Z programa (17.03.16)

Donnerstag, 17. März 2016
Artikel bewerten
(0 Stimmen)

Pjatk, 18. měrca, na zahajenskim dnju zahudźa wot 12.45 hodź. Horjany a postaraja so wo dobru naladu hač do toho časa, hdyž prominentni a organizatorojo wiki zahaja. W předhali Horjany potom dale hudźa. Wot 15 hodź. wotměje so zabawny wjeršk: Dźěći so w spěwanju wubědźuja, pytajo nowe talenty na hudźbnym polu.

Publikumowy magnet budźe zawěsće prěnje wubědźowanje wo najlěpše pječwo pjekarjow Budyskeho pjekarskeho zjednoćenstwa, kotrež je tohorunja w předhali wikow a hdźež so něko­tryžkuli prominentny hósć wikow wobdźěli. Dajće so překwapić! Pjatk wječor budźe potom wulke přijeće wustajerjow. Město Kamjenc a wokrjes Budyšin přeprošatej rjemjeslnikow a zastupjerjow zawodow na zabawno-informatiwne zarjadowanje.

Sobotu, 19. měrca, chcedźa wot 11.30 hodź. pytanje za spěwnymi talentami dale wjesć. A w 15 hodź. su hosćo na program z něhdyšimaj šlagrowymaj hwězdomaj NDR, Andreasom Holmom a Thomasom Lückom, přeprošeni. Načasne serbske šlagry zanjese wot 17.45 hodź. Weronika Rachelic.

Veröffentlicht in Hospodarstwo
Bitte anmelden, um einen Kommentar zu posten

Serbska debata

Neuheiten LND