Budyšin (SN/BŠe). Mjeztym sedmy raz běchu dźensa předewzaćelki z regiona na wosebite zarjadowanje – dźeń předewzaćelkow – přeprošene. Tónkróć přichwata něhdźe 160 zajimčow do Budyskeho hotela Residence. „Telko přizjewjenjow z najwšelakorišich předewzaćelskich wobłukow je mje překwapiło“, rjekny nawodnica wokrjesneje rjemjeslniskeje komory Sabine Gotscha-Schock, kotraž bě hłownych organizatorow Industrijneje a wikowanskeje komory (IHK) sobu podpěrała.