Kamjenc – stolica lochkich lětadłow

Donnerstag, 08. Oktober 2015
Artikel bewerten
(0 Stimmen)
Pola firmy Scheiling Aircraft Service staraja so monterojo wo spěšne a dobre hladanje jim dowěrjenych lětadłow. Spušćomne dźěło zaruča předewzaću derje pjelnjene  nadawkowe knihi a Kamjenskemu lětanišću dalewobstaće.  Foto: Uwe Menschner Pola firmy Scheiling Aircraft Service staraja so monterojo wo spěšne a dobre hladanje jim dowěrjenych lětadłow. Spušćomne dźěło zaruča předewzaću derje pjelnjene nadawkowe knihi a Kamjenskemu lětanišću dalewobstaće. Foto: Uwe Menschner

Kamjenc ma so ze swojim lětanišćom wuwić na srjedźišćo předewzaćelskeje syće lětanja z lochkimi lětadłami. Kamjenski lětarski klub ma tole jako wobhospodarjer lětanišća přewodźeć.

Předewzaća z Kamjenca a wokoliny zjednoćeja mnohe lětarske kompetency w swojich rjadach. Wot naćiska a twara lětanišćow přez wukubłanje a logistiku hač k zhotowjenju lětadłow je nimale wšitko zastupjene.

„Što je bliže hač wutworić syć, kotraž inowatiwne projekty zwoprawdźa a synergije při wopyće wikow a w marketingu nastorči“, rozjasni Peter Pfeiffer z Kamjenskeho lětarskeho kluba, kotryž lětanišćo wobhospodarja. Tež pomjenowanje dotal hišće njekruty zwjazk hižo ma: „Saxony­ light flight system“ (Sakski lochkolětarski system).

Mjez pjatnaće załoženskimi čłonami je tež Budyski lětarski sportowy centrum, kotrehož pomjenowanje zamyla. Towarstwo ma hižo wot lěta 2008 swoje sydło w Kamjencu, byrnjež so w Budyšinje załožiło.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND