Wěrna koča stawizna

Dienstag, 02. Juni 2015
Artikel bewerten
(0 Stimmen)
Křesćan Krawc je dźensa we Worklecach ze swojeje najnowšeje dźěćaceje knihi čitał.  Foto: SN/M. Bulank Křesćan Krawc je dźensa we Worklecach ze swojeje najnowšeje dźěćaceje knihi čitał. Foto: SN/M. Bulank

1. lětnik Worklečanskeje Serbskeje zakład­neje šule „Michał Hórnik“ dožiwi dźensa dopołdnja čitanje ze spisowaćelom Křesćanom Krawcom. Wón předstaji dźěćom swoju nowu knihu „Hdźe je kóčka wostała?“

Worklecy (SN/MiR). Dźe-li wo kóčki, da wědźa dźěći tójšto powědać. Tak wone Křesćanej Krawcej derje připosłuchachu, jako jim z dyrdomdejow ze swojej čornej kóčku we wójnskim času čitaše. Jako bě sam hólčec – nic wjele starši hač jeho připosłucharjo dźensa –, je wón kóčki přewšo lubował. Lektorka knihi Ingrid Jur­šikowa pokaza dźěćom w krótkich čitanskich přestawkach rysowanki, kotrež je Uwe Häntsch zhotowił. „Mi lubi so wosebje jich barbne wuhotowanje, kotrež so derje za zwobraznjenje tehdyšeho časa hodźi“, wona rjekny. „Štóž sej hólčeca na wobrazach dokładnje wobhladuje, spó­znawa samo podobnosć z awtorom.“ Křesćan Krawc zamó šulerjow putać, tež hdyž je maćizna za šěsć- do sydomlětnych dosć naročna. Stajnje zaso so jich něšto prašeše, kaž: „Dokal drje kóčka poběhnje, hdyž je w cuzbje?“ Jan Bobka jemu rjekny: „Ta budźe zawěsće doma.“

Veröffentlicht in Kubłanje
Bitte anmelden, um einen Kommentar zu posten

Serbska debata

Neuheiten LND