Drježdźany (SN/MiR). Wotpowědnje koaliciskemu zrěčenju CDU a SPD w Sakskej zaběraja so wědomostni a kubłanscy fachowcy tuchwilu ze zestajenjom digitalneje wučbnicy za serbšćinu. Za to stej statnej ministerstwje za wědomosć a wuměłstwo kaž tež za kubłanje w zhromadnym dźěle wodźensku skupinu Digitalny wuwučowanski srědk wutworiłoj. Pod jeje nawodom skutkuja tři dźěłowe kruhi. Čłonojo wodźenskeje skupiny jich dźěło koordinuja. Wot oktobra chcedźa intensiwnje dźěłać započeć.