Zhorjelc (SN/MiR). Dźěći a wuměłcow hromadu přinjesć je zaměr kulturneho ruma Hornja Łužica-Delnjo Šleska. Aktualne modelowe předewzaće wuměłske kubłanje ma zaměr, dźěći wšelkeje staroby k tomu pohnuć z wuměłskimi srědkami swój wobswět wuhotować, jich kreatiwitu přisporjeć kaž tež kompetency a kma­nosće spěchować. To rěka, zo pytaja sej dźěćace zarjadnišća wuměłca abo wuměłču respektiwnje nawopak, zo bychu hroma-dźe dźěłali. „Wosebje drohotne su nam tónkróć namjety, kotrež so z wobrazliwym tworjenjom zaběraja“, rozłožuje nawoda syće kulturne kubłanje Ulf Grossmann.