Widźał, słyšał, napisał (27.11.23)

Montag, 27. November 2023 geschrieben von:

Awtorka dźensa

Tereza Wićazowa

„Poćić so kaž bar w pjecy“, poćiš so jara, hdyž intensiwnje sportuješ. Serbska rěč ma mnoho rjanych rěčnych wobrotow a frazeologizmow. Tute wužiwaja so husto we wšědnym dnju. Zajimawe je přepytować, zo mamy tež někotre rěčne wobroty, kotrež z wobłuka sporta pochadźeja resp. ze sportom zwisuja. Rěčespytnicy mi njech prošu wodaja a mi nadźijomnje „žołtu kartu [nje]pokazaja“, jeli njejsym při někotrych swobodnych přełožkach němskorěčnych resp. mjeztym wobchadnorěčnych wobrotow do „čorneho trjechiła“. Dowolće mi małki eksperiment, wšako so tute „hodźa kaž pjasć na wóčko“. Dwójny zmysł podšmórnje pospyt: pak njepřitrjechi abo je njepřiměrjeny, snano „hinak trjech[ju] hač sy[m] so měrił[a]“ pak „tamna strona medalje“ so wuběrnje hodźi a wotpowěduje zmysłej. Tuž chcemy dale „při bulu wostać“ a sej dalše wobroty z wšelakorych sportowych družinow wobhladać.

Sport (24.11.23)

Freitag, 24. November 2023 geschrieben von:

Dźensa doma, njedźelu wonka

Łužiske lodohokejowe liški hraja dźensa doma w Běłej Wodźe a njedźelu w Kaufbeurenje. Za tydźeń stejitej potom derbyjej na hrajnym planje, najprjedy w Crimmitschauwje, po tym doma přećiwo Drježdźanam.

24.11.  19:30  Łužiske liški –

  Krefeldske pinguiny

26.11.  17:00  ESV Kaufbeuren –

  Łužiske liški

Prěni hrajny dźeń

Njedźelu w 10 hodź. zahaji so hrajna doba we wolejbulowej wokrjesnej klasy sewjer. Hrać budu w sportowej hali L.-Foucault-gymnazija. Přizjewiło je so 9 mustwow, mjez druhim rezerwa Viktorije Worklecy. Na prěnim hrajnym dnju nastupja Worklečenjo přećiwo mustwu ST Kupoj Nowa Łuka II a přećiwo zastupnistwu OSSV Kamjenc. Štwórtk změja potom klóšterscy wolejbulisća domjacy hrajny dźeń.

30.11.  19:30  ST Marijina hwězda –

  TSV Wóspork

30.11.  20:30  ST Marijina hwězda –

  Schönbachske VV

02.12.  14:00  MSV Budyšin 04 II -

  Viktoria Worklecy II (ž)

Druha połserija so započina

Poprawom su sej klóšterscy koparjo předewzali, zo wostanje bilanca na wonkownych hrach hač do zymskeje přestawki pozitiwna. Naposledk pak w Arnsdorfje přěhrachu a w Dobruši hrajachu jenož njerozsudnje. David Matik a Tobias Nowak rozprawjataj.

Arnsdorfske KT – ST Marijina hwězda 6:3 (4:0)

Zestawa hosći: D. Matik – L. Hoge, B. Zynda (46. Fe. Langer), K. Pakoßnick, M. Wróbl, J. Ladewig (46. F. Peschmann), R. Cyž, Ch. Cyž, J. Kuring, A. Eldor, J. Pakoßnick

Na kumštnym trawniku wuwi so hižo wot spočatka hra z mnoho strašnymi akcijemi před wrotami. Domjacy hižo w 2. min. prěni raz wyskachu. Na 2:0 zwyšichu hosćićeljo běrtlk hodźiny pozdźišo (17.). Domjacy cyłk bě chětro efektiwny a třěli hišće do połčasa 3:0 (34.) a 4:0 (41.).

Hoberski přiklesk za tři wažne dypki

Dienstag, 21. November 2023 geschrieben von:

Na druhim domjacym hrajnym dnju sezony w sakskej klasy steješe za wolejbulistow ST Viktorije Worklecy jara kontrerny program na planje. Mjeztym zo čakaše w druhej hrě přećiwo MSV Budyšinej něšto podobne kaž winowatostny nadawk, běše najprjedy z módro-běłymi z Wojerec napřećiwnik jasny faworit.

ST Viktoria Worklecy – VF Módro-běli Wojerecy 1:3 (25:19, 25:27, 22:25, 14:25)

Tola wolejbulisća Viktorije dźěchu z nastajenjom do hry, zo je přeco překwapjenka móžna. A tak startowachu z połnej paru a kuražu do prěnjeje sadźby. Hosćo so dźiwachu, jako so jim hnydom na spočatku dwójce blok před nohi prasny. Domjacy sej hnydom někotre dypki předskoka wuhrachu. Potom pak bě sadźba hač do 20:18 wurunana, prjedy hač zaso jara sylny Šćěpan Wjeńka ze seriju nadaćow wěsty předskok wunuzowa. Poslednje tři nadaća słušachu kapitanej Ludwigej Eckertej a faworizowany hósć z Halštrowskeho města bě poraženy. Wjace hač 70 přihladowarjow bě zahorjenych.

Wuslědki (21.11.23)

Dienstag, 21. November 2023 geschrieben von:

Kopańca, krajna liga

Neugersdorf – Radebeul 3:1 (0:1)

Borea Drježdźany – Reichenbach3:1 (1:0)

Empor Glauchau – SZ Taucha 99 2:1 (1:0)

1. SZ Taucha 99 7 22 : 3 19

2. SSV Markranstädt 7 8 : 3 15

3. SZ Rjemjesło Rabenstein 7 12 : 4 14

4. VfB Empor Glauchau 7 13 : 8 14

5. Drježdźany 06 Laubegast 7 21 : 7 13

6. VfB Fortuna Kamjenica 7 14 : 9 12

7. Radebeulski BC 08 7 10 : 7 11

8. Reichenbacher FC 7 8 : 7 9

9. FC 1910 Lößnitz 7 9 : 9 9

10. HŁ Neugersdorf 7 7 : 11 9

11. Kickers 94 Markkleeberg 7 10 : 10 8

12. SZ Motor Wilsdruff 7 7 : 12 7

13. SC Borea Drježdźany 6 8 : 12 4

14. Radefeldske ST 90 7 6 : 15 4

15. VfL Pirna-Copitz 07 6 3 : 18 4

16. BSC Rapid Kamjenica 7 3 : 26 0

krajna klasa

ST Wesenitzal – SG Weixdorf 2:0 (2:0)

Germ. Budyšin – Niska 0:3 (0:0)

Drježdź. Strěžin – Zschachwitz 2:0 (1:0)

Rakecy – FSC Wódrjeńca 02 0:6 (0:5)

Wojerecy – Radebergerske ST 2:1 (0:1)

Běła Woda – Rotacija Drježdźany 3:3 (1:3)

Sebnitz – Nowosólc-Hródk 1:0 (0:0)

SJ Chrósćicy – Drježdźanny 1898 wupad

1. FV Přezjednota Niska 13 49 : 7 31

2. SZ Drježdźany Strěžin 12 27 : 17 26

3. Drježdźanski SC 1898 12 25 : 19 23

4. ST Wesenitzal 13 24 : 24 19

5. Póst Germania Budyšin 13 21 : 32 19

6. BSV 68 Sebnitz 13 20 : 17 18

7. Wojerowski FC 13 21 : 23 17

8. Rakečanske ST 13 22 : 35 17

9. Radebergerske ST 13 20 : 28 16

10. SG Weixdorf 13 21 : 20 15

11. FSC Wódrjeńca 02 12 30 : 30 15

12. 1990 Nowosolc-Hrodk 12 19 : 19 15

13. SJ Chrósćicy 11 16 : 21 14

14. VfB Běła Woda 1909 12 26 : 34 13

15. TSV Rotacija Drježdźany 12 15 : 25 13

16. Módro-běli Zschachwitz 13 25 : 30 12

wokrjesna liga, stafla 2

Wojerowski FC II – LSV Hory 4:2 (2:0)

ST Lubuš – Zeleno-běli Bukecy 2:4 (0:3)

Kulow II – ST Kubšicy 1:4 (0:2)

Malešecy – Wulka Dubrawa 0:2 (0:1)

Nowa wobrazowa protyka

Dienstag, 21. November 2023 geschrieben von:
Po wjace hač dwě hodźinje mocy rubjacym dobyću 3:2 holcow Drježdźanskeho SC přećiwo VfB Suhl LOTTO Durinska w Margonarenje běše hišće rjany nadawk, a to prezentacija noweje wobrazoweje protyki fotografki Amelie Jehmlich. Mjeztym 26. wudaće wěnuje so temje „čas“, naročne portrety hrajerkow su z časnikami tradiciskeho předewzaća Mühle Glashütte tzwr zwjazane. Protyka poskićuja za 29 eurow pola domjacych hrow abo w online-fanshopje pod www.dscvolley.de, jako sportowy hodowny dar. Foto: Jürgen Männel

Klóšterscy wolejbulisća derby dobyli

Dienstag, 21. November 2023 geschrieben von:

Na třećim hrajnym dnju běchu wolejbulisća Sokoła Budyšin a sportoweho towarstwa Marijineje hwězdy z hosćom w sportowni w Słónkecach. Tam přewjeduje mjenujcy wolejbulowe zastupnistwo sportoweho towarstwa Hnašecy/Dobruša swoje domjace hry.

ST Hnašecy-Dobruša –

Sokoł Budyšin 2:0 (25:13, 25:18)

Sokoljo započinachu měrnje a wěsće přećiwo domjacym hrać, bjeztoho zo dominancu wuprudźowachu. Ale bjez kruteje, haj njewobmjezowaneje dobyćerskeje wole njetrjebaš so do žanoho dwuboja podać. Njetraješe dołho a Sokoljo mějachu zastatk, kotryž wjace njenachwatachu. 25:13 za Hnašecy. Druha sadźba bě za hrajerjow z města tróšku lěpša, dokelž nasta wjele efektiwnych nadběhow a mało špatnych nadaćow. Jich bě w sumje jenož sydom.

ST Hnašecy-Dobruša –

ST Marijina hwězda 2:0 (25:15, 25:11)

Kermušne dypki doma wostali

Montag, 20. November 2023 geschrieben von:

Sokoł Ralbicy/Hórki – SC Großröhrsdorf 4:2 (1:2)

Zestawa domjacych: Chr. Gloxyn – Heidorn, Schultz (46. Rachela), Al. Wałda, Woko, D. Gloxyn, Korjeńk, Mjechela (88. Šiman) Bejmak (80. Buder), Šołta (90. Jakubaš) – Domaška

Po sylnych dešćach minjenych dnjow njemóžachu Sokoljo swoju domjacu hru wjac na trawniku wuhrać. Na zbožo pak móža delanscy bulkoparjo stajnje na twjerdym hrajnišću za kožanej kulu běhać, wšako tute tež sylny dešć w běhu jedneje hodźiny zaso po nimale cyłym polu zesrěba. Z Großröhrsdorfom wočakowachu Ralbičenjo sylneho a po hrajerskich kmanosćach nimale identiskeho přećiwnika. Tuž widźachu wjac hač sto přihladowarjow kermušnu njedźelu wurunanu, bojownisku a chětro zajimawu hru ze šěsć wrotami.

Žana šansana dypk přećiwo načolnikej

Montag, 20. November 2023 geschrieben von:

Biskopičanske KT 08 II – ST 1922 Radwor 5:1 (3:0)

Za hosći zasadźeni: Ehrlich – B. Grubert, Castejon, Schäfer, Paška, Reinecke, Schöne (46. Bauer), Wjacwałk, Glücklich, Schulze, Šnajder (43. Wróbl)

Čoło tabulki přećiwo pincy rěkaše sobotu w Biskopicach. Wšitcy Radworscy fanojo wědźachu, zo njeměješe to lochka hra być. Ale runje přećiwo tajkim přećiwnikam je přeco zaso móžno so wo překwapjenku postarać.

Hra njezapoča so runjewon derje za Radworski cyłk. Hižo za sydom mjeńšin nawjedowaše hosćićel 2:0 po wulkotnymaj kombinacijomaj. Hosćo běchu sej tójšto předewzali a dóstachu tak zahe dwoje wrota. Po tym móžachu Radworčenjo hrajerjow z Biskopic wot wrotow preč dźeržeć a tež někotre razy konterować, při čimž so tute derje njewuwjedźechu. Tak hrajachu hosćićeljo měrnje dale a móžachu dalše wrota wuhrać a předskok na 3:0 (36.) wutwarić. Do přestawki pak njeměješe blamaža nastać. Hosćo běchu jasnje lěpši. Móžachu sej koparjow z Radworja „přihotować“ a na prawy wokomik čakać.

Awtor dźensa

Jan Hrjehor

We Wosadniku na stronje šěsćadwaceći steji kardinalny počink zmužitosć. A tutón njepo­kazachu Sokoljo Sokoła Budyšin a wolejbulisća sportoweho towarstwa Marijina hwězda tydźenja w Słónkecach jenož na halowym parkeće, jako přewjedźechu serbski wolejbulowy derby we wokrjesnej klasy Budyšin wuchod w cuzej sportowej hali, kotraž lědma serbskeho słowa słyši, ale tež na swójskej sportowej drasće. Klóšterscy wolejbulisća a tež Sokoljo z města su mjenujcy dwaj z jeno mało serbskich sportowych cyłkow, kiž noša na swojich trikotach bjezwuwzaćnje serbskorěčny napis Sokoł Budyšin a ST Marijina hwězda. Tež wjacore serbske kubłanišća kaž na přikład Serbska šula Ralbicy, Serbski gymnazij Budyšin abo Serbska šula Worklecy so jasnje na jednorěčnosć dźerža, hdyž dźe wo to, přećiwnikam, přihladowarjam a hosćom při šulerskich wubědźowanjach „Młodźina trenuje za olympiju“, při wysokoskoku z hudźbu abo wurisanju „Sportej zdar!“ pokazać, kotremu cyłkej přisłušeja. Němski přełožk prosće trěbny njeje, a to je tež prawje a derje tak.

Serbska debata

Neuheiten LND