitna organizacija Greenpeace angažuje so přewažnje na polu škita wobswěta a je hižo w měrcu podpěrała zapodaće skóržby přećiwo planowanju rozšěrjenja wuhloweje jamy Wochozy II w Budyšinje. Nětko pokaza samo zajim na přewzaću brunicoweje sparty koncerna Vattenfall. Foto: SN/Maćij Bulank

Greenpeace zajim na łužiskej brunicy přizjewił

Choćebuz/Stockholm (SN/JK). Hač do wčerawšeho připołdnja, 12 hodź., móžachu so zajimcy z wotpohladom, brunicowu spartu Vattenfalla kupić, w koncernowej centrali přizjewić. Krótko do zakónčenja termina dóńdźe pola ameriskeje banki Citigroup w Londonje zdźělenka šwedskeje wotnožki Greenpeace, zo ma tohorunja zajim na brunicowej sparće Vattenfalla we Łužicy. Citigroup ma w nadawku energijoweho koncerna Vattenfall předań rjadować.

„Budźemy z Vattenfallom chutnje wo přewzaću brunicy rěčeć“, rozjasni prezidentka šwedskeje wotnožki Greenpeace Annika Jacobsen rozsud organizacije. Greenpeace wuznaje so jara derje w prašenjach wuwića energijoweho sektora a klimoweje politiki. Z nakupju chce Greenpeace rozsrost brunicoweje branše wobmjezować. „Jeli přeńdźe brunica do rukow druhich kupcow, wotewru so snano dalše jamy a zwyši so emisija wuhlikoweho dioksida“, rěka w stejišću.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND